Jy blaai in die argief vir 2010 Desember.

Oujaar, Nuwejaar

Desember 31, 2010 in Sonder kategorie

Oujaarsaand vind Lou en Hartman alleen.

 

NEE!

Moenie vir ons jammer kry nie – I have something else up my sleeve.

 

Gisteraand het ek vir my en Hartman elk ‘n aartappel gekook, so met die lamtjoppie wat hy gebraai het.

Ons deel toe een aartappel en nou is daar een oor.

 

Ek vra: En hoe wil jy vanaand jou aartappel hê?

Hy: Wat van aartappelslaai?

Ek: Ok, daar is nog een aartappel oor van gisteraand, sal ek gou nog een in die pot gooi?

Hy: Nee wat, daai een sal genoeg wees.

 

Terwyl ek die een aartappel opsny, en in die sous sit, sê hy: Het jy ‘n klein genoeg bakkie?

Ek: Ja, ek vat sommer ‘n poedingbakkie

Hy bars uit van die lag: Daar sal seker nog oorskiet wees vir môre!

 

Onthou julle hoe ek amper laasjaar laat was vir die pardy in die kasteel?

Alweer sulke tyd, as Hartman begin snork moet ek spring!

Selle rok pas nog, net die glas skoene is effe ongemaklik, but there’s no gain without pain.

Mag julle ‘n lieflike salige en ontspanne aandjie met geliefdes beleef.

 

Sien julle volgende jaar.

Vakansie..

Desember 28, 2010 in Sonder kategorie

Nog ‘n krismis present – money well spent.

 

Hy is so lief vir sy nuwe bootjie, nogals met ‘n sambreeltipebesigheid vir die son.

 

Die water is ongemaklik warm.

 

Die termometer sê dis 38C.

 

Niks is cool in die wêreld nie.

 

Groetnis van ‘n uncool oumaloua.

Hoe ons Kersfees vier……

Desember 24, 2010 in Sonder kategorie

Die volgende versies kom uit Jeremia 10 van vers een af:

 

Luister wat die Here vir julle sê, Israeliete!

So sê die Here:

 

Moenie die gewoontes van die heidennasies aanleer nie.

Moenie bang wees vir die tekens aan die hemel nie, want dit is die heidennasies wat daarvoor bang is.

 

Hulle voorskrif om ‘n god te kry, is sinloos:

hulle kap ‘n boom in die bos af,

‘n ambagsman kerf dit uit met ‘n beitel,

hy versier dit met silwer en goud, met hamer en spyker slaan hy dit vas dat dit nie omkantel nie.

 

en dan in vers 8:

 

Hulle is almal gekke en dwase, want ‘n stuk hout kan vir ‘n mens niks leer nie

 

 ens ..

 

Dog ek sê net.

 

Ons het so ‘n simpel draadboompie met liggies versier.

 

Duisende (?) rande se geskenke is toegedraai en oopgeskeur….alles bruikbare items, dankie anyway.

 

 

 

 

Klein Ezra met sy honderd of wat balle en die singende kerskaartjie wat sy pa, die ingelsman, vir hom gegee het. Ons het sommer ‘n ingeboude plantebakbesigheid ontruim om vir hom plek te maak daarvoor. Hy stel meer belang in hoe die kaartjie geluide maak as in die balle….sug.

 

Die foto is  lank na aguur geneem, kyk net hoe lig is dit nog hier!

Almal is weg en dis doodstil hier – heerlik!

Hoop julle ervaar ook mettertyd die vreugde van stilte.

 

xxx

 

 

Geseënde Kersfees

Desember 24, 2010 in Sonder kategorie

Hoop dat julle almal ‘n salige Kersfees sal hê.

 

Dankie vir al die boodskappe en mooi wense.

 

Groetnis

 

xxx

Quizzzzz – dis ‘n maklike een.

Desember 23, 2010 in Sonder kategorie

Op die muur van ‘n klein besigheidjie staan die volgende:

 

 

We doctor ……..

and heel them.

We attend their dyeing

and

save their soles.

 

Wat staan op die …….?

(Ek is seker nie een van julle sal dit regkry nie.)

