Jy blaai in die argief vir South African Book Fair.

by izakdv

Die Suid-Afrikaanse Boekebeurs Dag 2

Junie 15, 2014 in Uncategorized

 14 06 13 book fair_001ctbf2

Marthie Maré, die outeur van Legkaart van jou gesig, verduidelik aan iemand wat haar wenkbroue van haar verklap.

14 06 13 book fair_008ctbf2

Die boekebeurs is vir almal.

 14 06 13 book fair_011ctbf2

Marieta Nel, skolebestuurder by LAPA uitgewers, gesels met ’n kliënt.

 14 06 13 book fair_012ctbf2

There is Wally!

 14 06 13 book fair_041ctbf2

Steve Hofmeyer en Deon Meyer in gesprek. Deon het die opmerking gemaak dat die Afrikaanse letterkunde ’n huis vol leë kamers was aan die einde van apartheid, vandag is al daardie kamers gevul, al die genres van oorsese letterkundes word dus vandag in Suid-Afrika ook aangetref. Steve het toe gesê met musiek is dit dieselfde. Die nuwe Suid-Afrika was die beste ding wat met musiek kon gebeur.

 14 06 13 book fair_051ctbf2

Ook die opvoedkundige uitgewers is druk besoek. Hier is The answer series se stalletjie.

 14 06 13 book fair_055ctbf2

Pan MacMillan se stalletjie. As julle terugblaai na my inskrywing Agter die skerms by die Suid-Afrikaanse Boekebeurs, sal julle sien hoe mense ’n stalletjie swart verf, wel, hier is die finale produk.

14 06 13 book fair_061ctbf2

Die kinderspeelplek is druk besoek.

 14 06 13 book fair_068ctbf2

Die toekoms van lees… Hierdie kaboutertjies het presies geweet hoe om e-lesers te navigeer en het met aandag gelees.

 14 06 13 book fair_074ctbf2

Een van die interessantste en snaakste praatjies, Elsa Winckler, Jacolet van den Berg en Kristel Loots het die gehoor laat skater met staaltjies oor die skryfproses. Liefdesverhale bly die gewildste leesstof wêreldwyd. Chanette Paul was die gespreksleier.

14 06 13 book fair_079ctbf2

Franci Vosloo, ’n navorser in vertaalkunde, Ilse Carla Groenwald, die vertaler van die  Afrikamasutra, en Phumzile Simelane Kalumba, die outeur van Jabulani means Rejoice – A Dictionary of Names amd Meanings, in gesprek.

 14 06 13 book fair_082ctbf2

Hierdie kabouter het ons harte gesteel.

 14 06 13 book fair_095ctbf2

Michiel Heyns en Andrew Brown in gesprek. Hulle het gesels oor wat krimiskrywers aan hulle karakters doen. Die gehoor het hulle verkneukel aan die humor.

 14 06 13 book fair_102ctbf2

Ken McGillivray, Maya Fowler en Peter Merrington verduidelik die rol van redakteurs aan outeurs wat hulle eie boeke wil uitgee.

 14 06 13 book fair_103ctbf2

Corné Janse van Rensburg, van die Professional Editors’ Group, het stil-stil ’n baie groot deel van die program by die Suid-Afrikaanse Boekebeurs gereël.

 14 06 13 book fair_108ctbf2

G.J. dut Toit (links), ’n spesialissetter van regsdokumente, se stalletjie is nogal in die kol.

by izakdv

Die Suid-Afrikaanse Boekebeurs Dag 1

Junie 14, 2014 in Uncategorized

ctbfd010001

ctbfd010002

LAPA uitgewers, met die logo wat ’n stalletjie geword het.

 ctbfd010003

Wordsworth Books

 ctbfd010004

Xavier Nagel van Xavier Nagel Agencies

 ctbfd010005

Nasou Via Afrika dink beslis die toekoms is digitaal.

