Lou

Ek skryf hopeloos te min oor die verhouding tussen leerdersleerlinge (ja, hulle is nou weer leerlinge soos van toeka se dae) en opvoedersonderwysers.  Dis ‘n groot taak om verhoudings op te bou, veral omdat die kinders elkeen anders is en elkeen anders hanteer moet word, en onthou dat elkeen anders deur hulle ouers opgevoed word.

 

Die jare wat ek in Keetmanshoop skoolgehou het, het ek geleer om my hande agter my rug baie styf vas te hou.  Die behoefte was om hulle los te ruk en snedige, onopgevoede hoërskoolseuns dwars van die bank af te bliksem. Dis net genade dat ek dit nooit gedoen het nie, anders was ek sekerlik nou agter tralies.

 

Een voorbeeld: Dit was in my eerste jaar daar, die eerste keer dat ek voor die Gr 9 klas staan. Ons moet sing. Een seun sit en kou. Ek vra wat kou jy? Hy maak sy mond wyd oop en se hy kou net sy tong. Die klas skater van die lag. Ek sê gaan kou buite en kou klaar en maak seker jy sluk elke stukkie in. Preek tree in, sangles vergete….ek sê ek gee nie om wie hulle ouers is nie, wat hulle vir my wys is duidelik tekens van uiters swak opvoeding tuis.  Nooi hulle hartlik en sarkasties uit om die boodskap tuis oor te dra. Toe ek die gemeenskap beter leer ken, kom ek agter die kind se pa het al die mag in die dorp. 

 

Gister kom een seuntjie in my klas agter dat hy kan fluit.  Sommer kliphard.  Dit terwyl ek alle aandag nodig het.  Daarna sit almal en probeer fluit, elke keer as ek in ‘n ander rigting kyk, fluit een op ‘n ander plek. My nerwe raak dun, my moed sak, die woede bou op….

 

Ok, ek dink ek gaan net hier ophou……

 

Agter tralies klink nie so sleg nie.

Dink Robin Eiland. 

Veilig agter tralies. 

Diefwering, so niemand kan inbreek nie. 

Lieflike uitsig. 

Seekos na hartelus. 

Meestal koel weer.

en en en…

 

Ok koebaai vir eers.

Ek en Harman gaan die hondeding doen. Bad, skeer, ontvlooi ens. 

Sug…

 

 

 

 

 

 

Onthou julle van die Helen Zille-borg vir 4 dogters van die Wes-Kaap?

 

Sammy het ons nie terleurgestel nie.

 

Sy het tydens die eisteddfod  (Klawer Kunste) ‘n dubbel goud vir voordrag gekry…meer as 95%.

 

Vir sang het sy silwer gekry – 79%, so ampers ook ‘n goud.

 

Haar akademiese rapport is ook na die departement toe gemail – meestal 4’s.

 

Ek reken dis die suksesverhaal in wording.

 

Tot dusver was die keuse perfek – dankie tog!

 

Ek sukkel bietjie om die jaar se geld uit te gee.

 

Sy het alle nuwe skoolklere en skryfbehoeftes gekry.

 

Kan maklik vir haar ‘n rekenaar koop met die geld wat oorbly, maar hulle het nie krag in hulle woongebied, Riemvasmaak, nie.

 

Sy kry nou onderrig in sang, blokfluit en  gimnastiek alles is vooruitbetaal vir die jaar.

 

Ek MOET nog R10 000.00 op haar uitgee.

 

Enige voorstelle sal baie welkom wees.

 

Onthou net dat daar voorgeskrewe reëls is. 

Die geld mag net op enige vorm van opvoeding en skoolbenodigdhede uitgegee word.

 

Anders kon ek vir haar ‘n Wendy huisie gekoop het as ‘n studeerkamer…

 

 

 

 

 

 

Geluk liewe maatjie, omdat jy verjaar.

 

 

 

Mag jy ‘n asembenewende dag hê!

