Ouboet se stoep

Hoe kry ek die font groter? Alles probeer. Niks werk nie

 

Lewies jou yster. Ek het vermoed jy is baie slim, maar die volgende stukkie verbysterende insig plaas jou maklik in die MENSA-kategorie:

Lewies skryf: “Ek wil eintlik op jou volgende inskrywing kommentaar lewer, maar die Bulls poppies sit die kommentaardosie toe! (Hels geforseerde poging tot metaforiek!)

Vir die Super 14 staan ek nou agter die Bulls. As getroue Cheetah ondersteuner voel dit vir my na hoerery, maar magtig, ek wil ook een keer aan die wenkant wees!

Terloops, die generaal daar is nie Matfield nie, maar daai outjie wat sy rugby in die Vrystaat leer speel het, generaal Steyn!”

Ek reageer toe met ‘n versugting dat ek weens tyd nie 22 generaals almal op die naam kan noem nie, want ‘n skip het een kaptein.  Dat generaal Morne Steyn sporadies in Vrystaats onderrig is, is inderdaad ‘n pluimpie vir die Cheetahs.

Inderdaad het Lewies ‘n massiewe punt beet. Ek het ‘n vermoede dat die Sharks en die Cheetahs se drome besig is om rens te word. Lewies se haalbare droom om “ook eenkeer aan die wenkant te wees” laat dus twee opsies as julle nasionaal-lojaal na die prentjie kyk: Die Stormers en die Bulls. 

Die Stormers kan dit nog maak. Hulle het hope talent met Andries Bekker, Brian Habana en Jaque Fourie aan die spits. No 15 lyk ook op vorm.

Die mees logiese opsie is natuurlik Lewies se briljante keuse: BLOU. Dus, Jan, Kammi, Neels en ander gekweste mede-rugbykenners; julle het ‘n keuse. Maak vrede, of bly treur. Super 14 is dié strafste internasionale kompetisie en nie vergelykbaar met die plaaslike Currybeker-kompetisie nie.

Ons (ek en Lewies) verwag nie julle moet enorme blou balasse tussen julle karre of 4×4’s se agterwiele laat wieg nie. Bloemfontein is groot en Jan se cafe’s het baie eiers wat dalk meer as net ‘n ritmies-wiegende blou juweel gaan tref.

Kom ons begin stadigaan dink aan die 1011-landskap. Wat sal lekkerder wees as om die grootste koppie in die wêreld vir die derde keer (nogal in All Black-land) met manne soos Matfield, Juan Smith, en Brussouw aan die spits te gaan haal? Dit sal Januarie se raakvat in die “house of pain” soos ‘n Woensdagpiekniek in Droldrif laat lyk.

Lekker week in die Vrystaat.

Rugbygroete uit Gauteng

Ouboet

Wat ‘n fenomenale skouspel was gister se rugby nie?

 

Kom ons begin by die Cheetahs en die Highlanders. Ek dink Rapport se opskrif op bladsy 3 van SPORT moet seermaak: “Cheetahs moet wakker skrik.” Dis onsensitief maar bevat tog enkele waarhede. As vredesoeker wil ek eerder op die positiewe konsentreer.

 

Brussouw het geen gelyke nie en kan op huidige vorm met gemak in enige wêreldspan instap. Onthou net, ’n briljante speler in ’n verloorspan is ryp om gepoach te word. Jaque Fourie is maar een van talle voorbeelde.

 

Juan het besielend gespeel, maar of daar afwaartse druk met sy drie was kon nie met sekerheid vasgestel word nie. In elk geval, die alternatief sou ’n 5-tree-skrum wees en julle aggressie was op daardie stadium so sterk dat julle beslis sou gescore het.  

 

As die TV-rev Brussouw se drie nie toegeken het nie, sou ek saam met julle voor Hoskins se kantoor gaan toy-toy het. Geluk met die bonuspunt.

 

Kom ons kyk wat sê die log:

