Ouboet se stoep

 

’n Tamaai snotklap voor die hoofpawiljoen het ouboet in genres ingewig wat nie noodwendig sy eerste penliefde is nie. ’n Snedige en onvanpaste opmerking oor tyreflaps het hom na die enorme klap gedwing om goed oor die genealogie en die toekoms te plak.  Tydens die emosionele herstelproses het hy diep gedink en sedertdien nog nie weer enige buitesinlike metaforiek gebesig nie.

 

OK, dalk toets hy weer die randmetafoor en gee die pop hom weer ’n klap. Wie weet?

 

Nietemin, toe dink ouboet diep. Toe kom hy agter dat alle geboortes begin by die onderlyf. Die grootste pandemie in die geskiedenis ontspring uit die onderlyf, en hy is hoogs/slegs? aansteeklik Die heerlikste lekker is onderlyfvlietend. Hoekom dan nie daaroor skryf nie? Ghaap se hele blog draai (soms baie fyn) in die onderlyf.  Jan se Viagra-dialoog was treffend. Lewies se kondoomvergeet was treffend. Denker se Welgevonden was meesterlik.

 

Hoekom toets jy nie weer die randmetafoor so effens nie ouboet?  OK niemand het my gevra nie, maar ek hoop iemand wou. Dit is my droom dat alle bloggers die nuwe jaar al dansende sal binnegaan. Oorgeslaandes, gekwestes en sensitiewe lesers, stop net hier.

 

Omie trap die petrol dat ons vinniger kan ry. Ek vermoed ten minste 3 manne sou my dalk net wou vra vra om die krane so ‘n bietjie oop te draai. Vertel ons van die sewe tarentale, die draai en die dooie pappegaai. Van die draai ook, vra ek? Yes, vertel ons van die fyn ding! OK, kom ons start die Vauxhall.

 

Maar watter genres gaan ons dans ouboet? Nee wat, dit hang af van keuse, tyd, plek en ander veranderlikes.  Dalk moet ek gou die genres verduidelik.  Vir die meeste van ons is daar die matraspolka, die paringsdans, die disselboomwals en die stoutwees-setees.

 

Vir baie ander ondersteuners van die grondwet is daar die rugridderpolka, die holriel, die batteryvastrap en vasstrepsetees.

 

Maar hoe dans mense wat die gawe verloor het? O, daar is baie moontlikhede. Die deugde van die tong kan mazurka, wals en vastrap. Die tongtippietoets alleen bied 8 genres.  Vingerleklekker bied ook verskei opsies.

 

Maar ek is vanaand alleen? OK, gaan koop batterye voor Checkers toemaak en sorg dat daar ‘n skoon handdoek langs die wasbak is.

 

Maar mammie is nie vanaand seisoenaal toeganklik nie. Gebruik ’n donker handdoek.

 

RSVP

Sonel, om die een of ander rede het jou blog en jou spore tydelik van my radarskerm verdwyn. Toe dink ek jy het hom uitgevee.

In elk geval, jou gedig:  Liefde is om nie op te hou nie verdien spesiale vermelding en jy wen die Blogprys vir vrede. Dit is gewoon meesterlik geskryf. 

Om nooit op te hou nie is vir ons almal ‘n challenge in 2010 en jy loop heel voor.

Jan het die poortgenre van blogstrewes tot nuwe dieptes gevat met sy meesterlike bemarkingskopie vir Viagra. Hy het wel aangetoon dat gesinsgrootte en natuurlike talent nie noodwendig deur die pilbottel aangehelp word nie.

 

Hierdie stukkie is fiktief. Enige meelewing is op die leser se gewete. Alle blogreels is eerbiedig nagekom. Geen vloekwoorde, haatspraak of vuil gedagtes word gebesig nie.

 

Ewenwel, baie heteroseksuele manlike studente sal seker soos volg reageer op die vraag wat hul grootste droom is: Lewenslange vruggebruik op ‘n mikvyplaas so groot soos ’n groot universiteitskampus.  

