Lou

Ek weet nie wat dit beteken nie, maar ek voel ongedurig.

 

Is seker die weer – alweer!

 

Die Oostewind woed warm hier, en tjank om die hoeke van die huis.

 

Die volmaan verlig alles.

 

Die palmtakke skraap op die dak.

 

Dis soos om ‘n scary movie te kyk.

 

Ek het nie lus om te praat nie.

 

Nie eers die lawwe Jim Carey op mnetstars kan my maak  nie.

 

Ek wonder wat my hinder

Daar’s onrus in my hart

 

 

 

 

 

 

 

 

Ons gaste, Hartman se jongste broer en sy vroutjie, my geliefde vriendin, het vir 8 dae by ons gekuier…dit was soos vakansie!

 

Het elke dag iewers heen gekoers.

 

Die foto bo is op Lambertsbaai, Sondag.  Ons het vir middagete op die kaai by die bekende Isabella’s geëet toe die bote inkom.  Dis snoek, R30.  Koop toe een en braai dit Maandagaand.

Klein Ezra suig rustig aan ‘n spaar ribbetjie – sy ma en sy ouma eet nie sommer seekos nie.

 

Lutzville toe vir ‘n dag, by Willa se Winkel gestaar na al die fitterjasietjies, gelunch by die wynkelder…..Clanwilliam toe met die grondpad die volgende dag, daar gelunch – sal die skaal moet besoek, maar ek is te bang.

 

Ons gaste is gisteroggend terug Rustenburg se kant toe.  Hartseer afskeid, ek sê jul.

 

Gelukkig is Ezra hier vir alle aandag. So ‘n prettige, vrolike seuntjie.

 

Ek kon nie help om aan Lo-Ammi te dink toe ek hierdie skildery sien nie.

 

Anton Goosen geskilder deur Melissa Joint – ‘n jong meisie, vriendin se dogter.

 

Jammer oor die blink op die foto – ek oefen nog.

 

 

‘n Paar jaar gelede was daar ‘n baie laatlamseuntjie in my klas.

Die stomme kind was witter as ‘n laken, het seker nooit buite gespeel nie, die ma het heeltyd om hom gekloek.

 

Sy het elke dag na skool haar kind by die klaskamerdeur kom haal.  Het elke dag sy lof besing, sy huiswerk en vordering met my bespreek. Ek gee nie om nie, ek hou van ouers wat saamwerk, maar soms het ons vergaderings en ander buitemuurse aktiwiteite en sy kan mens lekker ophou.

 

Een Maandag stap ek en sy in die lang gang en gesels.

Ek se sorry, maar kan nie vandag gesels nie, ek is haastig.  Het ‘n dr afspraak want ek het “omvalsiekte”  (Vertigo) Gedurig DRONK in my kop…ens.

Later die week bel ‘n ander ma en se die ma’s beskinder my en se ek kom dronk skool toe.

 

Eers het ek en my hoof en kollegas lekker gelag en heen-en-weer gespot oor die belaglikheid.

Die vlg dag waai ek en ds vir mekaar, en skielik wonder ek of hy ook die storie gehoor het, en toe begin kyk ek anders na die storie. Oral waar ek gaan begin wonder ek oor wat die mense dink.

 

My hoof besluit toe om in te gryp.  Bel ‘n paar van die ma’s en hou vergadering met hulle…alle vingers wys toe na die vrou.  Almal bieg en se sorrysorrykisskisshughug.

 

My toekoms in die onderwys was duister. As dit by die kringbestuurder sou uitkom, sou ek in die moeilikheid wees – ek, die een wat altyd die reguit pad wil stap, wat alles vir haar seuntjie sou doen! Ek het nagte nie geslaap nie, het haar nie gegroet nie, het nie haar verskoning aanvaar nie. Wat sy gedoen het, het my laat voel almal “frown upon” my. Het al gewonder of ons moet oppak en wegtrek.  Onthou, die kind sit toe nog elke dag in my klas.

 

Een oggend baie vroeg het ek op my kniee neergeval en vir die Here gevra om my te help om haar te vergewe.

 

Die einde van die kwartaal kom sy by my klas om te se hulle trek weg, sy kom haal haar kind se goed….ek het haar so gekyk, jammer gekry, en skielik was die wrok weg!

