Lou

Dankie aan diedie, Gousblom en Jeanne.

Dis nou nice van julle!

 

 

Sewe dinge oor myself wat julle nie van weet nie:

 

1   Ek het ‘n baie skerp gewete. Dit pla my gedurig. Ek voel altyd skuldig en wens dat ek ‘n beter mens kon wees. Nie net in wat ek sê nie, maar om tot die daad oor te gaan is vir my moeilik. Met ander woorde, ek praat te veel en doen te min.

 

2.  Ek hou van ander mense se katte, maar het nog nooit een gehad nie. Wil nie diere aanhou nie, want ek worry te veel oor hulle.  Nog elke woef op die werf is op my afgedwing..en ek sit met die gebakte pere..kos gee, bad, knip, veearts.  Dis nie flippen fair nie!

 

3.  Ek verwaarloos my vriendinne. Dis alles Ezra se skuld!

 

4.  Ek wil BAIE graag ‘n klub stig waar mense vir mekaar gedigte voorlees. Niemand hierrond stel belang nie. Die enigste keer wat ek dit doen, is wanneer ons ver ry en Hartman bestuur. Dan lees ek julle gedigte wat ek van julle blogs copy en print en my boek plak.  Dan kan Hartman nie anders as om te luister nie. Ek vermoed dat dit hom erg irriteer, maar so what!

 

5.  Daar is iets wat ek baie graag doen, maar ek doen dit skelm, so ek kan nie vir julle daarvan vertel nie.  😀  Net my vertrouelinge weet daarvan.

 

6.  Ek hou vir kleintjies skool en dit weet julle mos al lankal.  Ek bieg nou: Ek hou nie baie van kinders nie…nie as dit pouse is en hulle skree en gil en skaats op die stoepe nie. Ek is baie lief vir hulle as hulle een of twee bymekaar is. Regtig!

 

7.  Ek gaan na die Klawer Kunste VIII (Eisteddfod) my klas se spreekkoortjie op youtube sit en dan kan julle dit daar sien…ok, sommer die koor ook.  Hulle is vrek cute. 

 

Ek nomineer:

 

1  Verskriklik

2  Lewies

3  Flenters

4  Thomas

5  Pruimtwak en Kerneelsie en Monica en en en

 

Ek dink die Lovely Blog Awards moet nou hier ophou. Almal wat nou benoem word, is reeds benoem.  Ek is eintlik mal oor julle almal!

 

 

Toe ek vanoggend uit die salon kom, bibber ek van die koue.

Onthou die hare was vir ‘n uur of wat sopnat.

 

Gaan toe na my fav koffieplek.

Net oor die soet en warm so ‘n lekker gedagte is.

 

Lou ……..  koffie!

Not for me thanks!

Ek het dit mooi hard en duidelik vir die waitress gestel:

 

I like my coffee like I like my men

HOT!

 

(Ou Lou se Hartman sê ek lyk hot – nou as ek dan voor die haarbesigheid lou was, is dit darem ‘n verbetering)

 

Have a happy hot night..

 

Die sage van huishulpe duur voort:

 

(Mostly boring)

 

Die een wat vir my werk wat van vandag af vir Ez moes oppas en vir my iemand sou bring, het nie opgedaag nie.

 

Julle weet mos nou dat my huis vol was die naweek.

 

Ek sit toe van half 7 af vanoggend met Ez…..tot half 6 vanaand.

 

Eers het ek ‘n panic attack gehad toe dit 8u word, en hier het niemand opgedaag nie.

 

Toe ry ek en Ez ‘n draai na my hulp se huis.

Daar sê die ander inwoners sy’s hospitaal toe met haar seun.

Toe weet ek….

 

HKGK

 

Gooi bondels wasgoed in.

Kook pap en voer die kleintjie

Hy WIL NIE in die huis wees nie!

 

Kry ‘n kleinerige kassietjie en dra dit stoor toe met Ez op die een arm en koffie ens in die ander.

 

Toe blom hy!  Ouma en Ez skuur af en maak mooi. 

Toe dit lyk of hy vaak raak, se ek vir Oupa hy moet ‘n draaitjie deur die dorp ry.

Skaars weg toe slaap die outjie.

 

Dit was toe op die ou end ‘n heerlike dag.

Hy het kort-kort vir Ouma ‘n drukkie gegee.

Dink ons het gebond.

 

Ek gaan môre oggend vir myself boek.

Hare ens moet ernstig aandag kry.

Die oumens is verwaarloos.

 

Punt is:

Moenie vooruit plannetjies maak nie.

 

Familie is vreemd

Mens hoef hulle net lief te hê

 

 

 

Dankie tog.

 

 

 

Na skool konfronteer ek toe die dame wat by my werk.

 

Sy sê sy praat nie uit nie, haar bekkie is gezip.

