Einde van die woordgeveg

Januarie 28, 2010 in Sonder kategorie

Stuk vir stuk sluk jou donker oë

my swart en mufgedinkte

gedagtes in

Ek sien jou in hierdie

woordlose uur mik op

’n grys vel papier

en wonder wat jy dink

as jy sekuur bly woorde spits

en  dalk nog ‘n rondte kruit 

genadeloos vergader

Diep lyne om jou mond versag

Jy fladder rond soos

vleipaddatjies in die reën

Woorde spring

Op en af skik ’n

landskap vol letters

wat woorde word

strofes lig

bars deur die linie

Jou helder oë kaats

’n vredesduif

op die horison

9 antwoorde op Einde van die woordgeveg

  1. VozSola het gesê op Januarie 28, 2010

    …as jy kon gedagtes lees…sal jy verstaan hoekom die eerste 10 lyne skieklik uit fokus is.

  2. louisna het gesê op Januarie 28, 2010

    Skerp Voz. Jy is skerp.

  3. louisna het gesê op Januarie 28, 2010

    More. Soort van

  4. louisna het gesê op Januarie 28, 2010

    Mooi!

  5. veralda het gesê op Januarie 28, 2010

    laat my dink aan van wyk louw se byteltjie

  6. louisna het gesê op Januarie 28, 2010

    Thanks, maar ek dink beiteltjie is aansienlik beter as hierdie stukkie.

  7. louisna het gesê op Januarie 28, 2010

    Sjoe. Thanks.

  8. ;n Vredesduif, nê?
    Pragtige beeldspraak.
    Ek het ook so een. Hy is van breekbare plastiek gemaak en wen op met ‘n wit ratjie aan die kant. Werk so 30 sekondes op ‘n slag. My wysvinger en my duim kry blase van die aanhoudende opwen.

  9. louisna het gesê op Januarie 28, 2010

    Thanks. Sterkte

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.