 

Maar drome het afspeelplek nodig.  Hoe nou gemaak? Enkele stukkies hoorsêgetuienis word so noukeurig en keurig as moontlik gedokumenteer.  Let wel, sommige “informante“ oordryf dalk. Weens sy konserwatiewe en Calvinistiesgedrewe patriargale jeug het ouboet nie deelgeneem nie en hom al luisterend en belangstellend met die vrugte van die pen besiggehou.

 

Die sleephokkies. Onhou net om ’n dik boek saam te vat. Hy wig lekker styf tussen die deurhandvatsel en die groot stoel se hoë rugkant in.

 

Strubenskop. Pragtige plek, maar soms besig. Wees net versigtig met die uitreverse. As jy toevallig ’n kar stamp, los ’n nota, hou jou kar se ligte af en ry weg want ’n drywer wat nie sy hand op die stuurwiel het nie, sal jou nie kom donner nie.

 

Die Uniegeboue.  Word ongelukkig deur die fuzz gepatroleer, maar die tuin is groot.

 

Die botaniese tuine.  Ongelukkig saans toe, maar daar is bedags genoeg koelte onder die bome.

 

’n Vriend se plek soos die AJO of Jeugsentrum.  Onthou net die Jeugsentrum het ’n aandklokreël. Negeuur saans moet damesvloere van mansgelelskap “ontruim“ word.  Onthou die escape route laataand of vroeg die volgende oggend. Gebruik die brandtrap. Trap sag op jou sokkies tot jy onder is, trek blitsig jou skoene aan, en maak gatskoon.

 

Springbokpark. Binne loopafstand, maar riskant.

 

Magnoliadal. Bietjie “oop“ maar soms is die WasteTech-houers vol en is daar ’n karbreedte tussen 2 houers wat skuiling bied.

 

Of advies, wat losweg op tweederangse hoorsêgetuienis gebaseer is, na 32-35 jaar nog geldig is, sal ouboet nie weet nie. As hy sê hy het nooit gedroom nie, sal julle op sy gesig sien hy lieg.

 

Coert Steynberg se standbeeld van ‘n wildsbokkie op die Tukkie-kampus onder die jakarandas was toehoorder van enkele drome.

 

Coert se bokkie

 

Brons gee kleur en metafoor

drie dekades reeds op ‘n hard disc gesave

met ‘n backup in Braille om dié grootsheid

sonder kastrasievrees te voel

te lees as vlesige knoppies, soos gister

Coert se bokkie die bronstige een met die

soepel lyfie gee kleur      

gee metafoor

gee memories

Langs hom

onder die jakarandas

is voltes en holtes

oor en oor gedefinieer

…het ragfyn ondergoedjies tartende patrone, wieg

en reliëf op kleurvolle dun deurvatlap afgesoen

So het Coert se bokkie

geluister en in my hard disc kom lê

langs die vleesmonoloog se ander

empatiese luisteraar: ma se Tupperware kosblik

So het ook my brood en stroop

genadiglik….

begerig vars gebly

 

 

Hartlike pennevruggroete tot later.

Die woordprys gaan aan Vir my lief vir die trefkrag van tien woorde.

 

Joanna stap huistoe met die prys vir styl, soos meesterkik weergegee in ’n Kersboom vir elke era

 

Katrina kry die prys vir die fynste mosaiek in drie paragrawe met ’n pannekoek het twee kante

 

Thomas ontvang die insigprys vir Askies Jan Twak en ander Vrystaters. Net jammer jy het nie nie die koppie se permanente nuwe staanplek verwys nie.

 

Kammi ontvang die prys vir die treffendse kersboodskap met sy gedig Fees van die genooides.

 

Tweeling kry die frustrasieprys vir Gatvol

 

Rea is awarded the prize for the most stylish English blog

 

Kelly kry die prys vir die beste stukkie voormelodramatiese berriggewing met Vandag.

 

Die prys vir die beste stukkie advies gaan aan Mondkatjie vir haar stuk Hoe om haaiaanvalle te voorkom

 

Kaalvoetkind kry die katjieprys vir die mooiste blogvoorblad, waarin pragtige bloginskrywings gehuisves word

 

Perskepit kry die prys vir die grootste kultuurinvloed op die Ooste met haar uiters stylvolle posts.

