Jy blaai in die argief vir 2013 November.

by Bruggie

Kersfees

November 29, 2013 in Uncategorized

Elke kersfees sing my koor kersliedjies gekoppel aan Nine Lessons. Ter wille van die gemeenste is die oorbekende liedjies geen uitdaging nie. Inteendeel .

Die gemeente geniet en die geleentheid is feestelik. Ek sal aanhou sing omdat eenkant sit en Scrooge nie n opsie is nie. Skud maar elke jaar die kop oor die storiejies in die Nine Lessons.

Google gerus hoe die Russe meesal gefaal het om n alternatief tot die kerk vir die mense te bied. n Gevestigde ryk kerk het oor die eeue geleer wat die mense bekoor. Gooi geloof by ,en die instelling stoom onverstoorbaar voort..

by Bruggie

Handicap

November 23, 2013 in Uncategorized

Voorgee is soms pret. Dis n uitdaging vir die vinnige ou om te wen as die vettetjie vorentoe wegspring. Met perdrenne is dit n instelling  anders wen die beste perd elke keer .

Nou kla ons oor BEE. Daar word verneuk. Daars genoeg slim , bekwame swartes .BEE is boonop onnodig .  As jou kleur of taalgroep of geloof vir vyftig jaar of meer aan bewind gaan bly,hoef jy nie kwotas in te stel nie. Sonder  wette suig jou groep eerste en langste aan alle staatspene. Selfs in die privaatsektor bevoordeel die politieke base sy mense  met kontrakte, lisensies en mynregte.

Alles waar.

Dis ook n feit dat miljoene swart stemmers dalk vir ewig gaan  swaarkry want die onderwys is swak en die agterstand groot. Ook n gegewe: Huigel politici wat kamptig sukkelstemmers wil ophef.

Wat troos ?

Die lewe is kort. (Dooies suffer nie)

As jy knap is en woeker , sal jy trots kan slaag ten spyte van.

Dus.  Moenie tyd mors deur teen die donnerweer te poep nie.Basta moan. Moenie jou folteraar beloon nie.

 

 

 

 

 

 

by Bruggie

Turksvy

November 20, 2013 in Uncategorized

Tronke . Goed of sleg ?Doeltreffend ? Afskikmiddel ?

Afskrikmiddel , ja vir dronkes wat nie die nag met pappa wil deurbring nie . Ook vir ryk boef sakemanne wat eerder n moerse boete sal betaal. Nee vir die res.

Eerder n uitkoms vir die werklose grypdief, die geestelik versteurdes, die siekes.

In die VSA besit groot private ondernemings 80% (?) van die tronke en konkel vir langer tronkstraf sodat hulle vol kan bly en meer wins toon.

Tronke is duur. Gebruik liewer die geld om misdaad te voorkom. Befonds gesonde groepsdruk. (Sport, kore, werkswinkels, en ja, verdomp, kerkpret.) Befonds wortel eerder as lat.

Wees minder besorg oor reg op privaatheid. Gebruik die onuitputlike digitale wolk om almal se (wan)gedrag op rekord te plaas, soos wanbetalers alreeds op swartlyste verskyn. Dis nou vir jou n effektiewe afskrikmiddel. En goedkoop.

 

 

by Bruggie

Skeef ?

November 15, 2013 in Uncategorized

Die Engelse enkelseks skooltradisie is ooral in die Empire gevestig. Destyds op Boys High was al die onderwysers mans en op Girls High  almal vroue. Afrikaanse skole het dikwels die patroon gevolg. Deesdae is nuutgestigde skole se seuns en dogters saam. Ek weet van geen van die ou enkelseks skole wat oorgeskakel het nie.

n Goeie wiskunde onderwyseres kon op n seunsskool in pos kry selfs al was die van Foch. Miskien het dit gehelp as die aansoeker 50 kg oorgewig was met n beduidenis van n snor en n grys bolla. Die galoppende hormoon probleem moes glo in ag geneem word.

Ek wonder hoe voel jong ouers oor hierdie oorblyfsel van Viktoriaanse denke.

 

by Bruggie

Klein stront

November 14, 2013 in Uncategorized

Dit was nou ek.

Pretoria Boys’ High is en was n gesogte skool. Kinders van Old Boys kry voorkeur in die drie koshuise. Hulle was vol toe my enkelma n briefie aan die skool rig . Ek beland toe by n wonderlike gesin as loseerder en behartig my eie skool- en klavierles sake vir die volgende vyf jaar.

