Jy blaai in die argief vir 2008 Augustus.

oor woede

Augustus 29, 2008 in Sonder kategorie

Nou die dag kom suster ingestorm, reguit na my wasbak toe, en begin om klaargewaste koppies te was.  Ek versteen voor my laptoppie en wonder wtf? 
“Eks kwaad” se sy.

Nou waaroor is nie ter sake nie.  Ek dink die ding van hoe om kwaadwees te verwerk is, oorerflik..so tipies ek.

So gebeur dit dat Pappie eenkeer geweier het om die vuilgoedverwyderaars te betaal.  Hy was reg ook…die rekening was vir drie optelpunte, en ons het net een. Toe besluit iemand by die Munisipaliteit om ons krag af te sit as hy nie betaal nie, al is die rekening vir die water en krag betaal.   Belaglik!

Dis later amper vyfuur die middag en die ou van die krag kom om te se dat hy nou die krag gaan afsit.  Net daar strip ek…dit gebeur maar min, maar hel!
Ek roep hom kamer toe en se..as ek moreoggend nie warmwater het nie, en nie my hare kan droogmaak nie, is daar GROOT drama!  Betaal net die rekening, en sort die besigheid daarna uit.

Ek weet tot vandag nie hoe hy die saak hanteer het nie, net dat ons krag toe nie afgesit is nie. Ek het my emmer, Jik, Handy Andy en Vim gegryp het en vir die volgende twee ure die badkamer geskrop het, tot die plafon en die venster …..alles!

Soms dink ek, as ek so rondkyk, miskien is dit weer tyd om kwaad te word….

Nou wonder ek hoe julle woede verwerk?

Oor kinders en swem

Augustus 27, 2008 in Sonder kategorie

Mapstieks het onlangs op haar blog gese dat sy bekommerd oor Poplap en die swembad is.
Ek gee al vir jare swemlesse, so hier is ‘n paar idees.
Die gedagte is om jou kind vir die swemafrigter gereed te kry.
Gewoonlik neem dit 5 lesse en die beste is as die lesse 5 dae opeenvolgend plaasvind.

My doel is NET om kinders watervaardig te maak.

Hier is ‘n paar tips:

Maak jou kind gewoond aan water van dag een af.  Sommer so speel-speel, en sommer in die bad.

Sit ‘n waskom of ‘n opblaas-swembadjie buite en laat hy mal gaan!

Moedig hom aan om te ontdek wat hy alles in die water kan doen.
(Ek het al kinders van 10 gehad wat huilend van vrees op die trappies sit!)

Die ergste is dat hulle nie hulle koppe onder die water kan sit nie.  En as hulle dit doen, gaan die hande eerste na die oe as hulle uitkom.  Dit is net ‘n gewoonte wat afgeleer moet word.  As die kind in die moeilikheid kom, en hy vryf eers sy oe, is dit klaarpraat met hom.

Laat jou kind op sy maag in die bad le.  Vra hom om borrels te blaas.  Laat hy sy asem ophou, en dan die kop onder die water druk.
As hy dit gereeld doen, sal hy dit gou baasraak.

Probeer dat hy sy oe onder die water oopmaak.  Gooi klippies of muntstukke in die water en se hy moet dit uithaal.

As die spelery klaar is, gee dan die seep aan.  Skoon water sal nie die oe brand nie.

Moet nooit ‘n geleentheid laat verbygaan om jou kind te laat swem nie!
Die ergste van hier in Namakwaland is die hitte, die rivier en plaasdamme. Soveel kinders verdrink jaarliks hier.  Hier is ook nie baie mense met swembaddens nie.

Dis dan nou al vir eers.  Enige vrae ….gooi!!

Oor Vibes

Augustus 7, 2008 in Sonder kategorie

Oor vibes kan ek nogal iets se.

Ek verduidelik soos ek dit in my verbeelding sien.

Dis sulke onsigbare strale wat mense uitstraal.
Nou sien, soms connect die vibes met ander mense, en soms nie.
Ouderdom, geslag en ras is nie ter sprake nie.
Familie het ook niks hiermee te doen nie.
Liefde ook nie….. ok, mens moet sekere vibes he om verlief te kan raak…..kan ook nie meer onthou nie…te lank gelede!

Mens kan familie liefhe sonder om vibes te voel.

Jy weet wanneer iemand ‘n ware vriend/vriendin is wanneer jy goed oor jouself voel in daardie een se geselskap, maw die vibes is geconnect.

Ek is nie ‘n ervare blogger nie, en ek weet net van die werklike eye to eye vibes. Soos met al die jare se kinders wat ek probeer opvoed en leer.  Eers kon ek dit nie verstaan dat ek aangetrokke voel tot sekere kinders … en ander nie.  Toe ek dit probeer uitpluis, toe kom ek agter dat dit vibes is wat ter sprake is.  As ek geen vibes teenoor ‘n kind voel nie, dan moet ek as volwassene dit wegsteek en ekstra moeite doen dat die kind dit nie agterkom nie.

Tog voel ek die vibes tussen bloggers  aan.  Is dit dan moontlik om so te voel oor mense wie jy nog nooit in lewende lywe ontmoet het nie?  Ek meen so in die kuberruimte?

oor dit en dat

Augustus 3, 2008 in Sonder kategorie

Wel, hierdie naweek is daar freeeking min op die blogs te lees:

So hier is iets wat ek wat ek onthou deur die jare se lees. (natuurlik voor ek begin blogs lees het)

Hoor die een en se of dit nie waar is nie.

The only really useful function a tie, ( en ek voeg by…skoene en bra) serves is the sense of relief when you take it off !
Uit Paulo Coelho  se “Veronica decides to die”

En dan die een:

It is easier to excise letters cut in stone that to unsay what has been said.
Uit Barbara vine se “The Shimney Sweeper’s boy”

Laaste een:

A little sin is like being a little pregnant – it will eventually show itself
Uit Rick Warren se “Purpose Driven Life”

Ok, my deel gedoen, nou is dit julle beurt!
PS:  Hoop die blommetjies oorleef die aanslag van die Oostewind hier in die Namakwaland.