Jy blaai in die argief vir 2012 Mei.

KLAWER op KYKNET NUUS

Mei 31, 2012 in Sonder kategorie

Toe ek die nuus kyk en ek sien en hoor Klawer, toe wonder ek hoeveel van my blogvriende sien dit en dink aan my.

 

Is mos maar ‘n baie klein plekkie…..ons skooltjie het maar sowat 200 kinders en 7 onnies….5 staatposte en 2 beheerliggaam.

 

Die hoof wat op die tv was, is John Cloete, hoof van Klawer Noord se skool. (dis nie waar ek werk nie)

Hulle skool het amper 1200 kinders wat meestal haweloos rondhol en hulle free spirit en aangebore huppelkind dinge toepas.

 

Misdaad neem toe agv tik….hulle wil tik….en kan dit nie sonder geld nie….sal dan enige iets doen om net te kan tik en tik en tik.  Flippen walglike tik.

 

Mag die een wat tik uitgevind het ‘n langsame en verskriklike dood beleef!

 

 

 

Ok: terug by Danny.

 

Het vandag gehoor en dokters se gechapte papiere van die Kaap af self gelees.

Dit was MELANOOM kanker.  In die binnekant van sy mond.  Hoe de hel kry mens melanoom in jou mond, tussen die tande en die wang. 

 

Lekker aand en mag vrede en liefde jul asems wegblaas.

xxx

 

 

 

 

 

Danny is sopas oorlede.

Mei 30, 2012 in Sonder kategorie

Dis al

Danny

Mei 28, 2012 in Sonder kategorie

Ek het so ‘n paar blogs gelede gemoan oor ons vir Danny moet betaal, maar hy werk nie meer nie. 

Danny het kanker in sy kakebeen of iewers daarrond. 

 

Na vandag sal ek tot sy dood en daarna sorg dat sy familie goed daarna uitsien.

 

Dr en Hartman is goeie pelle.

 

Hartman se vir dr dat Danny nie meer eet en drink nie.

Selfs net ‘n slukkie van sy gunsteling bier is onmoontlik.

 

Dr se ons moet vir hom hospitaal toe neem vir drip.

Ons doen toe vanmiddag so.

Ek kan nie na die verwronge gesig kyk nie.

Sy gesig is GROOT aan die een kant.

Sy lippe is afgryslik, opgeswel en bar en dor.

 

Ek weet nie wat om vir hom te se nie.

Ek wil nie he dat hy moet weet dat ek weet dat hy gaan doodgaan nie

 

By die hospitaal neem hulle hom op.

Hy kry sy bed en nurse is besig om sy drip op te sit.

Danny le en bewe van die kouete.  Hy le onder ‘n laken

Vra vir ‘n kombers

Nee, die komberse sal eers Maandag kom

 

Maandag?

Dis vandag Maandag!

 

Tjaarts Peppies toe en koop een

Koop sommer vir hom ‘n paar pakkies sigarette, want dis al wat hy wil he.

Hy gaan mos anyway doodgaan.

Tjaarts terug. Hartman moes maar die kombers oor hom gooi.

Ek wil nie weer sien nie.

 

Ek wonder of hy honger of dors is en of hy net nie meer omgee nie.

 

Fokkietog!

 

 

 

MASKER – vir Modderkoekie

Mei 24, 2012 in Sonder kategorie

Ek het netnou Modderkoekie se blog gelees oor die rare, antieke masker wat sy so begeer.

 

Toe spring ek op (verskoon my kleredrag….ok?)

 

En (skuus Lou)  neem ‘n fodie van myself.

(Hier is niemand hierrond wat wakker is behalwe ek nie)

Storie agter my masker:

My ma het dit eenkeer vir my van Italie af gebring as ‘n geskenk.

Die ander familie het heeltemal anderste goed gekry.

 

Vrouens in daardie tyd mag nooit sonder ‘n masker uitgegaan het nie,

selfs nie vir melk en brood by die keffie om die hoek nie.

Maskers vir vrouens het altyd toe monde gehad.

