O KOEK!

Mei 9, 2016 in Uncategorized

02c74b69-f34d-4422-b646-25f67cb73625

‘n Melktert wat ‘n wereldrekord kan wees, is op Wellington gebak, lees ek in DB: sowat 200 liter melk, 3m in deursnee. Op Coligny is ‘n kameelperd gebraai: 10 ton hout en 80 liter marinade.

Herinner my weer aan die vrugtekoek van Die Volksblad-Kunsmark op sy vyfde verjaardag op 2 Mei 1987 – amper 30 bewoë jare gelede. Op die foto word Mariette Brummer (4) en Elindi van Rensburg (5) verdwerg deur ‘n berg Kunsmark-koek. In daardie koek was 15 bottels brandewyn (geen tikfout nie). Hier is die volledige resep:

70 kg koekmengsel / 30 kg meelblom / 15 kg suiker / 60 dosyn eiers / 15 bottels brandewyn / 18 kilogram botter / 15 kilogram kersies /9 kilogram neute.

Die jare 80 was vir die Kunsmark ‘n goue dekade en sy vyfde verjaardag was ‘n feestelike dag in Koningspark, daar neffens die Vrystaat-stadion. Gade Tokkie was destyds die organiseerder. Sy en haar helpers het 5 000 porsies koek uitgedeel. (Elindi, die netjie met die vlegsels regs op die foto) is, terloops, ver gevorder met haar doktorale studies op Stellenbosch.)

2 antwoorde op O KOEK!

  1. Seepsteen het gesê op Mei 10, 2016

    Gedoriewaar Hans … 15 bottels

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.