Jy blaai in die argief vir 2012 Februarie.

Kindle

Februarie 16, 2012 in Sonder kategorie

My kindle het netnoumaar hier aangekom via die vriendelike courier.

 

“Sy” laai net gou haar batterytjie terwyl ek die gebruikersvriendelike handleiding intens bestudeer.

 

 

Happy days – ek sê!

 

Lyk my dis erger as matriek, maar toemaar….

I’ll get there when I get there

 

 

Enige tips is solank welkom

BAIE BAIE welkom…

 

Dankie

 

; )

Vetkoek

Februarie 15, 2012 in Sonder kategorie

Wat ‘n dag!

Wat ‘n gister!

 

Nee, helsems, iewers moet dit afskaal tot stadig asemhaal.

 

Gister toe ek om 15:30 van die skool af in die huis stap, stap die jongeling uit die spens.

Met ‘n bokskoek vir my vir Vaaltuindag….

en hy sê nogals: Happy V vir Mommy! 

Bak nou vir ons ‘n V/dag koek asb.

 

Intussen het Hartman sop in die slowcooker.

Sien dit was mos koelerig die oggend

En met elke gedagte aan koel kom “sop” by hom op.

 

Hartman gebruik elke liewe gaget in die huis vir kosmaak.

Die wasbak loop oor.

Ek is moeg en so gatvol.

 

Warrelwind deur die kombuis en bak toe die koek.

 

Dit was gister.

 

Vandag Dal toe, want daar is ‘n Shoprite en die spens is leeg.

 

Jaag terug vir ‘n vergadering 18:00

 

Kom 19:00 by die huis en hoor ek moet vetkoek bak!

Vetkoek?

Ek?

 

V&%^#$, ek bak MOS nie, ek koop!!

 

Hoe bak mens vetkoek?

Die pakkie sê hoe…

Hartman maak solank kerrie maalvleis

 

Ek lees en doen wat die pakkie sê.

 

 

 

Was dit nou lekker!!!!

 

ok, sien weer, dalk volgende maand…

more is INSPEKSIE, want ons het ‘n nuwe inspekteur/mannetjie wat dink hy IS die NBste mens in die heelal en hy soek tot hy ‘n fout vind. Maak sommer die fout op die eerste bladsy sodat hy sy ry kan kry…:D

 

Ek was nog nie een flippen oomblik spyt oor my aftree-besluit nie.

Klawer water

Februarie 9, 2012 in Sonder kategorie

Hartman het noudiedag ‘n beker vol water gemaak.

 

Hy het die water deur die filter wat aan die kombuis se kraan gekoppel is, getap.

Toe gooi hy die water deur die waterkoeler se filter.

 

Toe sit hy die beker in die vrieskas en vergeet daarvan.

 

Volgende dag is die water gevries.

 

Haal die beker uit en laat dit in die wasbak ontdooi en drink nogals kort-kort daarvan.

 

Ek het die blok ys uitgehaal en die foto van onder geneem.

 

 

Vieslik!

 

(is ‘n vieslike woord het my pa altyd gesê)

 

Kan enige mens dit oorleef?

 

Geen wonder almal  het maagspuit hierrond nie.

 

Ek het gelukkig ontsnap,

 

     want ek drink mos net koffie, rooibos en wyn.

 

                   lucky me.

 

OUT OF CONTENSE: 

 

Ek was nog nie die maand op my blog nie,

WANT ek admin MOS die ALLERLAASTE atletiek in my hele lewe.

653 atlete

82 beamptes

 

Dit gaan een van my heerlikste atletieke ooit wees, en julle weet mos noual hoe lief ek die sport het.

Dit gaan 25C wees sê die weermense weer…

 

(ek wens ek kan hulle glo)

 

Have a happy happy whatever

 

 

😀