CM

Die meeste mense leer nooit dat daar bewyse is dat dit wat hulle glo nie waar is nie.

Die doel van ‘n mens se bestaan is om te lewe.

Die dinge wat ‘n mens glo ontneem hom van alles wat hy is.

Daar kan uitgeklim word uit die geskrifte van die verlede. Almal is verouderd. Kyk van buite.

Ons onontwikkelde voorgangers het die mensdom verstandelik in ‘n gat van sonde gevestig, ‘n gat wat nooit bestaan het nie. Lewe was eintlik nog altyd buite die gat.

Dit verg meer as woorde om te bewys wat waar is.

Die ophef wat van woorde en lees gemaak word, is eintlik maar ‘n liegstorie. Die boeke op die rakke is hoofsaaklik fiksie en versinsels. Onsin is vir die meeste mense belangrik en mooi.

Dit verg jare se studie vir iemand om te leer om voor te gee dat hy nie weet wat hy lees nie.

“The Scientific Revolution has not been a revolution of knowledge. It has been above all a revolution of ignorance.” Y N Harari in Sapiens.

Die erkenning van onkunde is steeds in stryd met ‘n grondelose verwaandheid.

Die probleem met kennis is die ontdekking dat diegene wat jy graag glo nie weet wat waar is nie.