Kaspaas

Ek kyk vanaand op TV hoe onmense vegterhonde teel en dan wetenskappe neem oor die uitslag. My hond byt jou hond dood en ek maak n duisend rand en ons altwee geniet die spektakel. Dis teen dit wet , maar die euwel word nie uitgeroei nie.

Ek stel voor plaaslike ordentlikheid of beskaafdheid amptenare wat voorkomend  optree. Nie sukkel met duur skuldigbevinding in n kriminele saak nie. Eienaars van vegtershonde  is op parool. Elke maand moet hulle n gesonde, letselvrye hond vir die hondebeskermer kom wys of n moerse boete betaal.

Ostrolop en Leghorn.  Soos Chev en Ford.  Jou hoener en jou kar.

My ouma was n Ostrolopvrou. Altyd so dertig pikswart henne gehad. Genoeg eiers en lekker groot en vet as slaghoenner. Een haan was genoeg en nodig vir die dertig. Kort kort sestien eiers afgestaan aan n broeis hen. As te veel nie uitbroei nie, word Haan geslag.

Die wit leghorns het glo beter gelê maar totentaal n verlies as n pothoener.

Kieeep, kiepkiep. Dan kloek hulle in n bonnel om ouma wat kos strooi. Miskien het julle ouma ge kiepkiepkiep.

Deesdae koop ons hoener in die supermark. Leghorn.

Ek wil n spelfout regstel . Kliek op edit. Stel reg. Soek ooral na iets om te klik dat ek tevrede is en dat die reggestelde blog weer moet verskyn. Kliek op verskeie plekke met belofte. Al wat verskyn is die oorspronklike blerts. Pluk vinger, asb wordpress.

plaas n kersfees stuk waar Sarah Brightman Pie Jesu preul.

Dankie, Eksi. Sy is pop mooi en die liedjie is mooi en ek is bly ek is ordinêr.

Sê nou maar ek was n ryk gladde Jan, dertig jaar oud en Sarah haak met my af.

Wat n ramp.

Sarah het miljoene aanhangers en bring vir hulle vreugde. Ek verkies my werklikheid. Dankie Eksi, vir die losstamp van hierdie gedagtes.

Die VSA het die afgelope jare elke maand 85 biljoen dollar geskep en daarmee verhoed dat die groot banke faal en die wêreld ekonomie wankel. Toe Mugabe geld gedruk het, was daar onbeheersde inflasie. Waar lê die veskil ?
Soos ek die saak verstaan is die Amerikaanse oseaan van geld skadeloos want die gewone mens is nie betrokke nie. Dis slegs die regtrek van banke en lande se boeke. Dis n skynwêreld van 20 jaar skuld. As daar iets oorbly, koop banke en pensioenfondse aandele op die wêreld se beurse, wat tans te hoog is maar steeds styg. Inflasie in die VSA bly onder 1 persent. Die Fed wil groei aanmoedig en hou die koste van  geleende geld op  minder as n kwart persent maar niemand produseer meer goedere nie , want die verbruikers en die werkloses het te min geld.

Op die boeke lyk dit sleg. Een persent van die mensdom beskik oor al die geld terwyl 99% van die mensdom beskeie moet leef. Verdeel gelyker  lyk logies , maar dan moet jy fyntrap of jy kry Mugabe inflasie.

As daar n wêreldstaat was, kan mens aan moontlikhede dink hoe die berg van geskepte geld beter aangewend kan word. Gestel elke mens op aarde kry maandeliks 1000 dollar  (R8500) pasella, dan bly daar nog 11 maal soveel  van die VSA se geskepde stimulasie geld oor .  As die verbruiker wêreldwyd elke maand sy 1000 dollar gebruik om klere, yskaste, rekenaars , lugtyd ens. te koop kom die ekonomie weer op dreef, en werkloosheid daal.

Wonder julle ook waarom daar nie inflasie is met soveel geskepte geld nie ?Julle is te slim om te dink dat 1% van die mensdom werklik betrokke is by n komplot om waansinnig in n see van geld te versmoor, terwyl 699 miljoen mense uitgebuit word , nê.

Seks is gevaarlik vir ou omies wat Viagra gebruik,…………………………………………

Dink aan die fatsoenlikheid, broers.

.

Ek luister stomgeslaan na n vrou van groot musiek talent wat oor die radio praat. Sy bied elke maand n drie uur program aan vroeg  Sondagoggend.  Stomgeslaan oor die kwaliteit van haar tussenpraatjie.  n Sinnetjie oor die Slag van Bloedrivier. Al die kernfeite oor die ontstaan van Geloftedag. Die verandering na Versoeningsdag 1994. Wip dan oor na verskeie beroemde mense wat 15 Desember gebore is.   Een van Henry 8 se vroue, Jane Austen, en, en,en. Sluit af met Beethoven sodat n bekende stuk van hom hulde kan bring aan sy geboortenaars.

Groot begaafde korrelkoppe . Steve Jobs,Eugene Marais,Antjie Krog,  Verwoerd, Tutu, Mandela.