Die enigste manier om die masker op jou gesig te hou, is

deur ‘n knopie aan die binnekant van die mond met jou tande vas te byt –

net om te keer dat  ‘n vrou dalk iets aan iemand anders wou mompel.

 

Ok, nag en lekker slaap – lang dag môre, en oormôre en so aan…

 

; )

 

 

 

 

Dankbaarheid

Mei 21, 2012 in Sonder kategorie

My dogter, Ezra se ma, sê gister vir my die volgende:

 

Dankbaarheid is nie oorerflik nie.

 

Mens word nie met dankbaarheid gebore nie.

 

Dankbaarheid moet aangeleer word.

 

 

Toe sien ek!

 

 

 

As ek weer vir ‘n bedelaar ‘n ietsie in die hand stop, sal dit gepaartgaan met ‘n preek oor  dankbaarheid.

 

 

 

 

Vrydagaand alleen, net ons twee oues

Mei 11, 2012 in Sonder kategorie

Dit was jare gelede die plek waar die koolstoof in die ou huis was.

Toe plant Hartman die stoof links en maak ‘n staanbraai regs.

As ons nie vuurmaak nie, dan haal ons net die braaibak uit

en sit ‘n plat geteelde deksel in die gat.

 

Die oorspronklike koorsteen is nog in plek en werk goed as

die deure en vensters toe is.

Dit mors mos, maar niks is lekker as dit nie bietjie morsig is nie, nê!

 

😀

 

Hoop julle aand is net so lekker rustig

 

Laat die vure brand!

Vir veiligheid…..raad sal welkom wees….dankie

Mei 9, 2012 in Sonder kategorie

Die mugging van die vrou wat by die munisipaliteit se gevolg:

 

(vorige blog)

 

Die boewens het agter die munisipaliteit oor die draad gespring

Hul hol toe af langs die heining van my hoewetjie na die treinspoor

Die polisiehonde het die pad  uitgesnuffel – dis hoe ek weet.

Ding is die heining grens langs Ez se huis.

Net hy en sy nanny is soggens daar.

Ez se huis en ons huis is presies 100meter van my voordeur tot hulle sin,

maar ons voordeure kyk na mekaar, so ons weet nooit wat agter sy huis aangaan nie.

Hulle kon net so wel oor die draad gespring het en wie weet wat aangevang het.

 

Die draad is van daai wat mens jou voet onder sit en die boonste een oplig en

gemaklik deurglip.

Of as jy ‘n jong man is, dan spring jy sommer loshande oor.

 

Toe die polisieman die storie hier kom vertel, toe weet ek

dis NOU die tyd om aan veiligheid te dink.

 

Hoër, nuwe heinings is BUITE die kwessie.

Die afstand is te groot en dit sal nog ‘n hoewe se geld kos, of dalk my pensioentjie…

 

Diefwering is dalk ‘n opsie.

Alarmstelsel sal die kleintjie gedurende die dag binne moet hou

So daai opsie is ook buite die kwessie.

Dis eintlik nie nodig vir snags nie, want die honde slaap mos in die huis, en sy ma en sy pa.

 

Toe dog ek:

Wat van ‘n tipe interkomstelsel?

Of roepradio’s?

Of so iets

 

Ons woon mos agter die klip, en hier is min (lees: niks/geen) plekke waar mens so iets kan koop nie.

 

Ezra is reeds tegnologies vaardig en verstaan alles wat ons vir hom sê

 

Sy nanny en hy sal dan net ‘n knoppie hoef te druk om ons hier “alert” te maak

(Ons kan nie op nanny se selfoon staatmaak nie – dis altyd leeg, of dood)

 

Enige ander voorstelle?

 

 

Net so by the way:

Die boewens het toe langs die treinspoor gehol en by die ander skool met duisende leerlinge geeindig –

nogals net mooi toe hulle pouse gehad het.

Die hoorsê storie is dat die honde die boewe op die skoolgrond platgetrek het tussen al die

gillende kinders.

