Ek is NOU regtig ledig – verveeld klink nie so lekker nie.

Desember 14, 2010 in Sonder kategorie

Het pas met die laaste skrywe gese my moer het min gestrip in 2010, toe strip hy vanoggend vroeg hard en duidelik.

Waaroor sal ek nie hier uitblaker nie – dis effe te persoonlik.

 

Ek het Saterdag 6 (van 10) outydse saalstoele uitmekaar geskroef (onthou dat ek werklik verveeld was)…die plankies netjies afgeskuur. Maandag toe whitewash ek die spul en vanoggend het ek die staalrame se roes afgeskuur en toe vir ure en ure lank ge-metalic silwer met die kwas.

More sal ek die spul weer aanmekaarsit en op Ezra se stoep staanmaak, kamera gereed vir die groot oomblik. 

Buurvrou het hoeka gisteroggend gese dat die ou hout-teetrollie wat ek vir haar gegee het, (omdat sy een gesoek het en ek onthou het daar le een iewers in die stoor) te veel werk is – sy gaan dit inneem en iemand anders gaan dit mooimaak….ek dink na die 6 stoele, nog net die orige 4 dan handsop ek ook….soos in vir ewig. Julle sal nie glo hoe pyn my ou hande nie.

 

Ok, nog iets. 

 

Het vanmiddag besoekers gehad, nogal ‘n afspraak gemaak…twee ou skoliere en die ma.  Die dogter het nou haar eerste pos in die onderwys en wou kom praat.  Die seun het vandat hy in gr 3  by my was, gereeld Saterdae vir my kom help om ou meubels af te skuur….hy is nou

n pragtige jong man van 20.  Die ma vertel toe hoe arm hulle daaityd was. Sy het saans vir aandete uie met suiker gebraai en op brood bedien, daar was net mooi fnkol anders om te eet. 

Niemand het ooit van hulle behoeftes geweet nie. 

Ek haal my hoed af vir ouers wat nie worry oor die self nie, en alles opoffer, solank die kinders kan gaan leer.

 

Die laaste iets:

 

Ezra raak slimmer by die dag.  Hy het vanmiddag grond in ‘n emmer water gegooi, en elke keer as die klont die water getref het, het hy vir homself hande geklap….toe keer hy die emmer op sy kop om.  Ek moes die klonte uit sy mond en neus grawe – weet nie wie die grootste geskrik het nie, hy of ek. 

Hy het toe vandag geleer om nie ‘n emmer grondwater oor sy kop om te keer nie.

 

En die heel laaste iets:

 

My hoof bel my vanoggend.  Hy se ek moet se wat hy op die muur kan laat sit wat ek moet uitdink.  Soos in ‘n slagspreuk of iets…..hy gee my 10 min.  Ek dink toe diep. Bel hom toe met die een:

 

“As jou gewete skoon is maak dit nie saak as jou poephol stink nie”

 

Hy bars uit van die lag.  Nee, se hy.  Dit kan nie wees nie.  Ok, se ek. Maak dit dan maar “maak dit nie saak as jou hande vuil is nie”

 

Nou ja, mag julle met suiwer gewetes die nag ingaan – nevermaaind of die poepol of die hande vuil is nie!

 

 

 

 

 

35 antwoorde op Ek is NOU regtig ledig – verveeld klink nie so lekker nie.

  1. Dankie, murphy….jy ook!

  2. Ek sal beslis daaroor kom breg, MaanKind.

  3. Dink tot ou koningin liesbet sin stink op die beste van tye

  4. haha. dit was nou ‘n lekker een. lekker aand lou.

  5. louisna het gesê op Desember 14, 2010

    Hallo Lou. Pasop vir die oorkussing.

  6. Lou! lekker op jou stukke vanaand n?

  7. Adage het gesê op Desember 14, 2010

    Hahahaha!
    Ag Lou
    🙂

  8. Ledigheid is die duiwel se oorkussing…
    🙂

  9. Haar gewete, roosdoring?
    Bwhahahaha!!

  10. Ek sê more, Berwick

  11. Dankie V…lekker dag daar…die wind, o die wind!!

  12. Daarvan kan ek nie beskuldig word nie ouboet. Ek se net wyk satan, dan gaan hy!

  13. : )

    Dis lekker om te hoor, therina.

  14. Sê mos ek is effe ledig…maar my planne vir die dag is duidelik neergestip…gaan vir ‘n slag lippe aansit en alleen shopping doen.

  15. Dis die vakansie se skuld.
    Wens daar was nie so baie kinders by die see nie, dan sou ek dalk ‘n vakansie daar oorweeg het.

  16. Die manne in my huis hou nie daarvan as ek in hulle stoor werk nie..see if I care!

  17. louisna het gesê op Desember 15, 2010

    Ek dink jy weet ek het hom tong in die kies geskryf. Mooi dag.

  18. Natuurlik het ek geweet, ouboet!
    Jy kyk my lig aan….. hahahah.
    😀

  19. louisna het gesê op Desember 15, 2010

    ek sal nooit ‘n girl van jou statuur lig kyk nie. Mooi dag. Hier reen dit nog lekker.

  20. Hier storm dit vandag! Die spietkoppe blou blou die paaie vol…als is nat en die wind is woes.
    Lekker dag.

  21. Lekker gelees. Sou albei skoon verkies…

  22. Dag Lou.
    Dis ‘n plesier om jouw blog te lees.
    Ek het die Afrikaans lief, dis ‘n baie mooie taal.

    Jy het seker nie 2 linkse hande nie, jy kan alles ….

  23. Ja, Dinkweer!
    😀

  24. More, Fernand…Afrikaans is sowaar ‘n mooie taal.
    Dankie dat jy gereeld hier kom kuier.
    : )

  25. Ai, het ek nou lekker gelag vir daai slagspreuk van jou LOL!

  26. Het self lekker gegiggel, Klippie!

  27. Jy mis big time uit!
    😀
    Lekker dag vir jou.

  28. lol … Puik! … Flippen Skerp!

  29. Dis die vakansie wat dit aan mens doen!
    😀

Laat 'n Antwoord

Jy moet aangemeld inwees om kommentaar te lewer.