 

Vergifnis bring verligting.

Sommer net ‘n storietjie uit my lewe wat ek onthou het toe ek Lisa se skrywe gelees het.

 

As jy nie kan vergewe, vra net, die Here sal sorg, want Hy wil he dat jy moet!

 

 

 

Die wind sny ysig.

Dit waai oor die berge van Ceres af hiernatoe.

 

Dis vir my verskriklik, vreeslik lekker!

 

Al sien ons nie sneeu nie, voel ons dit.

 

“O, koud is die windjie en skraal”

 

 

Vriendin en kollega is vandag 50.

 

Net sowat 50 dames by ‘n lapa doer in die veld.

Heerlik by die warm kaggel op ‘n ysige, sonnige dag.

Tydens die toesprake het ons gelag tot ons gehuil het.

 

Ou vrouens is crazzzzzzzy, ek se julle!

As jy eers 50 is, verloor mens pretensies en voorgee en lewe voluit asof dit jou laaste dag is.

 

Jy lag en as dankbaarheid inskop, dan tjank jy oor jy so gelukkig is dat jy kan lag.

 

Uitsig van die lapa op Gifberg.

Ons huis is  onder die berg, sien julle dit?   lol!!

 

He ‘n lieflike aand.

Dis ‘n opdrag!

Die Engelsman se ouers is ook die ander Ouma en Oupa van Ezra.

Hulle kuier nou lekker met my kleinkind en ek en Hartman is alleen by die huis.

 

Ek het hom gebad, oefeninge gedoen en uitgesmeer!

 

Nou is daai ingelse daar en hulle pluk my vrugte….ugh.

 

Toe hulle laat vanaand van die Kaap af hier aankom en hulle wil hom optel, toe tjank hy!

Lekkkkkkeeeerrrrrrrrrr natte vir hulle. (ek weet nog steeds nie wat dit beteken nie, maar dis nie positief nie.

Die kinders by die skool se dit as hulle is/voel soos ek nou is/voel)

 

Moenie worry nie, Sondag gaan hulle weer en dan is ek weer die in een.

 

Hy is nou so oulik!  Ek gaan daai mannetjie stukkie vir stukkie opvreet.

 

OK, terug by my:

Ek is nou by 1120 inskrywings vir die Klawer Kunste V11.

Nog net die Danse en die Visuele Kuns, dan gaan ek die vakansie jubelend in.

Die kamers vir die gaste wat Donderdag uit die Gauteng area gaan kom, is voorlopig gespitpolish.

Gaan die LFF’s (Last Fucking Finals) Donderdagoggend doen, met blommetjies ens.

Die spyskaart vir die week gaan nog gedoen word.  Dink ek moet beskuit bak (?) dalkies.

O ja, ek kan nie wag vir die gaste nie, hulle is 100% my soort mens, dis nou Hartman se jongste broer en fam.

Die Jongeling is iewers ini Kaap, hopelik by die stadion waar die wedstryd oor 5 min gaan begin.

Sal eers Sondag hoor hoe alles afgeloop het.

Intussen is dit heerlik om alleen en stiletjies tuis te wees.

 

Geniet julle aand, hoop dis ook stil en rustig en lekker snoeserig.

 

 

 

 Ek moes op aandrang van die jongeling twee vuvuzela’s koop.

 

Doen dit toe.  Vra nie vrae nie, my kop is nie by sokker nie.

 

Hy monteer toe die twee raasgatte op ‘n wateraansluitingspypie (of so iets) een bo en een onder.

 

Toe test hy dit hier voor my lessenaar.

 

Vra ek moet luister by elkeen se uitlaat om te hoor of altwee gehoor kan word.

 

Ek maak of ek opgwonde is, dat dit net verby kan gaan, en gooi oor eers by die een en toe by die ander.

 

My ore suis steeds….

 

Ek weet nie of hy en sy pelle ooit by die stadion in die Kaap gaan uitkom nie… laas toe ek daar was het dit bykans ‘n uur geneem om 10 km op die N1 te vorder. 

 

Hoop saam met my en massas mense daai vuvuzella’s kom NIE daar uit nie.

Hoop tog saam met my dat hy Sondag weer veilig tuis sal wees.

