Jy blaai in die argief vir 2011 Februarie.

Saampie

Februarie 27, 2011 in Sonder kategorie

(Julle wat al lank hier is, onthou seker vir Saampie.)

 

Ok, ek is nou al kalmer.

 

Ek gaan nogtans Saampie se hoeders aan die keel gryp.

 

Hy is nou al 12jr oud.

 

Vrydagaand het Burger (die sanger-boetetjie wat een of ander singbesigheid gewen het) hier by ons skoolsaal opgetree.

 

Laatmiddag sê Hartman dat hier groterige kinders op die sypaadjie voor ons huis sit.

 

Ek stap toe uit om te sien.

 

Sit Saampie en ‘n maatjie daar en wag vir Juffrou om uit te kom.

 

Hulle soek kaartjies vir die show.

 

Ek gee toe maar die R20 per kop.

 

Die toestand van my Saampie is angswekkend!  Die ou navy sweetpakbroek is so vuil.  Die pype is opgerol sodat hy darem kan loop.  Die grootmenshemp hang onder sy knieë….vuil!!  Hy ruik suur.  Daar is nou ‘n toilet en wasbak op elke plot in die plakkerskamp, Riemvasmaak.  Ek voorsien hom steeds van skoolklere, maar het vergeet dat die kind groot word en dat sy huisdra en uitgaan klere seker nou te klein is vir hom.  Die vorige stel skoolklere, twee van elk, het die Ouma verkwansel vir Namakwa Daisy….warm suur wyn in ‘n plestiek bottel.

 

Ek weet nie hoe ek dit gaan doen en wanneer nie, maar watch my!  Ek gaan sy hoeders aan die bors rondruk!  Nou hoor ek kindertoelae gaan meer word…meer drank vir die hoeders! 

 

Elke kind is ‘n geskenk en elke ouer moet eendag voor die troon staan.

 

Ek sou, as ek nie mense in my huis gehad het nie, vir hom in ‘n bad vol jik en handy andy gedruk het, hom met ‘n skuursponsie geskrop het, sy seerplekke ontsmet het en dan geklee en gevoed het.

 

Ag Here tog, ag shame!

Deur die oog van ‘n naald

Februarie 25, 2011 in Sonder kategorie

Hierdie span mense en kamele het ons skool gister besoek.

 

Hulle het reeds 700km van Kakamas af gestap en hul einddoel is Stellenbosch.

 

(Kyk tog die heerlike vroegoggend miswolkies en voel die vars lug – dankie!)

Btw, het ons skool nie die allerpragtigste uitsig nie?

Die wa met die advertensie en die proviand vir die reis.

Hierdie een met die effe smile en soortvan trotse uit die hoogte kyk het my hart met ‘n vreemde liefde en deernis aangeraak.

  

Die boodskap was dat dit makliker vir ‘n kameel is om deur die oog van ‘n naald te gaan, as vir ‘n rykman wat nie van sy rykdom afstand kan doen nie.

 

Hoop hulle kom ongedeerd by hulle eidbestemming aan en mag almal hulle beursies oopmaak vir Bybelverspreiding.

Dis nag!

Februarie 15, 2011 in Sonder kategorie

Dis nou 35 grade sê die termometer onder die afdak by die skuifdeur.

 

Nathanddoeknag.

 

Die jongeling sê hoeka vroeër dat dit nog net 2 weke lank somer is.

 

Dan loop die aircons tot diep in Mei.

Strue!

 

Van minder belang:

 

Toe die huistoegaanklok lui, raas die monstertjies.

Ek stuur toe die twee uit wat met die eerste bus moet ry.

 

Vir die res skree ek dat hulle nou kan aangaan soos hulle wil, maar hier loop niemand uit voor hulle nie stil is nie.

Sal die bliksempies nie toe op die banke spring en yes yes skrou nie!

 

My moermeter is in sy moer – net daar!

Neem my mandjie, loop by die deur uit.

Sluit die deur van buite en loop weg.

Die sweet drup op die nat handdoek om my skouers.

Ek kan nie meer nie.

Ek weet nie meer hoe nie.

 

‘n Ander juffrou het hulle vrygelaat.

Sal seker more op die rooitapyt moet staan.

 

Wie se skuld is dit?

Myne?

Of die sisteem sin?

En wat gaan hulle daaromtrent doen?

 

O, ja!  ek weet!

 

NIKS.

 

Professor aan die werk

Februarie 11, 2011 in Sonder kategorie

In Oupa se kantoor.

 

Hy weet van die muis en kyk net hoe tik die linkerhand terwyl hy op die skerm fokus.

Hy is nou een jaar en drie maande oud en ja, MaanKind, ek hol my bene af agter hom – geen oomblik se rus..

Flentertjies, jy is mos die meester met kleinkinders, hoe hou mens hulle besig?

Ek weet net, as ek besluit dat ek hom gaan oppas, dan moet ek niks anders in my kop he nie.

Skakel heeltemal af en FOKUS net op hom.

 

Ons het vanmiddag die mooiste skoenlapper wat besig was om sopper te eet bekyk. Ek se vir hom dat die skoenlapper blommetjies eet, toe pluk hy een en hou sy handjie uit na die skoenlapper, terwyl hy saggies “iets” se.

(Ek LOVE daai kind, julle sallie vestaaaaaanie!)

 

Wonder of hy so gefrustreed soos ek gaan wees met die internet as hy eers verstaan.