 ctbfd010006

Penguin / Random House se groot stalletjie

 ctbfd010008

Die kinderafdeling – net voor die kabouters ingeval het.

 ctbfd010007

Daar is ’n enorme Chinese kontingent by die Boekebeurs.

ctbfd010010

 ctbfd010009

Wendy Maartens het die kinders aan haar lippe laat hang.

 ctbfd010011

Eldridge Jason, van Gerook, was ’n baie groot treffer by die jongspan.

 ctbfd010012

Nanette van Rooyen, van Ek was hier, het ook die jong span betower met haar idees oor graffiti.

 ctbfd010013

Jonathan Amid (links) het gesels met Mike Nicol, Chanette Paul en Michael Sears (die een helfte van die skrywersduo Michael Stanley) oor spanningsverhale.

 ctbfd010014

Niël Stemmet, van agter+blad, saam met Hendri Warricker, bemarkingsbestuurder by LAPA.

ctbfd010015

Brent Meersman, die skrywer van 80 gays around the world.

 ctbfd010016

Pieter-Dirk Uys het ’n onderhoud gevoer met Brent Meersman, die skrywer van 80 gays around the world.

 ctbfd010017

Malene Breytenbach, Kristel Loots, Wilna Adriaanse en Karin Brynard, vier groot vrouskrywers in gesprek met Elna van der Merwe van die Huisgenoot.

 ctbfd010018

ctbfd010019

Steve Hofmeyr het die gehoor in die palm van sy hand gehad terwyl hy gesels het oor en voorgelees het uit Laaste dans, Drienie.

by izakdv

Afrikaans by die Suid-Afrikaanse Boekebeurs (Book Fair)

Junie 10, 2014 in Uncategorized

sabf

Die Suid-Afrikaanse Boekebeurs (Book Fair) vind plaas van 13 – 15 Junie 2014 in die Kaapstadse Internasionale Konvensiesentrum.

Ek het gou Afrikaanse dele uit die program te haal. Daar is wonderlike Engelse goed ook. Chanette Paul, Mike Nicol, Michael Stanley praat byvoorbeeld Vrydag om 13:00 in Literary forum 1. Beslis iets om by te woon, al is dit in Engels. En daar is baie meer.

Vir ’n volledige program, kliek hier.

Kom loer in asseblief. Koste:

R50 pp vir volwassenes (maar dis goedkoper via Pick n Pay)

R20 pp vir pensioentrekkers

GRATIS vir mense onder 18

 

Vrydag 13 Junie 2014

11:00

Eendag op ’n reëndag

Meesterstorieverteller Wendy Maartens aan die woord

PLEK: Literary forum 2

Kinderboekskrywer Wendy Maartens se werk wissel van liriese, aktuele prenteboeke soos Prinses Mossienes en Lena se bottelboom tot vermaaklike hervertellings van bekende volksverhale en fabels in bundels soos Eendag op ’n reëndag en Die mooiste dierestories. Kom luister hoe Wendy meer vertel oor haar storiereis en die betowering en genot van stories.

 

12:00

Twee kante van die Kaap

Nanette van Rooyen en Eldridge Jason in gesprek

PLEK: Literary forum 2

Nanette van Rooyen se Ek was hier en Eldridge Jason se Gerook is albei realistiese tienerverhale wat in die Wes-Kaap afspeel. In Ek was hier word Seepunt en sy bonte mengelmoes van karakters ingespan as agtergrond vir ’n liefdesverhaal oor twee tieners wat deur middel van omgewingsvriendelike graffiti kommunikeer. Gerook delf na die donker onderwêreld van tik op ’n skynbaar idilliese klein Weskusdorpie. Hierdie twee Kaapse jeugboekskrywers tree vir die eerste keer met mekaar in gesprek oor hul werk en die Kaapse ruimte waarin dit afspeel.