 

 ASB 

Ezra se een bo voortand is ook uit.  Die outjie weet nou van byt. 

Eina!

Intussen het ek bykans 2000 inskrywings vir die eisteddfod wat ons skooltjie jaarliks aanbied.

Ek tiktiktiktiktiktiktik vir die vale…

lekker!

Lekker as ‘n lang vakansie so begin tot die hiper-hoog afwater en die luiword insluip.

 Alle ouers, die ene ore asb!

 

As jou kleintjie se middelyn oorkruising nie normaal is nie, gaan hy/sy probleme ondervind.

 

Normaalweg gebeur dit normaalweg.

 

As dit nie natuurlik gebeur nie, moet jy inspring en jou kind help.

‘n Arbeidsterapeut sal die nodige toetse doen en vir jou se hoe en wat jy tuis moet doen.

Hy moet bv. op ‘n reguit lyn reguit kan loop.  Span ‘n tou op die grasperk en se jou kind moet daarop loop. Doen dit elke dag ‘n paar keer.  Kyk as jou kind inkleur of skryf of teken, moet die boek, papier direk voor hom le.  As hy dit skuins gooi is daar probleme.

 

As jou kind sukkel om te lees, doen “pared reading”

 

Lees elke dag saam met jou kind ‘n boekie.  Hou jou vinger onder elke woord wat jy lees, as hy saamlees, is dit great.  Wanneer hy alles saamlees, hou op en laat hy alleen lees.  As hy vashaak, lees dan verder.  Moenie dat hy moedeloos word nie.  Hy moet voel dat hy iets reggekry het, so kies eers die maklikste boekies in die biblioteek.  Vra vrae oor die boek gelees.  Hy moet volle begrip he van die storie.  Dis op die einde nie hoe hy lees wat belangrik is nie, maar wat hy verstaan van wat hy gelees het.

 

Jou kind moet baie speel, klim en klouter.  Dis belangrik vir sy fynspierontwikkeling.  Kleispeel is ook belangrik.  Hy moet kan knip en plak, natrek, transkribeer ens.

 

Ek is nou moeg.  As iemand belangstel of enige vrae het, sal ek hierop uitbrei.

 

My jongeling se eerste leeswoorde was op 3 jr.  Hy het opgelet dat TOYOTA se A net voor moet kom dan kan mens dit beidekante toe lees.  Maak kinders bewus van alles wat gesien kan word as julle dorp toe ry. Straatname, karname, winkelname ens.  Van die kinders in my klas drink elke dag Coke, maar as hulle dit moet skryf weet hulle nie hoe nie.  Hoe lyk “Kouk” vir julle?

 

Weet ook dat kinders skryf soos hulle praat.  Die wat hulle rre brei, sal ‘n g in die plek van die r skryf….bv. “skgyf”  Uitspraak is dus die alfa en omega van spelling.

 

Back to me:

Ek is moedeloos moeg. Die kwartaal was kort, te kort!  Ek sug vir 5 weke by die huis.  Wil nie stofsuiers en wasmasjiene hoor nie, geen telefoon nie, behalwe as dit vir my is!  Onthou Hartman se besigheid se kantoor is in die huis.   Geen oomblik van rustigheid soos oor Kersfees waar hulle ook ‘n week of wat afvat nie.

 

Ek gaan nou na Colleen McCullough se boek, “Angel” (2004).  Onthou julle, dis sy wat “The Thornbirds” op die map gebring het. Dis ‘n lekker slaapmaakboek. (lees boring)

 

Ok, koebaai vir eers.

Van laas Saterdag af was ek mislik.

 

Geen internet tot vanaand nie….verslaaf (?)

 

En niemand het my eers gemis nie.

 

 

Toemaar, ek het beter dinge om my mee besig te hou!

 

😀

 

 

Ezra is vandag 7 mde oud en die vreugde van my lewe….ouma kruip saam en speel wegkruipertjie, niks kom by daai gesiggie as hy my kry nie..

 

Ai, dis lekker om weer op die lug te wees.

 

NS: Die nuwe leptoppie tik nie so lekker nie, die ingeboude muis bly onder die palm van my hand….sal mettertyd gewoond raak.

 

Pst…het julle daai twee ondertande gesien – indien nie, kyk tog weer!