Izak gesels verder

Op Donderdag 3 Maart 2016 was ons in die Bonteheuwel om tannie Koelsoem Kamalie en tannie Flori Schrikker se boek, Kook saam Kaaps, bekend te stel.

Dit was ’n feestelike geleentheid, saam met Amore Bekker wat haar onderhoud met die tannies direk uitgesaai het. Soos gewoonlik was Amore wonderlik.

So lyk die tegniese span wat alles reg laat verloop het

Japie Gouws, die uitvoerende direkteur van die ATKV-Groep was baie nou gemoeid met die opdrag om die boek uit te gee. LitNet het vroeër berig oor wat Gouws in Bonteheuwel gesê het, klik hier om dit te lees.

Hendri Warricker, bemarkingshoof van LAPA Uitgewers

Amore

Tannie Flori en haar man saam met Amore.

In gesprek met tannie Koelsoem.

In gesprek met tannie Flori.

Tannie Koelsoem se seun Riaz het ook deelgeneem.

Tannie Flori is ’n baie gelowige Christen en tannie Koelsoem ’n baie gelowige Moslem. LAPA het gereël dat die pastoor, pastoor Samuel Africa  (links) en die imam, Sjeg Abduragmaan Alexander (regs) ook hulle steun aan die projek toesê.

Sjeg Abduragmaan het gesê ’n mens kan nie kos skei van God nie. Dit was vir hom ’n voorreg om saam met die pastoor op te tree.

Pastoor Africa het gesê Bonteheuwel is altyd om die verkeerde redes in die nuus. “Vandag weet mense daar is meer in Bonteheuwel. Kos bring mense bymekaar, ongeag agtergrond.” God het die twee tannies gekies om daardie boodskap te bring, het hy bygevoeg.

Flame Design het die boek uitgelê. Hier is die mense wat verantwoordelik is vir die mooi boek.

Tannie Flori saam met Tania de Kock, hulle uitgewer by LAPA.

Japie Gouws saam met tannie Flori

Danny Titus, Uitvoerende direkteur: kultuur by die ATKV was ook daar. Hier is hy by tannie Koelsoem.

Carlyn Fransman, van ATKV-Crescendo, het opgetree.

Whaden Johannes, ook van ATKV-Crescendo, was ook deel van die vermaak.

Hemelbesem natuurlik ook.

Herman Bailey (regs) is op die ATKV-direksie.  Hier is hy en sy gade saam met Hemelbesem.

Tannie Koelsoem saam met haar familie.

Tannie Flori doen ’n onderhoud met Radio Tygerberg.

Tannie Flori praat met die SABC.

Tannie Koelsoem praat met die SABC.

Soraya Salie van die Bonteheuwel Walking Ladies.

’n Gas blaai deur Kook saam Kaaps.

Nog gaste wat die boek bekyk.

Die rapper YOMA was ook daar.

Cheraldine van der Merwe, van die Vriende van Afrikaans, en Karien Britz, bestuurder: taalaangeleenthede by die ATKV, poseer met Amore.

Toe is daar geëet.

Kook saam Kaaps, deur Koelsoem Kamalie en Flori Schrikker, is by LAPA Uitgewers uitgegee. Klik hier vir meer inligting.