 

14:00

erfenis+kos

Nëil Stemmet

PLEK: Room 1.41

Nëil Stemmet is ’n storieverteller. Hy het aan die voete van sy oupa geleer van stories. Sy passie in die lewe is erfeniskos en dat die stories oor onthou+kos vertél moet word. Omdat ons almal heengaan, is stories die enigste wat oorbly in die wêreld. Daarom ook is resepte deel van sy stories, en is suiwerder kos, soos ons uit oorvertel geërf het, so belangrik.

 

15:00

Liefde, spanning, misdaad, intrige en romanse

Wilna Adriaanse, Karin Brynard, Kristel Loots en Malene Breytenbach

PLEK: Room 1.41

Kom luister na vier van Afrikaans se merkwaardigste vroueskrywers – Wilna Adriaanse, Karin Brynard, Kristel Loots en Malene Breytenbach – wanneer hulle met Elna van der Merwe gesels oor die verskillende genres waarin hulle skryf.

 

16:00

Laaste Dans, Drienie

Steve Hofmeyr

PLEK: Literary forum 1

Steve Hofmeyr gesels oor sy nuutste boek en die inspirasie daaragter.

 

Saterdag 14 Junie

11:00

Boeke, skrywers en Afrikaans

Deon Meyer en Steve Hofmeyr

PLEK: Literary forum 2

Deon Meyer en Steve Hofmeyr in gesprek – boeke, skrywers en Afrikaans.

 

13:00

Beleef die emosie

Kristel Loots, Elsa Winckler, Jacolet van den Berg

PLEK: Room 1.41

Kristel Loots was in die 2013-Finansiële boekjaar 23 weke lank op die Nielsen-lys van Top verkopers met haar LAPA boeke. Elsa Winckler verkoop uitstekend in Afrikaans en is ’n uitblinker in Engels op Amazone. Jacolet was verlede jaar agt weke lank op die Nielsen-lyste, en is hierdie jaar weer besig om haar plekkie warm te hou daar. Hoe kry ’n mens dit reg om jaar ná jaar jou lesers se voete onder hulle uit te slaan? Lesers kan hulle gunstelingskrywers van aangesig tot aangesig kom aanskou. Chanette Paul lei die gesprek.

 

13:00

Ek is ’n Babalela!

Kom ontmoet die Babalela en luister na die stories

PLEK: Kidzone

Kom ontmoet die Babalela! Gewoonlik woon die Babalela diep, diep in die donker bos, maar ons het gevra, mooi gevra of die Babalela nie wil kom kyk na al die boeke nie … Die Babalela het ja gesê!

 

15:00

Hardebaard

Deon Meyer, Chanette Paul en Karin Brynard

PLEK: Literary forum 1

Drie van Suid-Afrika se beste misdaadskrywers deel ’n verhoog. Gou maak, plek is beperk!

 

Sondag 15 Junie

13:00

Ek is ’n Babalela!

Kom ontmoet die Babalela en luister na die stories

PLEK: Kidzone

Kom ontmoet die Babalela! Gewoonlik woon die Babalela diep, diep in die donker bos, maar ons het gevra, mooi gevra of die Babalela nie wil kom kyk na al die boeke nie … Die Babalela het ja gesê!

 

16:00

Die Baanbrekers

Marco Botha

PLEK: Room 1.42

Marco Botha, skrywer van Die Baanbrekers / Coach, ondersoek die denke, persoonlikheid en suksesse van sommige van Suid-Afrika se topafrigters. Onder hulle tel Heyneke Meyer, Ian Schwartz, Sherylle Calder, Brendan Venter, Paul Treu, Paddy Upton en Gary Kirsten. Sluit gerus aan by ’n gesprek tussen hom en van hierdie indrukwekkende sportlui.

* * *

Ek kan, terloops, nie verantwoordelikheid aanvaar vir veranderinge nie, ek probeer bloot help. Kontak liewer die organiseerders as julle meer wil weet.