 

Ek sê toe dis nie fair nie.  Sy het ook kleintjies. My Ez se lewetjie word verwoes.

 

Toe gooi sy woorde:

 

Ez is meestal in die kot

Met niks om te doen nie

Dan sit merrim en die tuiningeneur in die sonnetjie en tee drink.

 

As Ez moan, dan snou sy hom toe met lelike woorde.

 

Ek en Hartman reel lunch met Ez se ma op die dorp

Sy bel haar werk se prokureur.

Tik gou die nodige brief

Trek die nodige afskeidsgeld

Kom huistoe

Stap oor na Ez se huis

Gee brief en  pen en sê sy moet lees en ontvangs teken

 

My dame gaan nou vir Ez se ma werk en vir Ez oppas

 

Dis nou net mooi die derde een wat ek aan Ez afstaan

 

Dis vakansie en sit sonder huishulp

 

Ek is so verlig

Ons weet nie wat die impak van 6 maande se abuse op liefste klein Ez is nie.

Deur baie liefde glo ek sal ons dit kan wegwerk

Ek hoop so

 

 

 

 

 

Môre-aand kom lanklaas gesiene ouboet en sy vroutjie by ons oornag oppad na hulle Namibiese toer.

 

Lekker halfwegstasie.

 

Ons gee nie om nie. Hulle is great!

 

Skool sluit om half 12 vir ons onnies.  Om die ure in te werk begin ons 6u moreoggend.

Lekker!

 

Rapporte is klaar, ten spyte van halstarrige printers.

Lekker!

 

Die Klawer Kunste VIII se inskrywings kom vinnig in.

Ek gaan alweer die vakansie tiktiktiktiktiktik tot my ore rooi raak.

Lekker.

 

(Is ek positief of wat?)

 

😀

 

 

Ek wou nog positiewe goed skryf, MAAR hier is ‘n fkn lelike ding wat algaande sy kop uitsteek.

Ek dink ek gaan effe negatief raak, al was dit nie my intensies nie.

 

Dit gaan oor Ezkepez

 

Die vrou wat hom van half 8 tot net na 5 saans moet oppas (ek gaan haal hom mos elke dag as ek van die skool af kom, so sy kan dan waai en afrond ens – ek gee haar mos tyd af) beginne nou ‘n groot worry word.

 

Ons kom geleidelik agter dat sy nie is wat sy voorgee nie.

Sy is altyd so liefdevol en all nice met die kleintjie as ons by is.

Hartman het die week elke dag by Ezra ‘n draai gaan maak, en elke keer was hy in die kot.

Ek het self al daar gaan draai, en dan is Ez in die kot.

Net hy alleen….geen speelgoed of niks by hom nie.

Ok, as merrim die wasgoed moet ophang, dan is dit vir ‘n wyle ok, MAAR ek beginne dink die arme kind spandeer sy oggende in die kot!

Afgryslik om so ingehok te wees….met niemand wat met hom praat nie, en niks om te doen nie.

 

Ouma gaan beslis ‘n groot stok hiervoor steek!

Hoe sal ons ooit weet?

Ezra se pa het ‘n kamera by ‘n pel gekry.

Hy gaan Maandag die kamera opstel en ek wil nie eers die resultate sien nie.

As die uitslag is wat ek dink dit gaan wees, gaan sy sak en pak fokkof.

Hoor my lied!

 

Ek weet hy HAAT die kot!

Hy sal nooit ooit toelaat dat ons hom daarin sit nie.

 

Hy moet ‘n geweldige vrees vir haar hê om haar toe te laat om hom daarin te sit.

 

Flippen hel!

 

Wat dink julle?

 

 

 

 

 

 

 

 

Hy eet nie brood nie

Is mal oor KAAS!

en

avokadopere

 

Werk middae saam met my in die stoor. Haal skroefies uit en bring die pleister

as ouma se hande bloei.

en….

Ezkepez het in die spens gevroetel

 

Ok, die doos is leeg.  

Al laas week al.

 

Ouma vat liggies en laaaank.

 

 

Wes-Kaap

Onderwysdepartement

ILST Opleiding

Dinsdag 14 Junie 2011

 

Die volgende is tydens die bewusmaking van boeliegedrag aan die opvoeders van Kring 5 deurgegee.

Ek deel dit graag met julle, want ek weet dat julle kinders moontlik een of ander tyd hiermee te doen kan kry/gekry het. Dalk het van julle self deurgeloop.

