by

BRIEF SEWENTIEN: MET LIEFDE OP MY VERJAARDAG (6)

Augustus 24, 2009 in Sonder kategorie

Ali: hoe bly is ek nie dat ons weer ontmoet het nie. Dat ek jou sensitiewe, kreatiewe, medemenslike stem deur jou briewe en oproepe en internetkuiers en – soms – van aangesig tot aangesig, teruggevind het.

Ek sien alles raak wat jy gee. Mooi woorde. Brood en druiwe en ritte tot by die see. Gaan loop op die sand met baie woorde of in gemaklike stiltes van oor ‘n leeftyd mekaar ken.

Jy is mooi omdat jy omgee en weer probeer en rou en oop en eerlik is. Dankie dat ons tot op die punt van oopmaak en vertrouas volwassenes naderby en nog nader kan groei en heel.

Ek wens vir jou net liefde – veral vir jouself: vir jou digterstong, jou kunstenaarsoog, jou fyne humor, die instrument van jou skerp, geslypte brein, en jou bereidwilligheid om sal aan ander se wonde te smeer, al isi jou eie salfpot soms tot op die droesem.

Kom kuier. Ek sal jou in my arms hou.

Jou vriend:

Johannes

*

Amanda: my dearest kind and caring friend who so suddenly disappeared to London. How glad I am that I can say that your support of a place to sleep in your front room and practical support when I was in desperate need of kindness and care, indeed paid off. I can now share with you functionality, wealth and health and the power of living life in its light, from the highest vibrations of love – having overcome layers and layers of the shadows of the self – therefore being more whole, more complete, more conscious and more grateful for friends like you.

Thank you

I wish for you just love:

Johannes

*

Marianne: my liewe, dansende, walsende, singende, laggende, r-rollende, handeklappende, dubbeld-vou-soos-jy-lag vriendin van ver af en tog naby en digby in my hart: dankie dat jy in my glo as elegant en oulik en mooi en gaaf en slim en dat jy my stem en humorsin en hart en verstand en lyf waardeer.

Dankie vir jou lag wat uit die rou aarde uitkruip en oopsing tot by die verste einderkim van die skoonste, oopste, innigste, eerste môrelig. Dankie vir saam met my knibbel en knaag aan paradyskossies, maar ook aan die voedsel van die siel. Dankie vir briefherinnering met prente van avokadopere en piesangs en grondboontjies en growwe, grof brode as geskenke toegewens op my pad, saam met juwele van mooi woorde en liefdevolle mense, wat ons altwee mildelik verdien.

Ek het jou nog steeds lief as my liewer as liewe vriendin.

Johannes

*

4 antwoorde op BRIEF SEWENTIEN: MET LIEFDE OP MY VERJAARDAG (6)

  1. katrina het gesê op Augustus 24, 2009

    Mooi!

  2. alispuy het gesê op Augustus 25, 2009

    Dankie. Stay tuned!

  3. Dis baie mooi!!!!

  4. alispuy het gesê op Augustus 28, 2009

    Só bly julle hou hiervan!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.