Die wiel draai en draai, die “meeste” kommentare is stokoud – seker ‘n maand laas ge-update.

Ek lewer kommentaar op julle blogs, maar dit verdwyn asof iemand dit tippex.

So, weet net ek lees en is nog hier ens….ok?

En ag jouself gelukkig as jy wel iets van my kry…. 😀

 

Ok, nou vir MORE

More is nog ‘n dag.

Dag van sweet en sweet en sweet

Sone Atletiek van 7 tot so 3uur (as ek gelukkig is.)

Ek is ‘n prepared soldier, my stainless steel flask staan reg vir die ys.

Die handoek le netjies opgevou vir die natmaak.

 

Ai fokkietog!

Dit sal ook iewers verbygaan en as ons weer sien moan ek oor die winter.

 

 

 

 

 

Oor fone – vir seker gaan jy tweede kom

Februarie 6, 2011 in Sonder kategorie

Dit maak my op!

 

Ek is ‘n besige vrou, ma, ouma, juffrou,  ens.

 

Doen graag my besigheid eye to eye.

 

Wat my op maak is wanneer ek besig is met ‘n besigheid en daai een se foon lui.

 

Tjoef, af is ons gesprek.

 

Stap die besigheiddoener sommer uit om lekker te chat en ‘n siggie aan te steek.

 

Kom terug.

 

Ek probeer om sy aandag gefokus te kry.

 

Daar lui die flippen foon weer.

 

Volgende keer bel ek liewer.

 

Ek meen, waar staan dit geskrywe dat jy jou foon moet antwoord terwyl jy besigheid doen?

 

Dis soos om voor my in ‘n ry in te druk – ek meen!

 

 

Net ietsie laf voor ek in die bed duik

Februarie 5, 2011 in Sonder kategorie

Die jongeling in my huis (27) se een vriend sê hy kan nie die gerugte oor die einde van die wêreld in Desember 2012 verstaan nie.

 

Hy het dan ‘n blikkie baked beans en die vervaldatum is diep in 2013.

 

😀

Ek dink die kinders (?) is baie skerp!

 

Nog so ‘n ietsie:

Was vandag kleure-atletiek.

Volgende Saterdag is dit die Sone-atletiek.

Ek kan nie verstaan hoe atletiek ‘n somersport hier kan wees nie.

Die medics het baie kindertjies moes lawe.

Gebeur elke jaar.

Tsk – lekker dom, sê ek.

 

 

Ek wil bieg

Februarie 3, 2011 in Sonder kategorie

Julle weet mos teen die tyd dat ek ‘n baie moeilike, woelige, ongedissiplineerde klas het.

Dat die jaar donker lyk vir my en vir hulle.

 

So vang ek myself telkens dat ek fok in my kop sê.

 

Vandag, na ‘n aanval van stille vloekery, besef ek:

 

Soms sê ek fok  met ‘n f en soms met ‘n v…..

 

weird ne?

 

 

Ek wil dit sê

Februarie 1, 2011 in Sonder kategorie

Ek dink altyd aan Tronkie as ek ‘n opskrif skryf. 

Ek doen dit heel eerste, want ek het al vantevore vergeet en julle weet wat die gevolge is. 

 

Dan, as ek ‘n geposte skrywe weer deurlees, is die titel heel onvanpas. (Ek leer my kindertjies om nooit sinne met En Toe Dan Want Maar te begin nie. Hier oortree ek elke reël in die/my boek   😀

 

Ek was bietjie besig met die atletiek-inskrywings ens, toe mis ek ‘n paar dae hier – natuurlik ook Sondag. 

Wat ek wil sê is: Hier is amazing bloggers – ek wil elkeen van julle erkenning gee (ok, wie’s ek nou?) maar flippen hel, ek het vandag great blogs gelees!  Ek gaan nie name noem nie, want ek sal beslis ‘n paar vergeet.

 

Ek is dankbaar vir my “gratis” (Hans het ons mooi diplomaties herhinner) verblyf hier. Hier is altyd ‘n sagte briesie, iets om te leer, iets om oor te lag, iets om oor te wonder, en ook vele hartseer en smart, en lessies om te leer (kamma en DsP)

 

So nou wil ek vir julle ‘n lessie leer, ok?

 

Wees tog asseblieftoggies KONSEKWENT!

Laat nou ja jou ja wees ens…..

 

Weet julle hoe kan grootmense kindertjies verwar met onkonsekwentheid?

 

Vandag mag niemand kougom op die skoolgrond kou nie, maar môre as een uitgevang word, is dit ok, want ons is te besig.  Een vloek en die hel breek los, maar later vloek ‘n ander een en dis ok want ons het nie nou tyd of lus nie. Dis freeking moeilik. Ek het eenkeer vir ‘n ma gesê dat dit vir haar maklik is, want sy het net twee by die huis en as hulle nie wil luister nie is dit ok, want ma is moeg en pa worry nie….môre kom daar 33 sulkes in my klas!

 

Ek weet nie hoe mens dit deesdae in ‘n huishouding doen nie.  Ek was nie ‘n konsekwente ma nie.  Ek was meestal te moeg om moles te maak. Laat hulle maar aangaan, hulle sal wel moeg word en een of ander tyd slaap, dan is daar  rus en vrede vir my.

 

Dalk kry julle jonges hier dit reg.

Go for it!