Verlofvorm

November 5, 2010 in Sonder kategorie

Waardeer die vrede, o volkere. Daar gaan ‘n tyd kom dat Jan Klaas weer u deurlugtige geledere gaan betree en die oorvloed van sy skryfgemors op hierdie edele skryfvlakke gaan kom uitstort.

Jan Klaas is op die oomblik taamlik besig elders. Jan Klaas is naamlik besig om vlaktes en vlaktes rekenaarskerm met woorde te vul in ‘n poging om uiteindelik sy merk te probeer maak as ‘n skrywer. Siende dat sy drome om ‘n hogere digter te wees met elke nuwe poging voor sy eighe oghe in wind verander, het hy nou besluit om sy hande aan ‘n boek te waag. Dit lyk na die enigste oorblywende uitweg om daardie ontwykende aura van skrywerskap te bekom. “Digter” sou wel nog meer digterlik geklink het, maar Jan Klaas sal maar berus by sy klaaglike mislukking om ‘n tweede Breytenbach of Van Wyk Van der Merwe te wees. In elk geval hoef ‘n mens seker nie suksesvol te wees om as ‘n skrywer bekend te staan nie, jy hoef net te skryf…?!

Digters het in elk geval vir Jan Klaas ‘n bietjie van hulle betowering verloor vandat elke Tom, Diek, Harry en MBA-geleentheidsprekers hulleself nou as digters aan die mensdom kom bekendstel. In elk geval vermoed Jan Klaas al die goeie dig-temas is alreeds geneem…

26 antwoorde op Verlofvorm

  1. Sjoe, Jan-Klaas…doen die boekding.
    Ek verstaan buitendien nie veel van die moderne digters se versies nie.

    Groetnis

  2. TS het gesê op November 5, 2010

    Aha aha ek hoop darem jy gaan so proeseltjie van tyd tot tyd op ons kom beproef? hehehehe… ons kan jou beste kritici wees … wel die ouens wat weet hierrond

  3. Ons kan natuurlik vir jou ‘n uitmuntende klankbord wees nê……

  4. bloukaap het gesê op November 5, 2010

    jy weet hulle vra mos altyd hoekom word gholf wel gholf genoem…..? …… want ‘vok’ was reeds gevat….. so van temas gepraat hehehhe. Maar ek dink nie JY hoef 2e enigeen te wees nie. Jy is jouself……

  5. Janklaas het gesê op November 5, 2010

    Ek’s nog te skamerag!

  6. Janklaas het gesê op November 5, 2010

    Dit vat net ‘n bietjie langer as ‘n versie…

  7. Janklaas het gesê op November 5, 2010

    Dis dalk ‘n goeie idee. Maar dis nie juis prosa nie, dis sommer ‘n ge’waffle’…

  8. Janklaas het gesê op November 5, 2010

    Julle is te kwaai. En te liggelowig! 🙂

  9. Janklaas het gesê op November 5, 2010

    Die vervanging pas baie goed in as ‘n mens wil sê Tiger is die grootste ‘gholf’er.

    En ek soek nog daai self in die skrywery…

  10. Berwick het gesê op November 5, 2010

    Hande aan ‘n boek waag?
    Dis great!

  11. Hier is baie geduld….wag gretig om te sien wat kom

  12. Sterkte!!

  13. Sterkte {-;

    Ek het die oefening na omtrent 200 woorde laat vaar…

  14. Janklaas het gesê op November 7, 2010

    Ja wel, niks briljant nie, sommer net ‘n storie…

  15. Janklaas het gesê op November 7, 2010

    Dit hou nog!

  16. Janklaas het gesê op November 7, 2010

    Dankie Emmie! Ek het dit nodig.

  17. Janklaas het gesê op November 7, 2010

    Ek hou! 6000.

  18. MEleroux het gesê op November 7, 2010

    Nou sterkte – keep us updated en laat weet darem wanneer ons die boekrakke moet begin bestorm!

  19. Janklaas het gesê op November 8, 2010

    He he… Die kanse dat dit as toiletpapier op P&P se rakke gaan verskyn is groter…

  20. Sterkte! Ek beny jou, dis ‘n droom van my ook :-))

  21. Dankie Annie! Maar my jas draai vas, lyk my my storie gaan opraak by 25000 woorde! Sal moet begin gorrel en die natuur beskryf…

  22. Slim.. . . . .dan maak jy die natuur jou sentrale karakter, lol

  23. zephur het gesê op November 17, 2010

    Jan die skrywer…jip dis mos reg

  24. Dit klink so cool!

  25. …sjoe, Janklaas…waar is jy?

  26. O Griet, ek skryf ‘n sprokie!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.