Blikskottel se plek

Wel sover was ons Namibia vakansie heel skaflik. Dinge tussen my en vroulief het so met tyd net beter geraak…seker ook maar omdat ons in die kar was oor lang tye en lang afstande. Ons spandeer maar min tyd by mekaar vanwee my werk, so die ding was regtig ‘n challenge.

Vanaand is ons laaste aan in Swakopmund en more ry ons Winhoek toe waar ons nog twee aande gaan oorstaan en dan is ons oppad huistoe. Een ding het ons agtergekom en dit is dat die lotte hierso op Swakop maar donners ongeskik en kortaf is. Die vriendelikes is daar ook, maar hulle bleik min te wees. Die restaurante vind ek ook  duur met swak waarde vir geld, of dalk kies ons net verkeerd. Die Jetty ene was darem heel skaflik en ons kos was puik en genoeg. R71 vir een klein stukkie lasanja by die plek met 22 in sy naam was verregaande…verseker gan Tripadvisor hoor en een kakkerige rapport kry vir hulle.

Ek plaas maar so paar fotos:

Sossusvlei

My vrou maak toe my vakansie deur sommer reguit saam met my Namibia toe te vlieg. So, hier is ons nou in Windhoek. Ons bly altyd eers so ‘n dag of wat op een plek om grond te vat en hierso gebruik ons maar die tyd om die plek te verken. Windhoek is skoon, dis een ding wat ek dadelik kon opmerk. Nog its was dat alaml Afrikaans of Duits praat. Selfs die wat Ingels inval slaan dadelik oor as hulle hoor ons is Afrikaans.

Ook opmerklik is dat dit moer droeg is hierso. Die botaniese tuin was een groot teleurstelling, selfs die aalwyne vrek en val om van droogte. Die nasionale museum sal ek nie eers adverteer as ek die regering is nie. Die Transnamib museum by die stasie was egter ons besoek werd. Die plek werk goed en bied baie inligting en raai wie beheer dit? ‘n Duitser, dus geen wonder dit gaan beter as met baie ander plekke nie.

Raai gerus watse plant is dit die?

Wel uiteindelik het die laaste dag van my 6 weke werkstrippie aangebreek. 6 weke is nie ‘n grap op see nie, maar die keer was dinge darem redelik normaal en het ons geen groot probleme ervaar nie.

Die visse het ook mooi saamgespeel en ek kon darem my liefde vir visvang vir ‘n slag tenvolle uitoefen, iets wat nooit tuis gebeur nie. As ek tuis is, is daar net teveel dinge wat my aandag verg.

More oggend vlieg ek eers per helikopter na Soyo, dan met vaste vlerk na Launda waar ek een nag in ‘n hotel moet oorbly. Die volgende dag SAA tot op Johannesburg, weer een nag oorslaap om die volgende more vroeg Namibia toe te vlieg vir 3 weke vakansie. Al wat ek nognie weet nie is wanneer presies my vrou by my gaan aansluit. Hopelik hang har lus om by my te wees ook uit, he he he

My dogter het haar bestuurders lisensie ook gekry, sommer met die eerste probeer slag. Die hoor van dit het my net weereens laat besef dat ons bab nou groot is en een van die dae uit die nes is…..dis nie die heel lekkerste gevoel nie, maar ook nie sleg nie.

Sal pos uit Namibia, hopelik met paar mooi fodies ook.