 

Simptome/Tekens van boeliegedrag

Die boelie:

 

Herhalende, aggressiewe optrede teenoor ander persone

Gewoonlik uit dieselfde portuurgroep (fisies, verbaal, emosionele vlak)

Dominering – magsposisie vir eie gewin of selfbevredeging

Slagoffer word geteiken weens spesifieke redes: gewig, voorkoms, ras, kultuur, ouers

Slagoffer kan homself nie verdedig nie

Dreigemente en intimidasie

Die doel is om seer te maak

 

Effek van boeliegedrag op die slagoffer:

 

Leerder weier om skool toe te gaan of om byeenkomste by te woon

Onderprestasie – akademies

Isolasie en onttrekking deur leerder van aktiwiteite of persone

Gedragsprobleme soos bednatmaak, nagmerries, woede-uitbarstings

Selfmoordgedagtes

Verandering in kommunikasie, kleredrag en eetgewoontes

Depressie

Word soms self ‘n boelie

Siektetoestande soos maagpyn en hoofpyn

Persoonlikheidsveranderinge

 

Interessante feit oor slagoffers:

 

Leerders wat emosioneel veilig voel sal beter instaat wees om boeliegedrag te weerstaan

 

Hou verby hierdie skrywe asb

Nie vir sentimentele lesers nie.

 

My ma.

 

As sy nog een maand lewe, dan is dit ‘n rekord

 

Ek was laas maand 3keer by haar.

Sy het nog haar blokkieskombers gebrei

blokkiesraaisels in die You ingevul

canesta gespeel met haar pelle, en maaind you, moenie onderbreek nie, hulle konsentreer.

ou videos oor en oor gekyk

haar stapels boeke het aan die regterkant van die groot bed uitgestal gele

binne handvat afstand

Elke dag in haar kar geklim en uitgery plaas toe vir middag tee en tert

Uit haar maag uit gelag vir my grappies oor die skool en oor klein Ezra.

Radio binne aansit afstand vir RGS

 

Sy het Dinsdag plaas toe getrek.

Al haar eie meubels is saam

Haar tafel met die woordeboeke

 

Kaste vol videos

wol vir Afrika

 

toe sy daar kom, is al haar goed daar.

Sy het op haar bank in die sonnetjie op die toegeboude stoep gaan le.

Toe ek gister daar kom, was sy nog steeds op die bank

Haar gelaat is asvaal.

Sy bloei leeg

kragteloos

Warmwatersakke om haar om haar warm te hou, want sy het geen hitte in haarself meer nie

 

Dr se hy sal Maandag bloedoortapping doen.

 

Dis die flippen kanker

 

As hy begin bloei is daar geen keer nie

 

ek is terug by die huis.

haar skilderye en gunsteling spanners waarmee sy so graag kosgemaak het is nou hier.

dis nie asof ek dit wil/wou gehad het nie

het self nie ‘n oop plekkie om enige iets meer te hang nie.

Al die kristal vase waarin sy so graag haar blomme rangskik het

ek verkies blomme in die tuin

 

Ai fokkietog

 

Ai fokkietog

 

Dankie vir my sus wat kans sien hiervoor

 

Ek moenie die volgende se nie

dit kos my R700 om soontoe en terug te kom

begroting gaan die volgende paar maande (?) nie klop nie

 

Maar so flippen what!

 

 

 

 

 

 

 

 

 

 

 

Ek het 8 Julie 2008 begin blog

 

Die mense hier was/is my vriende

 

Nou is die meeste weg

 

Ek wonder . . .

 

AAAAG    Anyway

 

My lewe kortliks:

 

Gaan more alweer oor berg en dal in gietende reën Boland toe.

My ma het gister by sus op die plaas ingetrek

Haar woonstel is nou leeg

Op 89 kan dit sekerlik nie maklik wees om die wortels op te trek nie

Ons kinders het besluit om geen druk op haar te sit nie

As die tyd reg is, sal sy self weet.

Die tyd is blykbaar nou reg

 

Die middelste week van die vakansie gaan ons hele personeel op ‘n Lit/Num kursus in die Paarl

(Literacy en Numeracy)

Ek kan nie wag nie.

Van daai Maandag tot die Vrydag van 8 tot 5 elke dag

40 ure

Wat de hel gaan hulle ons in al daai tyd leer wat ons nou nog nie weet nie?

Tyd sal leer

Dit gaan soos vakansie wees

Ons het GROOT planne van 5u saans af.

Gaan die Kaap bietjie kleur gee…soos in rooi of so…

Daar is nie een boring lid op die personeel nie

As kursus boring is, sal ek sudoku op my selfoon speel tot vervelens toe.

Of dalk tetris of so.

 

Voor dit of na dit sal ek seker weer oor berg en dal moet travel

Time will tell

 

Ezra stuur groete

Ek moes vanmiddag sy wang soen as hy daarop druk

Hy sê: Ouma… dan wys hy na sy wang dan moet ek soen.

Dierbaarste dierbaar!

 

Ek blog maar al is my hart so seer oor my  geliefdes wat hier weg is.