 

Lady ontvang die bittersoetprys in metaforiek met Hoekom trou mens?

 

Seisoenekind ontvang die kunsprys vir haal blog in geheel

 

Diamons kry die meesterlike vasvat van eensaamheidsprys met Leeg

 

The Sibling ontvang die meesterlike vasvat van treurigheidsprys met Amper 5.

 

Zeppie ontvang die prys vir die beste reisprogram

 

Dalla se Pa kry die prys vir mededeelsaamheid met sy Presentetyd (een woord), en hy het nie eers vir ouboet ‘n blou pispot gegee nie.

 

Murphy se Knoffelboodskap kry die prys vir die beste politieke joernalistiek.  Onthou knoffel werk nie na die tyd nie, maar slegs as spykerwerende substans as die in oormaat deur een van die twee partye ’n paar uur voor die oomblik van passie genuttig word

 

Jo kry die lekkerleesprys vir speelse stories met haar Stephan-reeks

 

Ek het soveel kleurryke mense ontmoet dat dit gister onmoontlik was om al die pryse toe te ken. Hier volg nog ’n paar:

 

Mees onderskatte blogger bloot op grond van sy blognaam. PotTjol klink louerig, maar maak daai pot oop en die heerlikste geure oorval jou. Sou jy wou verander, oorweeg metafoorpot, maar ek glo jou nederigheid sal die deurslag gee

 

Die spesiale diertjieprys vir cutegeid gaan aan stylvolle Annabelle

 

Ladybug ontvang ‘n ereprys vir die  meesterlike blogeffek in silent moon.

 

Die mooiste smile-toekenning gaan aan stylvolle Trouby.  

 

Liani stap weg met die kreatiefste stukkie joernalistiek op haar 100ste blog

 

Lisa kraai koning met haar meevoerende skryfstyl

 

 

Aan al die gays. Thanks vir oop kaste en julle vloeiende grondwetgedrewe metaforiek. Ouboet het lank gelede soms nog drukkerig gebukgegaan onder die laaste spatsels van ’n konserwatiewe patriargale jeug, maar julle word onvoorwaardelik erken en aanvaar as talentvolle mense wat die menselandskap liefhet en dien. Kom ons staan en gee al die gays ’n luide applous.

 

Aan almal wat foutjies gemaak het….. vasbyt. ‘n Fokopvrye lewe is ‘n ongeleefde illusie. Aan die manne wat voor die poort geswig het, hou gulpe toe, geniet die spyskaart en laat jou geliefde soos ‘n prinses voel. Onthou, die gawe van buitenshuise onthouding is nie almal ewe ruim beskore nie.

 

Aan almal wat benadeel is deur natuurkrag 1 (die vlees) sit in 2010 julle vergewingshoedens op. Onthou, ons kan oor die verlede droom, verwyt en boeke daaroor skryf, maar ons kan dit nie verander nie.  Mikvyvlietende kragte is enorm, maar skinkbordswig is tog vergeefbaar.  Help gevallenes opstaan!

 

Nou is ouboet leeggepram, welhopende dat knus ore die pramwerk doen.

 

O ja, die houtlepel vir die mees veragtelike plakkery gaan aan Latrina.  Ouboet het spesiaal vir jou ’n gedig geskryf:

 

RIOOLWERKE

 

Elke outjie

maak ‘n foutjie

selfs Opperman

se Kuns-mis was dalk

‘n ongeloopte? bloutjie

maar wat nou volg is iewers tussen

laaste-eerste

botsels van bevange dink

in holtes wat stink

Selfs in helder oomblik

sal geen plakker verder

daarmee kom

as die leë asblik wat, snaaks genoeg,

op ‘n veraf horison wink

As daar ‘n swakker gedig

in Afrikaans is

as die stukkie stront wat jy nou lees

loof ek ‘n nuwe prys uit:

die houtlepel ….

met vrot tanne

uit ‘n strontdeurdrenkte

lavatory seat gekerf

Kwaadaardige halitose

verwring die soel oggendlug

 

(Slot volg)

Ouboet is maar 4 maande of wat hier doenig en het hoofsaaklik reeds gedokumenteerde stukkies memorabilia (dalk plak se rymgenoot) op die stoep geplak. Hy is eintlik verwaand om as judge op te tree. Nogtans het sekere bloggers se inskrywings ’n merk gelaat.

