Bekvol

Ek vrek oor Limericks. So daag hier toe vandag ‘n tipe uitdaging op in my epos: vertaal hierdie Ingelse een:

Engelse Limeriek

There once was a girl from Cape Cod
Who thought a child comes from God
But it weren’t the Almighty
who lifted her nighty
It was Roger, the lodger the sod.

Die begeleidende poging was:

’n Mooie jong dame genaamd Nel,
Dog ’n kind kom van Hoër bevel.
Maar dit was nie die Almag
wat haar laat verwag.
Dit was Van Tonder, die donder, die hel!

Dit was nice, maar die ritme was onprettig. Toe probeer ek soos volg:

‘n Meisie van Arbeidsgenot
dag babetjies klein kom van God.
Maar die eintlike dader
was toe nie die Vader,
maar Pieter, die huurder, die sot.

of dan:

Jong Martie, ‘n meisie van Memel
dag babetjies kom uit die hemel.
Dis nie hemel of hel
wat haar boepie laat swel,
maar Gielie, die plumber, die semel.