	Team	Nation	P	W	L	D	PF	PA	PD	Bp	Ttl
1.	Bulls	()	3	3	0	0	149	104	45	3	15
2.	Hurricanes	()	3	3	0	0	114	60	54	2	14
3.	Chiefs	()	3	3	0	0	128	102	26	2	14
4.	Crusaders	()	3	2	1	0	87	64	23	2	10
5.	Stormers	()	3	2	1	0	70	38	32	1	9
6.	Blues	()	3	2	1	0	66	67	-1	1	9
7.	Brumbies	()	3	2	1	0	75	82	-7	0	8
8.	Reds	()	3	1	2	0	87	77	10	2	6
9.	Highlanders	()	3	1	2	0	63	75	-12	1	5
10.	Cheetahs	()	3	1	2	0	83	102	-19	1	5
11.	Waratahs	()	3	1	2	0	74	103	-29	1	5
12.	Sharks	()	3	0	3	0	44	79	-35	2	2
13.	Lions	()	3	0	3	0	96	131	-35	2	2
14.	W.Force	()	3	0	3	0	56	108	-52	0	0
Die Bulls het swak begin en op ’n stadium in die eerste helfte het ek ’n herhaling van Jake White se 49-0 fiasko teen Aus in my geestesoog sien manifesteer, veral toe die TV-kamera vir ’n wyle op Jaco van der Westhuizen se gesig fokus.     Wanneer laas het julle so ’n harde en fisies uitmergelende wedstryd gesien? Wanneer laas het julle ’n meer arrogante kaptein as Phil Waugh gesien? Het julle al ooit ’n beter comeback in die tweede helfte gesien?   Generaal Matfield, I salute you and and your brilliant team.  I humbly rest my case. En, o ja, beauty is in the eye of the beholder.

Ouboet wens julle sterkte toe met die wedstryd. Ek glo vanaand gaan die log so effens anders lyk. Gaan die Bulls weer bo wees? Gaan julle opskuif? Baie sterkte uit ‘n warm Bloubulland.

	Team	Nation	P	W	L	D	PF	PA	PD	Bp	Ttl
1.	Hurricanes	()	3	3	0	0	114	60	54	2	14
2.	Chiefs	()	3	3	0	0	128	102	26	2	14
3.	Bulls	()	2	2	0	0	101	66	35	2	10
4.	Crusaders	()	3	2	1	0	87	64	23	2	10
5.	Stormers	()	3	2	1	0	70	38	32	1	9
6.	Blues	()	3	2	1	0	66	67	-1	1	9
7.	Brumbies	()	3	2	1	0	75	82	-7	0	8
8.	Reds	()	3	1	2	0	87	77	10	2	6
9.	Cheetahs	()	2	1	1	0	59	71	-12	0	4
10.	Waratahs	()	2	1	1	0	36	55	-19	0	4
11.	Sharks	()	3	0	3	0	44	79	-35	2	2
12.	Lions	()	3	0	3	0	96	131	-35	2	2
13.	Highlanders	()	2	0	2	0	32	51	-19	1	1
14.	W.Force	()	3	0	3	0	56	108	-52	0	0

Jammer ouboet was verkeerd oor die Stormers. Habana was die op sy beste nie en nommer 9……. Volgende vraag asseblief. Ek en my groot Stormers-pel stuur soos gewoonlik vir mekaar SMSe laat dit gons.  Die ongesensorde “makker” een wat pel stuur is: TV rev is blind (byvoeglike naamwoord uitgelaat).

Intussen bly die volgende voorspellings van krag:

Highlanders: 36

Cheetas: 17

Bulls: 48

Waratahs: 11

Let’s agree to disagree.  Onthou, 2011 is om die draai. Die jaar van die grootste koppie gaan skouspelagtig wees. Dan skree Vrystaters gul vir generaal Matfield en Fourie du Preez, en die Bulle vir Brussouw en Juan Smith. En as generaal Matfield speech maak word blaasbeheer nie gewaarborg nie. Ek lei af julle besef ook die probleem op no 3 (en sy rimpels) is uitgesorteer.

Laat rugby wen. Sterte Jan, Kammi, Neels en ander Vrystaters.

Met die Sharks se swak vertoning teen die Crusaders twyfel ek of hulle vanjaar ‘n buitekans het om die semi-finaal te haal.

Wat die ander wedstryde betref, lig my fut feel my soos volg in:

Stormers: 27

Brumbies: 19

Highlanders: 36

Cheetas: 17

Bulls: 48

Waratahs: 11

Lekker kyk!

Early days, MAAR die spanne wat die grootste kans het om teen die Bulls in die finaal op Loftus te speel lyk na nie Stormers en die Crusaders.

Sterkte generaal Matfield. Jy hou ‘n beker so mooi in die lug op en jy praat beter Engels as ‘n Nataller, en beter Afrikaans as ‘n Vrystater.En jy dink en spring beter as wat jy praat.