Die stylvolste pop, wat waarhede tog so mooi in woorde omsit. Anha. Sy ontvang nog ’n prys op die ererol: Die hardste snotklap van die jaar, stylvol en grasieus voor die hoofpawiljoen toegedien. En dan is sy nog baie mooi ook.

Die mooiste blogster (uiterlik en innerlik).  Modderkoekie wat ’n kwesbare jeug in ’n triomf omskep het.  Dra ’n boodskap aan Ingelsman oor. Hy het ’n verruklike blommetjie landuit gevat.

Die skerpste blogger. Ongetwyfeld Jan Nel.  Ek  merk ’n MENSAspoor in jou skrywes en replieke. Rugbykennis is jou enigste remmende faktor. Oor 31 jaar sal jy seker vatvat aan aftrede. Tot dan, lekker skryf.

Die tweetaligste virtuoos: Ysprins.

Die blogster wat die heel mooiste goed skryf. DroomKind. Ai, daai  tough cookie-pakkie se metaforiek en sagte kant is gewoon meesterlik. Het jou geliefde enige idee watter deugde jy het?

Die storieverteller: Vriend Christo. In min woorde vertel jy groot stories. Skaap bly lekkerder as slaai.

 

Die joviaalste blogger. Tigerlady, ek dink jy is ’n pel duisend.  Weet jy hoe lekker sal jy op oujaar saamkuier? Jy straal positiewe vibes oor die lewe uit.

 

Die skreeusnaakste metafoor. Kerneels, jy praat nie deur jou poephol nie, want dan het jou asem gestink

Kosskryfster. Vormpies.  Dan is sy nog mooi ook. En dan kan sy nog skryf ook. En dan het sy nog styl ook.

Veelsydigste pop.  Therina.  En dan is sy mooi ook en skryf pragtig.

Die digter. Ongelukkig word die prys gedeel: Pruim, Kammi, Ysprins, Sooz en Murphy.

Treffendste “buitelander“:  Maghitta met haar mooi dogtertjie. Sê vir liefie ouboet dink hy het BAIE goeie smaak.

Seerste seer in pragtige woorde: Angelwings. Vlerkies, jou skrywes is haasliphartseer met ‘n sterk ondertoon van oorwinning.

Aktueelste onderwerp. Wie anders as Ghaap. Gaap is nie vaak nie.

Mooiste storie:  Denker se Welgevonden.  Hierdie storie is meesterlik vertel. Herhaling asseblief met opvolgstories.

Beste verpakking van ’n idee.  FOXY se  Vibrating Harry Potter Broomstick. FOXY skryf ook baie pragtig.

Mees ingeligte blogger. Neander. Jou bydraes is meesterlik.  Alhoewel ek paleontologies, argeologies, oseanografies en biologies of wat ook al oorgeslaan is, geniet ek elke bydrae. Jy moet net daai onnerste mannetjie watch. Hy gaan homself met sy voorste ses duim indoen met ‘n onbeplande raakhap, en dan weet hy nie of hy kom of gaan nie.

Beste catch: Sandi. Nie net mooi nie, maar deel ook hartseer met ’n baie skerp pen.

Kapenaar met die meeste styl: Monica.  Jy skryf net bietjie min. Pophuis is pragtig en ek hoop jy skryf lekker daar.

Lekker pel: Ekke, wat sy vrou op die troon sit waar sy hoort en vlytig respondeer op goed wat saakmaak.

Mooiste taalgebruik.  Flenters

Mooiste foto’s. Maryke

Beste iets van alles.  Kobus, wat ek van jou blog hou is die feit dat jou liturgiese kennis nooit oorloop nie en dat jy interessante goed, soos die vliegtuigvrese & kie, so mooi aanbied

Mooiste prentjie. Lo-Ammi. Jy ontvang ’n prys wat ek soos volg beskryf: A picture tells more than a thousand words. Jou woorde word prentjies.

