by

Silwermynwaterval

Augustus 24, 2014 in Uncategorized

Na ’n lang en harde week, het ek en die geliefde besluit om ’n bietjie groen terapie te kry. Ons het gaan stap na Silwermyn se waterval toe. Anna en die Prinses is saam.

(Kliek op die foto’s om hulle groter te maak.)

 silvermine3

Die waterval loop sterk ná die reën.

Canon G12 1/4 f2.8 ISO640

silvermine4

Nog ’n kiekie.

Canon G12 1/2 f2.8 ISO250

Julle sal sien ek het nie my gewone kameras saamgeneem nie. Soms is dit net nie moontlik om die goeie kameras saam te neem nie, so ek het ’n tweedehandse mik-en-druk aangeskaf. Selfoonfoto’s is net nie goed genoeg nie en met ’n klein kameratjie kan jy steeds beheer neem.

Ek wou nie die water vries nie, so ek het die sluiterspoed so gestel om die lens baie lank oop te hou. Die klein kameratjies is baie lig en hulle het stabiliseerders. Ek het egter ook bome of klippe gebruik beweging verder te beperk.

silvermine5

Die Prinses op ’n eilandjie.

Canon G12 1/2 f2.8 ISO250 met die flits aan

Die flits hou haar redelik skerp, maar die water vloei steeds, want die lens was ’n halfsekonde lank oop.

Die belangrikste ding wat jy vir jouself kan leer doen is om NIE op outomaties te skiet nie. Speel rond, laat die kamera die meeste van die goed self doen, maar wees spesifiek met daardie goed wat saakmaak. Dit maak nie saak hoe groot of klein jou kamera is nie. Beheer dit.

silvermine7

Haar koninklike hoogheid.

Canon G12 1/80 f4.5 ISO250

Vir gesinskiekies is ’n klein kameratjie dikwels baie oulik en die gehalte meer as genoeg. As daar nie ’n groot kamera met ’n goeie lens by is nie, is só foto baie werd.

 silvermine8

Prinses, die geliefde en Anna.

Canon G12 1/80 f3.2 ISO250

3 antwoorde op Silwermynwaterval

  1. spokie het gesê op Augustus 24, 2014

    @izakdv
    Aaag – hoe lekker om jou taal te begin verstaan. Ek leer al aan my kamera-taal (alhoewel die Canon seker eers Des na my kant sal kom) Ek verstaan noual sluiterspoed, f-stop en ISO. Ek weet dus dat jou dromerige waterval (1ste foto) se sluiterspoed stadig moes gewees het. En Prinses se helderpienk is ‘n treffer teen donker agtergrond.

    • izakdv het gesê op Augustus 24, 2014

      @spokie, bravo. Dis presies hoekom ek dit doen. Ek het geweldig baie geleer by fotograwe wat bereid was om hulle kennis te deel, nou probeer ek ook ander aanmoedig om te waag.

  2. Dis pragtige foto’s en Prinses lyk soos ‘n ware prinses!

Los ’n antwoord vir perdebytjie. Kanselleer antwoord

Jou e-posadres sal nie gepubliseer word nie. Vereiste velde word aangedui as *.