 

Dis nie die fluweel in

haar omroeperstem nie

 

ook nie die glans van

haar engelgewaad nie

 

ook nie haar ontwerperskepping

of die verruklikheid daaronder nie

 

Vandag se somber som het sy gewete

daai dag rond en blink en sag gemaak

 

maar mannetjie se vlymskerp kloue op

sy harde skouer tog so sieldiep ingeslaan

DJ Opperman (1914-1985)

25 jaar later

 

Heer, waar u son oor die wye landskap skyn

en lig straal tot dit donker is, gee ons ook sig

in skemerte om fyn stellasies vers tot boeg te

skik as gedagtes muf raak en net waterlote stoot

Gee dat ons skugter dapper woorde saamval tot

’n simfonie ver buite ons bereik; gee dat ons die

aardse, die vrou en die groot groot Gees sal dien;

gee dat ons veral onder die roosmaryn bly snuffel

en sal takkies aandra vir die swart kraai se nes

wat ons kan losrafel en aanhou nuwe wysies dig.

 

Na meer as ’n kwarteeu se stilte van sy pen bly hy

lig skyn op die soms droewe landskap. Gee ons

woorde Heer, om ook drie dode hier te sterf as

offer aan ’n meester wat so raak kon dolosgooi.

Na drie dode herrys ons sielsoek skugter woorde

om en om die helder klanke van sy meestersimfonie

Uroloog vra vir blonde nurse om vir hom ‘n paar nuwe Crepe de Chine-handskoene aan te gee tydens ‘n prostaatondersoek.  Sy vra: Watter grootte dokter?

 

Dokter hakkel verskriklik.  Nnnnurse. My sssssize is  ‘n ‘n ‘n nnnnommer sssses. Mmmmy hhhande bbbly aaaaltyd eeeeewwe gggroot. Al vvvan mmmy wwat gggroter en kkkleiner wwwword is my pie pie pie pie….mmy pupille.

Vaarwel

 

Gewetespel is uitgewoed

na soveel nagte vol berou

oor gisters wat verstar verskyn

teen die ruit wat dikker word

en met elke asemteug van

jammersê verskraal die kans

van eenword vir oulaas lief

Soms dink mens verlangend terug aan die meevoerende en soel landskap van jou slypingsjare, die koshuisjare. Daardie jare roep herinnerings op van ’n guitig-verwaende witjaskennis (medic) wat daarmee gespog het dat sy …. (derde been) en sy persoonlikheid sy grootste bates was.  

 

Toe ouboet as boorling uit ‘n Calvinisies-patriargale jeug hom koel, beheersd en takties betig, wip hy sy gat in ‘n krul.  Toe hy sinies spog dat retrovirginity-prosedures oor vier jaar deel van sy boetedoening gaan wees, toe verstar ouboet se pupille.

 

Toe hy die room-van-die-oes-landskap wederregtelik wou betree en by ’n pel (eerste span slot) se girl sy bates probeer beproef, toe word hy hoogs verdienstelik en genadeloos gemoer.  Lip het eers na ‘n week gesak en het hom dalk ‘n merkie of twee op sy kerfstok gekos.

 

Toe skryf ouboet ‘n stigtelike weergawe van pre-volwasse strewes, eendag toe ‘n room-van-die-oes-pop sy pad kruis. Nodeloos om te sê die poging is nie afgelewer nie want die droom het voor die hipotetiese verbeeldingsvlug en dramatiese opbou kort na strofe 4 rens geword.

 

Eenword

 

Ek kan jou nog nie hoor nie

want jy praat in raaisels

 

Ek kan nog nie deur jou sien nie

want jou spelpatroon is wasig

 

Ek kan jou nog nie ruik nie

want jy staan altyd te ver

 

Ek kan nog nie aan jou vat nie

want jy’s nog veels te rats

 

Ek kan jou nog nie proe nie

want jy’s nog onskuldig

 

Maar gut feel draal ‘n ander

deuntjie: ons gaan stap vir stap

 

een vir een voor eendag

as een by al vyf uitkom

 

 

NS: Dalk sê een van die poppe: “Mens moet nogal guts hê om jou mindere pogings uit jou stomppenjare so argeloos voor die hoofpawiljoen te plak.“

 

Of: “Sies ouboet“

 

Of: “Jy toets die randmetafoor“

 

Of: “Katools ou man“ (Kleinmondmetafoor)

 

Of: “Moenie misvattie“ (Christo)

 

Of: “Probeer is die beste geweer. Inkom is saakliker as uitkom“ (Jan)

 

Of: “Met herhaling kom begrip“ (Ekke)

 

Of: “Man bly man. Hole-in-one’s tref nie beginners nie“ (Ghaap)

 

Of: “Takties ontoereikend“ (DsP)

 

 

Sorry! Die stuk is tong-in-die-kies geskryf