by

Leonard Cohen – Old Ideas (2012)

Februarie 7, 2012 in Sonder kategorie


Hy het broos geword, hier in die wilde jare sedert 2005. Jare waarin hy homself uit sy bankrotskap (weens die diefstal van sy voormalige bestuurder) moes lig met ‘n nimmereindigende reeks konserte. Ons het die plesier daarvan op DVD en CD beleef. En altyddeur het mens bly wonder, het hy nog die gawe om iets nuuts te maak, iets te skep wat jou rou senuwees gaan aanraak, soos daardie heel eerste toe jy “Suzanne” gehoor het?

 

Dit gee my geweldige plesier om te kan sê Leonard Cohen het dít nog. Sy stem het nog donkerder geword, nog rustiger. Hy sing nie soseer nie, hy praat op ‘n galop. Maar vergete is die elektroniese geplonk van Dear Heather, en terug is die akoestiese bak.

 

Daar’s ‘n klomp liedjies op Old Ideas wat mens van die eerste oomblik af aangryp. Hy begin weliswaar met ‘n humoristiese liedjie, “Going Home”, waarop hy homself ‘n bietjie opstuur.

 

Maar teen die tyd dat hy by “Darkness” kom, weet jy die bitter heerlikheid is oorheersend:

 

I’ve got no future

I know my days are few

The present’s not that pleasant

Just a lot of things to do

I thought the past would last me

But the darkness got there too.

 

Jy wonder nog of hy regtig alles nog diep binne voel, dan slaan hy jou met “Anyhow”,

 

 

Have mercy on me, baby. After all, I did confess,

Even though you have to hate me, could you hate me less?

 

Jy raak rustig, en dan kom die album se groot snit, “Crazy to love you”:

 

Sometimes I’d head for the highway

I’m old and the mirrors don’t lie

But crazy has places to hide in

That are deeper than any goodbye

 

Leonard Cohen is terug, vir nog ‘n rukkie. Old Ideas sal hom baie lank oorleef.

 

 

 

 

11 antwoorde op Leonard Cohen – Old Ideas (2012)

  1. Leonard gaan ons almal lank oorleef.
    “Lullaby” is ‘n meloncholie deurweekte meesterstuk.
    This is better than any goodbye!

  2. frandr het gesê op Februarie 7, 2012

    Dankie, Kerneels! Dis soooo mooi…

  3. I am a fan!!

  4. Ek het die voorreg gehad om hom in lewende lywe te sien in Ierland.
    By verre een van die beste ervarings van my lewe!

  5. Ek haat jou met n passie.

  6. Omdat ek vir Leonard Cohen Live gesien het, of sommer net?

  7. Wel sommer net oor jy vir Cohen live gesien het.

  8. In daardie geval is dit heeltemal geregverdig.
    Dit was regtig ‘n ongelooflike show. Op sy ouderdom het hy vir amper 3 ure sy gehoor betower. Nie soos ons Suid Afrikaanse “sterre” wat vir 45 minute op die verhoog is en ‘n astronomiese bedrag vra nie.

  9. OK in fairness. COhen charge baie meer as local ouens. Vir daai vertoning sou hy so ‘n miljoen rand gekry het. Maar ja hy verdien dit. EK het die video gesien. Wat my opgeval het was sy nederigheid. Dit mag alles ‘n act wees, maar ek verkies om te glo dat dit eg is.

  10. Gerda2 het gesê op Februarie 16, 2012

    Johan, sy nederigheid is absoluut eg. Dit is hoe hy is. Lees bietjie op die leonardcohenforum wat sê sy assistent, Kezban Özcan, ‘n Turkse meisie. Sy sê die mees uitstaande eienskap van hierdie man is sy “kindness”, elke dag, teenoor almal wat hy teëkom.

    Wat die nuwe album betref, ek het myne vandag ontvang. Met die eerste luister besef ek hy is nou regtig ‘n ou man, maar daar is steeds oneindige diepte in sy lirieke, en ook humor te midde van die donkerheid, hoop ten spyte van die “last defeat” wat op ons almal wag, soos hy dit onlangs gestel het.

    Wens ek kon hom ook live gesien het.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.