 

Dit was so oulik, toe vergeet ek om die foto te neem.

 

 

Anyway, ek is terug van oor berg en dal se gerits en blitsige remtrap en lorries wat lorries verbygaan ens.

Soms in sweet uitgebars en bloed wat afsak voete toe en keel wat toetrek ens.

Ezratjie het my darem gemis.

 

 

 

 

 

 

 

 

 

Please forgive me

Desember 17, 2010 in Sonder kategorie

Die beeld staan op my een stoep voor die deur.

 

Hartlief het haar eenkeer vir my gekoop, want hy weet ek hou baie van beelde.

 

Ek het haar naam vir haar gegee:

“Please forgive me”

Toe ek vanoggend stoep skoonmaak en haar vergewe-my-tog lyfie afspuit, toe weet ek

dis nog ‘n eindpunt in my lewe….die smeek om vergifnis en die sorry, sorry druipstert houding.

 

Nie meer nie!

 

My pa het my so grootgemaak. 

Hy het altyd gesê daar mag niemand op aarde leef wat nie vir jou WIL groet nie.

Ek is altyd die een wat toegee, vergewe en probeer vergeet.

 

Dis nou verby.

If you don’t like me – it’s your loss.

 

Dis mos nou weer vakansie en my werk het net verskuif.

Die mense in my huis hou nie van my hier nie.

My een kind het vandag vir my pille aangebied oor ek vensters gewas het.

Ek het in die week al met elkeen van hulle ‘n misverstand/woordewisseling/gil/verwyte/ huismoles, ens gehad.

Twee dae omgetjank.

Ok, dis nou verby – watch my!

Ek pak hoeka Maandag my tassies en los hulle sommer net so justlikethat.

Don’t mess with me…meek and mild turned into a wyfiehondjie.

Wink

 

Ek is NOU regtig ledig – verveeld klink nie so lekker nie.

Desember 14, 2010 in Sonder kategorie

Het pas met die laaste skrywe gese my moer het min gestrip in 2010, toe strip hy vanoggend vroeg hard en duidelik.

Waaroor sal ek nie hier uitblaker nie – dis effe te persoonlik.

 

Ek het Saterdag 6 (van 10) outydse saalstoele uitmekaar geskroef (onthou dat ek werklik verveeld was)…die plankies netjies afgeskuur. Maandag toe whitewash ek die spul en vanoggend het ek die staalrame se roes afgeskuur en toe vir ure en ure lank ge-metalic silwer met die kwas.

More sal ek die spul weer aanmekaarsit en op Ezra se stoep staanmaak, kamera gereed vir die groot oomblik. 

Buurvrou het hoeka gisteroggend gese dat die ou hout-teetrollie wat ek vir haar gegee het, (omdat sy een gesoek het en ek onthou het daar le een iewers in die stoor) te veel werk is – sy gaan dit inneem en iemand anders gaan dit mooimaak….ek dink na die 6 stoele, nog net die orige 4 dan handsop ek ook….soos in vir ewig. Julle sal nie glo hoe pyn my ou hande nie.

 

Ok, nog iets. 

 

Het vanmiddag besoekers gehad, nogal ‘n afspraak gemaak…twee ou skoliere en die ma.  Die dogter het nou haar eerste pos in die onderwys en wou kom praat.  Die seun het vandat hy in gr 3  by my was, gereeld Saterdae vir my kom help om ou meubels af te skuur….hy is nou

n pragtige jong man van 20.  Die ma vertel toe hoe arm hulle daaityd was. Sy het saans vir aandete uie met suiker gebraai en op brood bedien, daar was net mooi fnkol anders om te eet. 

Niemand het ooit van hulle behoeftes geweet nie. 

Ek haal my hoed af vir ouers wat nie worry oor die self nie, en alles opoffer, solank die kinders kan gaan leer.

 

Die laaste iets:

 

Ezra raak slimmer by die dag.  Hy het vanmiddag grond in ‘n emmer water gegooi, en elke keer as die klont die water getref het, het hy vir homself hande geklap….toe keer hy die emmer op sy kop om.  Ek moes die klonte uit sy mond en neus grawe – weet nie wie die grootste geskrik het nie, hy of ek. 