 

     ♥

Iemand in my familie is geweldig innoverend, slim, hardwerkwend, getrou, ens. 

Werk vir bv. R7000 pm.  (Noem die persoon sommer Z)

Nie baie nie, maar in die geweste net reg vir ‘n tweede salaris in die gesin.

 

So gebeur dit dat daar ‘n weeklange inspeksie by die werk gehou word.

Teen die einde van die inspeksie, lewer die inspekteur verslag aan die direkteure.

 

Hy se Z doen 3 mense se werk.  Hy beveel ‘n groter salaris aan, of ‘n bestuurspos. 

Die direkteure vergader en besluit om vir Z ‘n bestuurder van ‘n afdeling te maak.

Salaris sal so te sê verdubbel. 

 

Z sal vlg maand begin, maar het solank begin rondkyk na wat verwag word.

Sien die huidige bestuurder se salaris…sien wat sy doen en kan nie glo dat die besigheid so agter is nie. 

 

Z Sê:

 

As ek R7000 ‘n maand kry, dan werk ek asof ek R10 000 kry,  uit dankbaarheid dat ek wel ‘n werk het.

Hoe kan enige iemand rustig en met ‘n skoon gewete slaap as jy weet jy verdien dit nie…of weet die mens dit nie?

 

Geluk, Ezra se mamma.

Smaak my iewers het my preke oor gewete intrek gevind.

Ma is trots op jou!

 

 

Ek kan nie glo dis verby nie.

 

Kortliks:

 

Dinsdagaand – koorfees.

Woensdagaand – begin met die eerste dansers – lyndanse.

Donderdag van 8 tot 8  – 110 dansgroepe.

Vrydag van 8 – 8 alle induviduele optredes.

 

Die jaar het ek nie beoordeel nie, dankie tog!

(Dis vir my erg om heeldag stil te sit.)

 

Die “Soetkysie” ons eie restaurant is deur ouers en 3 opvoeders bedryf.

 

Die 2000 sertifikate is deur die loop van die dag in die een kantoor gelamineer – 6 masjiene wat permanent gevoer is.

 

My werk:

Ek is admin.  Ontvang gaste by deur, wys hulle waar watter teater (lokaal) is.

Maak veranderings op rekenaar, print en stuur vir lamineerders.

 

Die eerste uur was erg, daarna het ek die horlosie so gekyk en geweet, my werk is klaar.

 

Die weer was perfek.

 

Die kamera het ek vanoggend uit die sak gehaal en geweet ek is in die moeilikheid hier.

Sorry.

 

Ons tema was die jaar Geloof/Skepping.

 

Terwyl ek so die horlosie dopgehou het, het ek hierdie gedig in ‘n ou Sarie raakgeblaai:

 

Groen Vingers      (Carina Stander)

 

Swartwoud, Duitsland

 

God het Sy vingers geklap

“groen!” het Hy gesê.

 

en daar was bome met

mosbaarde

waarteen die varings krul,

sampioene wat giftig stoel

uit die aarde

en ‘n klipkussing vir Sy kop.

 

God het gesê dis in Sy wil

dat niks die stilte hier steur

 

want op die sewende dag

wou Hy hier rus

en onverstoord fotosinteer.

 

Uit haar digbundel “Die vloedbos sal weer vlieg”

(Tafelberg 2006)

 

 

Snaaks hoe afgehaal mens voel as so ‘n groot projek verby is.

Dit was vir 2 maande al wat in my kop was.

Sal seker ook weer vrou, ma en ouma moet speel en kosmaak en met aandag moet luister.

 

Nou voel ek leeg en wonder wat die volgende een gaan wees.

 

(Julle weet mos ek hou nie van kosmaak nie)

 

 

 

 

 

 

Kamera is ingepak.

 

                

Sien heelwat later met baie meer nuus.

 

 

OK, bye for now.

 

 

Dis die finale GROOT dag van KK VII.