Altwee is in die hospitaal opgeneem met ergere bytwonde

 

Dis darem great om sulke slim honde hier te hê!

 

😀

 

Lou is looking up!

😀

 

 

 

 

 

 

 

 

 

 

 

 

 

 

 

 

Depressie en self-like loop laag

Mei 8, 2012 in Sonder kategorie

Wel, die dinge wat hier aangaan en wat die swart hond lok, kan ek kortliks opsom:

 

1:     Die man wat al vir 25 jaar vir Hartman getrou werk is tans in die hospitaal vir chemo.  Hier teen krismis se kant het hy begin kla oor ‘n tand wat pla.  Na maande se gesukkel om die tand getrek te kry (niemand wou dit waag nie, want hulle het seker gesien) kom die uitslag dat D kanker in sy kakebeen/of iewers daarrond het.  Hy het netnou van die hospitaal in die Kaap gebel en gese dit gaan nie goed nie…hy moet in Junie terugkom.    En nou?   Wat van die verskriklike pyn?    

Ok, ons is mense wat omgee.  Ons haal uit en wys.  Ons betaal sy salaris al van krismis af, maar het/kry geen inkomste van hom nie.  Ons het hom lief soos ‘n broer.  Wanneer gaan dit ophou? Moet ek my kar of dalk my huis verkoop om hom aan die lewe te hou? 

 

2:     Toe ek besef dat die maan oor 18 jaar weer so helder en naby gaan wees, toe weet ek dat ek nie hier sal kan wees om dit te beleef nie.  Ek reken toe vinnig uit – Ez sal dan 20 wees en ek 81.  Dit ruk my. Ek wil nie 81 wees nie. Asseblief tog nie!  My hande pyn al klaar van die houtwerk en hoe gaan ek my dae omkry as ek NIKS kan doen nie. Kan nie eers meer ‘n bottel beet se doppie afdraai nie.  Julle wat nog jonk is dink 20 jaar is lank……huh?   Come again!   Dis nou – nou verby.

 

3:     Ons liewe, vreedsame dorpie word deesdae op die map geplaas met misdaad.  Vanoggend is ons munisipale werker oppad werk toe.  Sommer gestap, want dis mos naby (alles in ons dorpie is naby)  Twee mans kom aangestap.  Sy groet hulle ewe vriendelik.  Toe gryp hulle haar om die nek en gooi haar oor die sement trappies.  Pinkie gebreek en kniee nerfaf. Handsak geroof en weggehol. Hulle sit nou agter tralies, maar vir hoe lank? En wat van die trauma wat sy nou moet verwerk?    Twee dae na mekaar is by ons skool ingebreek….alarm en veiligheidshienings de lot.  Ergste is om die gemors opgeruim te kry.

 

Ek stop my lysie net hier – die res sal julle verveel, glo my!

 

Dalk moes ek nooit bedank het nie.  Dalk is dit eintlik die ding wat ek moet verwerk.  Ek weet nie…..tyd sal leer.

 

 

Hoop dit gaan baie beter met julle.

 

 

Vandag

Mei 3, 2012 in Sonder kategorie

Bel Ezra se ma skool toe om te sê die nanny het nie opgedaag nie.

Fkweeeeeeeejy!

Ouma moet dink…dink..gelukkig het die netbalwedstryde uitgereen.

Toe ek tuis kom sit Ez by Oupa se laptop….Oupa moet werk… Ez wil speel.

 

Hier in ons straat is ‘n gastehuis – so mooi daar.

 

Ek neem toe om vir hom saam met die skapies en twee nuwe lammetjies te blêr

 

Drie springbokkies het mooi groot geword.  Die derde een lê doer agter op die foto.

Vergeet van springbokbiltong.

Weirdste bokke wat ek nog gesien het.

En toe die ganse wat blaas en eendjies en veervoeterige hoenderige pluimvee.

 

Toe ek weer sien was dit tyd vir Ez se ma om hom te kom haal

 

Halleluja!

lekker slaap – more is MOS ……