Hy het toe vandag geleer om nie ‘n emmer grondwater oor sy kop om te keer nie.

 

En die heel laaste iets:

 

My hoof bel my vanoggend.  Hy se ek moet se wat hy op die muur kan laat sit wat ek moet uitdink.  Soos in ‘n slagspreuk of iets…..hy gee my 10 min.  Ek dink toe diep. Bel hom toe met die een:

 

“As jou gewete skoon is maak dit nie saak as jou poephol stink nie”

 

Hy bars uit van die lag.  Nee, se hy.  Dit kan nie wees nie.  Ok, se ek. Maak dit dan maar “maak dit nie saak as jou hande vuil is nie”

 

Nou ja, mag julle met suiwer gewetes die nag ingaan – nevermaaind of die poepol of die hande vuil is nie!

 

 

 

 

 

2010

Desember 11, 2010 in Sonder kategorie

was ‘n goeie jaar, dankie!

 

Ek het Ouma geword.

 

Ek het vir 3 maande gewerk aan die nuwe CAPS vir die WKOD (Wes-Kaap Onderwys Dept)

 

My ma floreer met haar dermsakkie.

 

Ek het duisende plooie en sakkerige velle bygekry, en wonder of ek maskingtape of iets kan plak om die besigheid in toom te hou.

 

Ek het min moergestrip.

 

Ek het nooit ‘n dokter besoek nie….nie waarvan ek nou kan onthou nie.

 

Ek het 59 jaar oud geword.  Op 60 gaan ek alweer my bolla losmaak!

 

Ek het 100% slaagsyfer vir my klas.

 

Ek het ‘n paar keer hier in Blogville skaam gekry vir onopgevoede mense, en ek wou my sê sê, maar het my bekkie styftoegehou – hoor ek “you go girl” iewers?

 

Ons skool se sekretaresse het gesterf.

 

Was nie op ‘n troue nie. (is te agteraf om genooi te word, tsk….)

 

Het baie boeke gelees…. en uitgeleen en nooit teruggekry nie, en kan nie onthou wie wat het nie – hoop hulle geniet dit, whoever.

 

Het vir die laaste keer ooit op die planke verskyn…gaan daai besigheid NIE weer doen nie, genoeg is flippen genoeg.

 

Leer elke dag vir klein Ezra iets nuuts.  Hy weet, ek weet hy weet!

 

Het nooit honger of koud of warm gaan slaap nie.

 

Het biekie geld in die bank.

 

2011: ek gaan big time spaar om uit hierdie geweldadige en rassistiese land te kan ontsnap voor dit te laat is.

 

Soek eiendom in Namibie….naby genoeg aan ander familie, maar effe veiliger, daar waar misdaad net misdaad is en nie moord nie.

 

Droog en wit is steeds my gunsteling.

Cheers!!

So ja!

Desember 10, 2010 in Sonder kategorie

Weet nie van julle nie,

 

 

 

 

 

maar

 

 

 

ek

 

 

 

is

 

 

 

verveeld!

 

 

; )

 

Stoute knipoog…

 

 

 

Water vir Baufortwes

Desember 7, 2010 in Sonder kategorie

Die eerste keer dat ek oor RSG gehoor het van die waternood, het my hart uitgegaan na daai mense.

In my geestesoog het ek al die leë 5l houers in die stoor op die bakkie gelaai, in die kanaal volgemaak en vir hulle gestuur.

 

Toe hoor ek nee, die waterhouers moet geseël wees. Met ander woorde, ons moet die 5l bottels water iewers gaan koop, en dit dan daar aflewer.

 

As ons kanaal se water goed genoeg is vir ons huishoudelike gebruik en om vir die diere te gee, hoekom dan nie ook vir hulle nie?

 

Hulle hoef dit mos nie te drink nie, en as hulle sou wou, kan hulle dit mos eers kook.

 

I mean to say

 

Anyway, my hart gaan steeds uit na daai mense, en ek hoop julle Gautengers wat daar gaan deurry stop elke moontlike spasie vol met gekoopte, geseëlde water.

 

Lekker dag vir julle.

 

Hier waai die oostewind ons harrrrre deurmekaar.