Verwag 2000 voete.

 

Hier’s kleine Ezra, Anha.

 

Op sy lawntjie besig om te oefen vir die volgende wêreldbeker.

Hy kan nog nie loop nie, so sy ma het hom vir ‘n wyle vasgehou sodat ouma die foto kon neem.

Gewoonlik is dit ouma wat hom moet vashou, maar sy raak te gou moeg.

Hy wil net bal skop.

Altyd vrolik!

En mal oor die kamera.

Hy pose so mooi, maar ek weet oorlat hy die kamera wil proe.

Sien julle hoe warm is dit alweer hier.

het ek sommer gister, so onwetend, afgehandel.

 

Die engelsman (skoonseun) klop vroeg aan en vra ek moet hom leer om sy rose te snoei.

 

Ons draf toe die sowat 20 roosbome kaf en besluit om bietjie van die bourommel wat nog agter die huis opgehoop was, te verwyder.

 

 

 

Ek kan self nie glo dat die tuin so vinnig ontwikkel het nie.

Januarie was dit nog net ‘n stuk dorre aarde.

 

Dis nou klein Ezra se grasperk waar hy in die sonnetjie grassies pluk en ouma moet net keer of hy eet dit.

 

Tel dit vir die 67min?

 

Wat het julle gedoen?

 

 

Staan vir Klawer Kunste 7. (Sewende jaar van KK – het begin met 500 inskrywings)

 

Dis alweer sulke tyd en ek doen die admin.

 

Het die vakansie sowat 1665 deelnemers ingeskryf en dink so by myselwers, hoe de hel gaan ons skooltjie almal huisves.  Die sluitingsdatum vir Visuele Kuns is Vrydag, so ek weet al hoe ek my naweek gaan deurtrek….ons skat die eindtotaal gaan 2000 wees.

 

Daar is dié jaar 110 dansgroepe.  Onmoontlik om almal in een dag te huisves, toe moes ons sit en hare vleg – dit begin nou amptelik Woensdagaand en gaan aanhou tot Vrydagaand.

Dit sluit in alle voordragte, monoloë, tweesprake, poetry, klavier, blokfluit, sang (duette, trios en ensembles, ens.  Nege klaskamers wat in teaters omgeskep word.  Talle  te ete en te drinke by ons “Soetkysie”

Ons het ook ons Kore verskuif na ‘n nabye skool wat sommer die admin ook hanteer – dankie tog! 

 

Volgende naweek sal alles oor wees, dan kan ek weer asemhaal.

 

Ezratjie het, toe ek laatmiddag van die skool afkom en by hom gaan inloer, met sy loopring op my afgestorm met oop opgestrekte armpies….en toe ek later loop, waai hy met die regterhand en sê “Ugma”. 

Slim ne?

 

: D  

Ek gaan nog:

 

1.     Drakensberge toe vir ‘n vakansie, come hell or high water!

 

2.     Met die vakansietrein van Kaapstad Knysna toe – as ek afgetree het, gaan ek en Hartman dit doen,               rerig.

            As die skole in die eerste kwartaal begin, dan gaan ons – dis nou in 2016….as al die kinders in die skool is, is dit rustiger op

            die strande…..en niemand gaan “hello Juffrou” se nie!  My vakansie as kind op Mosselbaai het ek daai trein gesien en toe   het  ek al geweet……anyways, ek woon te naby aan die skool en gaan die klok daagliks hoor lui…

 

3.    Ek gaan beslis aan die lyf laat werk – alle onnodige hare permanent laat tippex –  kan nie  dink wie my oëhare gaan pluk as ek in die ouetehuis moet sukkel om te sien nie.  

 

Daars nog baie, soos om saam met Monica Sutherland toe te gaan en dan is daar nog die bootreis ens…..en enige MOB waantoe ek genooi word – daar sal ek wees.

 

Die telling is steeds 0 – 0……. Hup!