Lou

Hulle vind toe uit dat die kar nie verseker is nie, (vreemde storie, te lanke om te verduidelik, maar waar!) en oppad keffie toe loer ek in om te hoor of hulle iets nodig het…

Drink ietsie warm daar en se ek sal bid dat hulle weer iewers vervoer sal he.

Se sy – immer nederig – hoekom sal die Here vir hulle ‘n kar gee en nie vir Jonas wat in die tuin werk nie.

Hene, mense, die vrou laat mens DINK!!

Toe gebeur dit:

‘n Kollega van ‘n ander skool in ons distrik het gisteraand besluit sy wil nie meer op die aarde wees nie.  By haar lessenaar met die skoolwerk voor haar het sy die botteltjie in haar keel leeggemaak.

Wat dryf ‘n mens om so-iets te doen?
Kon iemand iets doen om dit te voorkom?
Wie sal ooit weet?

In ‘n baie klein kamertjie in my huis bere ek Hans du Plessis se digbundel, “Boegoe vannie liefde”  Soos die nood dit wil he, is daar darem iets om te lees, behalwe nou die sjampoobottels en so aan.

Hierdie gediggie het my so getref.
Ek hoop julle jong meisies hoor die waarskuwing…

Versoeking

Meisieskjenners vannie twa  *
jille moet vedag hie vi my sweer:
sowaar as wat arend witkrys dra,
jille loop roep eersie liefde wee
assie liefde self davoor kom vra.

* Twa – Kalaharigras (Aristida)

Wees dus gewaarsku!

Om eenuur vanmiddag is ek en 5 netbalspelers Calvinia
toe vir netbalproewe. 
Die wereld is droog – geen groenigheid vang die oog nie.  Vanrhynspas op tot bo-op die plato by Nieuwoudville en toe die laaaaaaang pad Calvinia toe. 

Daar gekom net na ‘n wolkbreuk.  Die paaie en droe velde is oorstroom.  

Moes die water van die bane afvee en uiteindelik kon die kinders begin speel.  Die uitslag is: Een onder 13 hoofdoel in die A-span. Een onder 12 doel in die A-span en een Hulpdoel in die B-span.

Lyk my ek is goed met die mikkers. 

windloos

Ek voel ONGEDURIG..

Ek huiwer om die skade te gaan kyk, maar Hartman se van die stoor se dakplate aan die een kant is af, die braaituin se welige plante is moertoe.
 
Kan ook nie kaalvoet in die huis loop nie.  Dis net sand!
Vensterbanke en werkoppervlaktes dieselfde. Sand reen in by die binnebraai se koorsteen. 

Nou is ek dankbaar ek kan vandag skooltoe vlug en die opruimwerk vir die wat agterbly los!

Ok, toe is dit boud, (geen braai, want dis koel hier)  en hartman se vrou moet die res doen.  Die orders kom.  Dis rys, braai-aartappels, soetwortels en ertjies, gevulde skorsies, groentedis met blomkool, boontjies, hubard skorsies met spinasie en vetakaas bo-oor.

Se die draer van my kleinkind daar’s ‘n party in haar mond.

Se die hartman kan ‘n arm man dan so lekker eet.

Se hartman se vrou nou moet ek alles opruim.

Dis ‘n dag se werk en alle eer aan die man wat die vleis gedoen het… (?)

WTF?

Die van julle wat nie kleinkinders oppad het nie, nie onlangse skade in motorongelukke gehad het nie, en nie vir die staat werk nie, kan gerus op die beeld gaan bie.

So ‘n tydjie gelede sukkel ek met die “g” sleutel op my laptop.  Moet hom met krag druk om reaksie te kry.  Se iemand daar’s sekerlik ‘n peanut onder die sleutel.

Toe weet ek dis waar die peanut is wat ek maandeliks van die staat kry.

Ons kan nie daarop inkom nie.