Dankie Mamma!

Maart 26, 2008 in Sonder kategorie

Halo al my Blog maatjies!!!

My Ma het hierdie gebed vir my gefaks, en ek deel dit graag met julle.

Lekker dag

Silly

                   Ek laai my kinders op U trein Here

Ek is so moeg van wakkerlê en wroeg

My hart is gebreek oor my kinders se seer,

Toe hulle klein was,

Kon ek hulle teen my vasdruk as hulle seerkry

En pleisters en spoeg aansmeer –

Totdat hulle weer lag.

Nou is hulle groot en hulle seerkry is anders.

Ek kan hulle nie meer vasdruk nie.

Ek voel magteloos.

Ek kan niks meer vir hulle doen nie.

Ek kan maar net vir hulle bid, en hulle aan U opdra.

Groot Kondukteur,

Ek laai hulle vanoggend op U trein.

Neem hulle asseblief saam met U op reis.

Laat my rustig aanvaar dat ek nie meer kan saamgaan

En neem sommer my bagasie van skuldgevoelens,

waaraan ek so swaar dra, ook met U saam.

Ek dank U dat U hulle eintlike Vader is, hulle Bloedpa.

Dit omdat hulle oudste broer, U seun,

Hulle met Sy bloed gekoop het.

Lig U hande seënend oor my kinders, H e r e J e s u s,

En laat hulle opkyk na die Hande wat hulle seën.

Laat hulle hul name, onuitwisbaar gegraveer, sien in U handpalms,

En laat U bloed wat daaruit vloei, wat hulle reinig van alle – ja,

Regtig, alle – sonde.

Groot Kondukteur,

Ek wuif vir hulle terwyl U met hulle verder op hulle

Lewensreis vertrek.

Dankie tog, Here dat ek kan weet, U is hul Redder en ek dank U daarvoor!

Amen

Met Liefde Mamma

9 antwoorde op Dankie Mamma!

  1. hutton het gesê op Maart 26, 2008

    😉

  2. 🙂 Dankie

    Hoop jy het ‘n lekker dag

    hugs

  3. peet1 het gesê op Maart 26, 2008

    Dis mooi

  4. graansie het gesê op Maart 26, 2008

    Dis mooi!
    Jou ma is dam oulik.
    Ek het mail gestuur hoor 🙂

  5. mvw het gesê op Maart 26, 2008

    Jou ma is werklik baie oulik. Dit is pragtig! Lekker dag vir jou silly en dankie vir die gereelde e-pos, ek waardeer dit.

  6. Mooi
    Hugs
    Batty

  7. Magrietjie het gesê op Maart 27, 2008

    Pragtig ek gaan dit vir my dogter stuur.
    Dankie dat jy dit met ons deel.
    Blessings
    Magrietjie

  8. Cosmos het gesê op Maart 28, 2008

    Ek klim sommer ‘n bus en gaan kuier vir my ma. Dis pragtig

  9. graansie het gesê op Maart 28, 2008

    Haai! En hoekom so stil? Of is dit net die maandend goggas wat jou so besig hou? Hier self maar besig, en die stadige frigging blogs help ook nie veel nie. Ek kon gister by niemand uitkom nie.
    Hoop jy het lekker Vrydag en naweek!
    🙂

Laat 'n Antwoord

Jou e-posadres sal nie gepubliseer word nie.