Sout en peper korrelkoppe . Joan Hambidge, Piet Croucamp, Max du Preez, Dan Roodt, Dawie Roodt.

Blog korrelkoppe  –  legio.

Viva  korrelkoppe ?

Daar steel Obama toe die show en slaan n magtige diplomatieke slag vir die VSA.

Die sameloop van alles. n (Half) Swart man , slim, trim en n orator , praat Engels in Afrika in die teenwoordigheid van Hollande se Franse ek-kolonies en die Groot Man van Sjina wat sal sukkel om Engels in Afrika met Mandaryns te vervang.

(Foeitog vir Bang Ki Moon van die VVO – die mannetjie se Engels is skaars verstaanbaar en n orator is hy nie.)

(Het ou George Bush die trippie gemaak om te sien hoe hulp aan Uganda weer gekoppel kan word aan daardie land se afsweer van die gebruik van kondome.Bush se Christene sien kondoomgebruik mos as onbybels.)

En toe kry die Volk tog hul dosis Soapie met Obama en die stunning blond van Denemarke en Mevrou se toorn. (Is stofpoeper Sarkozy en sy l-a-a-ng blonde steeds n item ?)

Weg met alle onredelike, krenkende, diskrimenerende gebruike. So praat moderne mense mos. Ek ook.

Weg met apart sit van vroue en mans in sinagoges. Weg met die burkha. Weg met klitorektomie in Afrika.

Nee, sê die meer korrektes. Wees verdraagsaam. Univeriteite in die UK moet mans en vroue apart laat sit om Islam nie in die gesig  vat nie.

Wat dink julle van die Universiteite in Pole wat in 1937 bepaal  het Jode moet apart sit,( sodat die benepe professors hulle slegs met die nie-Jode kon bemoei.)

Hopelik word alle fundamentaliste uit eie geledere uitgelag en uitgewys. Soos daai jong meisie wat die Taliban bloednuis slaan omdat hulle haar in die kop geskiet het.

Ons verligtes moet oppas ons word nie voorskriftelik nie. Los dit vir die verstardes. Vertrou in gesonde verstand en lig wat vanself daal.

Mag ek julle geduld weereens vra : plaasmoorde – wat is die feite en die oplossing ?

Onthou kontreiverskille. Karen (Brynard?) skryf oor die onmoontlikheid om n uitgestrekte skaapplaas te beveilig. Hier sal Twaksak se dorpies nie werk nie, want die boer se skape sal vinniger gesteel word met die oppasser snags in n dorpie .

In Israel bou die staat mure van beton 5 meter hoog  sodat Jode beskerm kan word.Dit kos miljoene dollar maar is tog haalbaar want die Joodse nedersettings is kompak.Hier is dit gladnie n opsie nie, maar Steve sal aanhou aandring op Staatsbeskerming want die martelaarkaart is al wat hy het.

Om Tzaneen was daar klein wit  plasies maar die swart bevolking was so dig en arm dat die oes gesteel is vir enkelaiastalletjies langs die pad. My ma moes haar plasie verkoop twintig jaar voor die ANC aan bewind gekom het. Groot -Vrugte- Kwekers kon staande bly met massiewe heinings en wagte.

Waar daar vroe”er met beeste op groot plase geboer was ,is daar nou wildplase vir toeriste. Groot plaas eienaars het ook met mense begin boer, waar die Boer 99% onderverhuur het aan landelike  swart plakkers. Hierdie boere het verouder op plotjies  vir hulself uitgehou , dus huurbase met huurgeld onder die matras soos Twaksak vermoed. Omring deur werklose armes is dit vra vir moeilikheid. Selfs die maplotters van destyds het verklein en is deesdae met swart huurders omring. Is  hierdie maplotters is te arm om op die dorp huur te betaal of om in n oue tehuis opgeneem te word ?

Honderd jaar gelede was Afrikaners landbouers en veeboere. Deesdae is 90%verstedelik en kan privaat beveiliging bekostig. Feitlik die hele Volk woeker  nou as entrepeneurs in die voorstede.

Steve praat van n homogene Volk wat uitgemoor staan te word. Daar is nie so n Volk nie. Ook nie n homogene groep wit landbouers of landgebruikers wat deur die Staat beveilig kan word nie. Die kommandostelsel se terugkeer is doodgebore want dit speel in Malema se hande en sal in n landelike bloedbad ontaard.

As Steve dit kan insien, kan die arm  kwesbare Afrikaners deur hul taalgenote gehelp word om ook te verstedelik. Vir die wat op plotte wil bly, kry julle huurgeld met  n pantserwa opsigtelik in die bank en koop beskerming by die plaaslike gangsta baas. Of gee die huur as n versoeningsgebaar prys en trek as n gesin R5000 per maand toelaag van die Staat, net soos jul swart bure. Vernou die afgunsgaping.

Afrikaners kan afskuwelike moorde verminder deur na die feite te kyk. Steve help nie. Inteendeel. (Dis sy se fout dat ek julle weereens hiermee moes verveel)