by

En die debuutskrywer is …

Februarie 24, 2011 in Sonder kategorie

 

Reney Warrington.

 

Ek het haar vanoggend ontmoet en formeel die kontrakte oorhandig, sy glimlag steeds soos die Cheshire Cat.

 

Julle kan haar blog hier lees.

 

Haar filmresensies verskyn ook op LitNet onder die naam Reeltime.

 

As julle wil sien hoe sy lyk en wil weet hoekom hierdie stunning boek op haar toenmalige Engelsonnie se tafel gaan beland, kliek hier.

 

Die roman sal eers oor ’n jaar op die rak wees, maar dit beteken julle kan solank R20 per maand spaar – dan koop julle dit wanneer haar storie in die winkels is. Dis die moeite werd!

 

Kan ek julle die storie agter die storie vertel?

 

Uitgewers sit altyd met ’n “slush pile” – dis ’n enorme hoop manuskripte waardeur ons moet werk. Wel, ek het hierdie een van die slush pile af opgetel en begin lees. Toe lees dit lekker en ek chuck dit in my rugsak.

 

Daardie aand moes ek en my seun op die skoolgronde gaan tent opslaan, so, terwyl knapie speel, sit pa rustig met ’n flits en ’n bottel rooiwyn en lees. Hoe verder ek lees, hoe meer raak ek opgewonde oor hierdie uitsonderlike vertelling.

 

Teen die einde was daar net een uitweg en ek het onmiddellik die res van die span genader en gesê: Hier is ’n nuwe stem wat smeek om uitgegee te word!

 

Net om seker te maak die rooiwyn het nie te veel gepraat nie, gee ek die manuskrip toe vir my geliefde om ook te lees. Sy suffer nie fools nie en sal maklik ’n boek eenkant toe stoot as dit haar verveel. Sy het so lekker gelees dat sy nie daardie aand saam met my wou fliek nie. Reney se boek het gemaak dat ek alleen gefliek het, die geliefde het net gelees en gelees tot sy klaar was.

 

Wys jou – nuwe stemme word steeds ontdek deur goeie uitgewers!

16 antwoorde op En die debuutskrywer is …

  1. Wow! Ek het saam met haar geswot destyds en is nou ‘n klein bietjie jaloers, hehe!

    Goed gaan, Izak.

  2. dis lekker om iemand se suksesverhaal te hoor.

  3. sjoe, selfs jou storie oor haar storie, is ‘n mooi storie…

  4. Izakdv het gesê op Februarie 24, 2011

    Berwick, jy’t ook dinge in jou wat eendag kan werk.

  5. Izakdv het gesê op Februarie 24, 2011

    dis lekker om dit te deel!

  6. Izakdv het gesê op Februarie 24, 2011

    dankie!

  7. Dit is sommer great. Na jou vertelling sien ek sommer dubbeld uit!

  8. Jy het ons omtrent nuuskierig gehad.

  9. Gelukkig vir skrywer dat jy daar was!

  10. Uiteindelik! Ek het juis gister weer kom loer of is die kat al uit die sak!
    Geluk Reney!!!!!

  11. Izakdv het gesê op Februarie 25, 2011

    dis great!

  12. Izakdv het gesê op Februarie 25, 2011

    Ek is bly – sy verdien elke ra-ra-oomblik.

  13. Izakdv het gesê op Februarie 25, 2011

    Gelukkig vir my dat sy daar was!

  14. Izakdv het gesê op Februarie 25, 2011

    Lekker, nie waar nie?

  15. Dit is ja!

  16. Vir iemand soos ek wat ook drome droom is dit ‘n lekker storie om te hoor. Sien uit na die boek. Baie geluk Reney.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.