Wie dra haar jare die beste. Lou. Pragtig, styvol en skryf mooi goed.

Ongelukkig is net bloggers wat weet hoe die een-tot-vyf rating werk (en dit gebruik) vir pryse in ag geneem. MaanKind, vra een van jou kleinkinners om jou te wys.

Ouboet het speech gemaak. Denker het te kenne gegee dat hy werk aan ‘n nuwe storie getiteld: Rats roofvoëls in die mikvylaning

Word vervolg, want so baie pelle het my geraak dat een aflewering te lank sou wees

 

 

My jeug is gekenmerk deur baie liefde en baie genade. Aardse besittings was nie so oorvloedig nie. Dus moes ek maar vakansiewerk doen om vir my studies te help betaal. Pas uit die army begin ek toe werk as stoker.

 

Die aand van 5 Oktober 1972 het ek my eerste skof as leerlingstoker aangepak en elke moontlike skof ingepalm totdat ek in Februarie 1973 voltyds universiteit toe is. Ek het die finale toets om as stoker te kwalifiseer gou geslaag en hoofsaaklik op die rangeerwerwe in en om Pretoria gewerk.  

 

Die drywers was baie dieselfde. Alle stokers het die naam “maat“ gehad. Die lokomotiewe is in die vroulike idioom aangespreek. Steek haar maat beteken gooi kole. Dan vat jy dienswillig die graaf en gooi kole.

 

Ek onthou ook die rangeer (shunt) op die Pretoriastasie en die mooi meisies wat vir my teruggewaai het. Van matrikulant tot troep tot stoker tot voltydse student het my pad geloop en hier het die meer gelukkige dae aangebreek. 

 

Oujaar 1972 het ons op die Pretoriastasie geshunt.  Ek het die wysheid gehad om vroeg reeds ’n Tukkie T-shirt aan te skaf.  Dan knoop ek die wit overall oop om vir die meisies te wys “steek haar maat“ is nie my voltydse beroep nie.  

 

Met die shunt sien ek die allerpragtigste mooi meisie, keurig verpak in ’n mooi langbroek en Tukkie T-shirt.  Sy smile vir my, en ek vir haar. Sy soen haar hand en pass hom vir my aan met haar pragtige lenige vingers.  Ek wil uit my nate bars van opgewondenheid. Die pragtige meisie met die mooivol T-shirt pass vir my ‘n soentjie aan.  

 

Die drywer raak ongedurig want my oplettendheid op die prag daarbuite laat die temperatuur bietjie laag daal.  Hy grinnik: “Steek haar maat.“ Toe vat ek die graaf en gooi kole.

Dit is ‘n opgetekende feit dat ouboet se oorsprong en die Paasnaweek ‘n paar dekades gelede verbandhou. 

Toe Kerstyd naderkom moedig Pa vir Ma aan.  “Druk Ounooi, dan het ons ‘n Krismisbaby.” 

Kersfees kom en gaan. 

Toe moedig Pa vir Ma aan: “Briek en knyp Ounooi, dan het ons ‘n new year model. 

Op 28 Desember kon ma nie meer uithou nie en ouboet sien die lig. Ware verhaal.

‘n Hamper met Dan Brown se the Lost Symbol as ankergeskenk maak my dag. Nou gaan ek lekker lees.

Lekker dag vir julle almal.

“If you want children to keep their feet on the ground, put
some responsibility on their shoulders.”

— Abigail Van Buren

“Make failure your teacher, not your undertaker.”

— Zig Ziglar

Aan al my blogvriende. Ek hoop en vertrou dat julle ‘n verruklike dag gaan he. Vol vreugde en liefde.  Gee die karwagte goeie tips en wees geduldig met die straatbedelaars.

Aan die manne. Gee julle vrouens en geliefdes mooi drukkies. Drink matig en bestuur veilig huistoe.

Met die tafelgebed, bid vir die wat vandag honger ly. Bid vir mammie of wie ook al die heerlike maal voorberei het.

Groete en vreugde.

ouboet en gesin. (Uitgebreide gesin vandag want die familie is teenwoordig.)