Blikskottel se plek

Ek en vroulief het Woensdag aan die “Riders from the storm” musiek aanbieding gaan kyk by Aardflop. Sal verduidelik hoekom flop…daar was geen musiek tussen die stalletjies nie en mens moes maar sit en jou duur kos afwurg sonder enige vermaak. Die hekgelde was ook moer hoog wat verseker baie mense verhoed het om iets by die stalletjies aan te skaf. Ek is seker van die oormaat kos stalletjies het baie ouens ook geen of min wins gemaak nie.

Die aanbieding wat ons gaan kyk het was fantasties. Daar is darem niks soos regte musikante wat goeie musiek speel en sing nie.Hier is so fotos was ek geneem het. Sal later ook fotos plaas van die Saterdag aan se Afrikaanse konsert en kommentaar lewer oor dit.

Wel, vroulief moes geld spandeer vir belasting doel eindes en so is ons toe vir ‘n paar dae weg na Kwa-maritane toe in die Pilansberg natuur reservaat.

Dis ‘n vier ster lodge en heel aangenaam, behalwe dat dit moer duur is. R20 rand vir 1l bottel water is mos niks anders as roof nie.

Gelukkig kon ek darem lekker fotos neem van die diere, alhoewel ek dink daar is nie soveel diere as wat mens sou verwag nie. Die veld is erg droog en dit speel seker ook ‘n groot rol.

Wel, my doggie se matriek afskeid het gekom en gegaan. Die rok was haar idee en Werner Day en sy het dit verder ontwikkel en dit sal nou deel wees van sy mode reeks…sover ek hoor.

Gister was ek besig met ‘n foto sessie en toe loop die ou hengelaar by ons verby…

Swart en wit koei op ons yskas.

Laat weet gerus wat jy dink van die….