Nuwejaarwens
Desember 31, 2008 in Sonder kategorie
Mag voorspoed en vreugde julle VERVEEL in 2009.
En my wens aan myself is sterkte en tonne genade – vir hartman se onthalwe.
Ok, ek bewe o genade en bewe!!
En daar’s iets wat die wange natmaak..
Jy blaai in die argief vir 2008 Desember.
by loudavisi
by loudavisi
Matriek Uitslae
Desember 30, 2008 in Sonder kategorie
Ek staan verstom.
Net 63% van 600duisend matrieks is deur.
Net 20% het Universiteits vrylating.
Se Me Padora Box oor RSG dat dit nie gemeet moet word aan verlede jaar se uitslae nie. Dit is die basis waaraan toekomstige uitslae gemeet moet word, want dit is die eerste keer dat kurrikulum leerders matriek skryf. En – hoor hier – nog steeds die alewige deurgetrapte agtergeblewenes wat nog suffer onder die vorige bedeling.
Die apartheid is al 14 jaar gelede dood, en die leerders het vir 12 jaar gekurrikulum!!
So ek se alles gaan op, behalwe die uitslae!
200 duisend kinders wat nie geslaag het nie… wat gaan hulle doen?
Weet hulle hoeveel dit vir die staat kos om ‘n leerder vir ‘n jaar op skool te hou?
Die blaam, se ek, le op die opvoeders en die massas ongedissiplineerdes (opvoeders ook) leerders in een klas.
As ‘n leerder deesdae wil dop, moet hulle in ‘n ry staan, en net die voorste 200duisend mag maar!!!
Geluk aan die wat die terror van kurrikulum deurgekom het.
Ek weet niks meet nie….sorry…dis maar hoe ek nou voel.
by loudavisi
Is dit Musiek?
Desember 30, 2008 in Sonder kategorie
Word net na 5 wakker en sit die radio aan.
Goeie genade!!
Sit op die bed en luister en kan nie glo wat ek hoor nie.
Druk hande oor ore.
Sit nie radio af nie.
Te nuuskierig om te hoor wie so SANIK.
Hartman uiter onskryfbare woorde.
En toe….iets soos Lara Francis (weet nie of ek reg gehoor nie) wat Klein Dingetjies bler..
Wonder ons wie het ooit gese sy kan sing of skryf …
Wie koop dit.
Wie gee RSG die reg om dit na ons huise te bring?
Ek het nog nooit ‘n opinie oor musiek gelewer nie, want ek weet te min.
Nou weet ek beslis waarvan ek NIE hou NIE.
Enige iets wat ooit gesing is, hoe sleg en swak ookal is BAIE beter.
by loudavisi
Vir Aarmannetjie
Desember 29, 2008 in Sonder kategorie
Ek het toe vandag vir Aardmannetjie ontmoet.
Ons kon net nie ophou chat nie!
(Ons is in dieselfde beroep, nou kan julle net dink!)
Dankie dat jy die moeite gedoen het om my hier op Klawer te besoek, Aardjie. Geniet die laaste paar dae by die see en ek wens jou en jou familie ‘n veilige rit terug Pretoria toe.
Mooi loop!
by loudavisi
Klawer
Desember 29, 2008 in Sonder kategorie
So lyk Klawer met Gifberg in die agtergrond en die brug oor die Olifantsrivier….that’s it!
Gister, net voor die laaste middagete vir die gaste, besluit ‘n wolk om net bokant ons huis te breek. Die wind waai verwoed. Die water stroom van bo af..die dak lek alweer. Vinnig moes ons ‘n paar “indoor pools” indra. Hartman se dis die wind wat die water onder die plate inwaai. Plafon in sy moer peetjie. (oopsie)
Dis anyway heerlik koel hier – ons is verslae oor die weer – nooit gedink ons kan winter in die somer hier kry nie.
Gaan julle wel!
by loudavisi
Uittog uit Lambertsbaai
Desember 28, 2008 in Sonder kategorie
Toe ek die een sien, sien ek die ironie..
Die engelsman moes stop, want skoonma kon dit nie weerstaan nie.
Die “dankie en come-again” bord by die begraafplaas.
Ek meen as jy nou eenkeer daar onder is, is daar geen come-again nie!
Die gaste is na middagete weg….saliger as salig!
by loudavisi
by loudavisi
Seafood platter
Desember 27, 2008 in Sonder kategorie
Besluit toe om vandag die gaste te vermaak met ‘n etetjie op Lambertsbaai…
Hartman en skoonseun besluit toe op die seekos platter – om te deel.
Het eers gepraat van ‘n doggybag toe dit bedien is, maar was nog honger lus toe die bord leeg is.
Ons ander se kos was boring……
Sorry ek het jou gemis, Aardmannetjie…te veel gaste – sien jou as julle kom wyncruise.
by loudavisi
Uiteindelik rustiger hier
Desember 26, 2008 in Sonder kategorie
Die gaste kuier vanoggend by my dogter en ek en Hartman is vir ‘n slag alleen.
Ek dink ek rus meer as dit nie vakansie is nie. In die kwartaal is daar altyd die wete dat die huistoegaanklok gaan lui, en ek na ‘n skoon huis toe kan kom.
My huishulp is met verlof – ek nie. (Ek weet sy ook nie)
Maak tans die familie mal…noem my “control freak” Ha!!
Tot die wasgoed moan as ek kort-kort gaan voel of nog iets is wat gestryk kan word.
Hiermee wil ek vir my liewe Eizabeth dankie se.
Dankie Lizzie, baie baie dankie!
Onlangse kommentare