Na n jaar begin my Latynpunte daal. Ewe kontant, in die middel van die kwartaal, gaan sien ek die hoof en vra om eerder Aardrykskunde te swat. Na n maand is ek weer by die hoof. Mag ek asb. by die jonger aardrykskunde onnie inskakel. Die senior ou fossiel maak volgens my droog. Ewe diplomaties skud die hoof kop. Senior fossiele word nie in die gesig gevat nie. Die wyse onderwysman het seker geweet dat n kind wat wil leer met goeie teksboeke en ou eksamenvrae wel die mas sal opkom.

Heerlike jare tussen die souties waar ook n Afrikaanse leerlingtoespraak n tradisie is met die jaarlikse Totsiens Byeenkoms.

 

 

 

by Bruggie

Werp lig asb.

November 13, 2013 in Uncategorized

Bakkies Botha. Vanwaar die Bakkies. Die man is tog nie lelik nie. Dis nie sy bakkies wat vrees in boesem nie, dis sy ystervuis en no 15 stewel.

Waars slot fabriek ouboet wanneer mens hom nodig het.

by Bruggie

Wreed

November 13, 2013 in Uncategorized

Ter aansluiting by Gilliomee se een groep wat nie op gelyke voet met n knapper groep kan mee ding nie, n paar los gedagtes oor die sake wêreld. Dis glo ongenaakbaar.  Hond eet  hond.  Onderduims as dit moet  om jou teenstander uit te roei. Politieke invloed en hulp is dikwels deurslaggewend.

Anton Rupert, Albert Wessels, Louis Luyt, Christo Wiesse,  Sanlam,Volkskas, Gencor,in vennootskap met die Regering en Broederbond het  Afrikanersake laat bloei.

Patrice Motsepe, Rhamaphosa, honderd duisende ander floreer onder die ANC. Tenderpreneur is die gons woord.

Oor die algemeen het Afrikaners die verlies van regeringshulp oorleef. Baie kon aanpas en selfs in die wrede sake wêreld staande bly. Baie het vaardighede wat ooral in aanvraag is.

Die wêreld het Apartheid bruut verwyder, maar met n demokatriese bestel is die Weste beperk tot diplomatieke druk sterk  getemper deur Sjinese teendruk. Die ANC of erger is ons voorland.

Daarom is ons demokrasie n klip-in-die maag wat ons kan versuip. Ons het staatsmanne nodig maar demokrasie lewer meerendeels die Zuma kaliber politikus.

Hopelik gaan ons Titanic nie die ysberg tref nie want wakker ( wit?) tegnici  aanboord gebruik radar. Die duisende in steerage beur na die luukses van eerste klas maar almal aan boord  juig as die ysberg vermy word.

(Terloops , die meeste Wittes reis steeds eerste klas.Steerage is kak  maar nie onleefbaar nie. Vier werklose arm blankes per gesin in steerage trek saam  R5000 per maand staatstoelae. Pay day loop die Klippies breed .)

Demokrasie beteken BEE gaan vir ewig met ons wees. .

Selfs goor demokrasie is beter as Syrie” . Smaail  mense en hou die Titanic vlot.

 

 

 

by Bruggie

Gilliomee

November 12, 2013 in Uncategorized

herinner aan die ooreenkomste tussen Mzanze en Malaya. Om julle google te spaar hiers n opsomming.

n Sjinese minderheid (30%) oorheers die ekonomie saam met n Indie”r minderheid (8%) maar met die koms van demokrasie  besluit die leiers dat daar ekonomiese bemagtiging vir die Muslim meerderheid moet wees.

Die Muslim party se elite word ryk en gebruik die arm massas as stemvee. Knap Sjinese en Indiers emigreer na Singapoer.

Lees gerus Gilliomee se volledige artikel wat Saterdag 9 November in die Burger verskyn het, of google affirmative action , Malaya.

by Bruggie

Tot die dood ons skei

November 10, 2013 in Uncategorized

Eens op n tyd was daar n twee dogtertjies (susters) in Pinelands. Altwee kon mooi sing. Die een trou jonk, die ander een eers op vyftig, met die skoolhoof van die laerskool waar sy onderwyseres was.

Die skoolhoof se groot liefde by wie hy kinders gehad het, los hom toe hy sestig word. Nadat hy herstel het, trou hy met sy singende personeellid wat as oujongnooi haar ma opgepas . Skoolhoof woon vir vyf jaar in skoonma se huis, maar toe ou tante oue versorgingsoord toe is, sit hy en sy bruid huis op naby Simonstad.

Die jare stap aan. Skoolhoof is nou 90  en oujongnooibruid 70. Sy versorg hom, want hy is sieklik en kinds.

Sy sprankel steeds want sy is lief vir sy kern, lieftallige self .

n Suksesverhaal, sou ek sê

 

by Bruggie

Sprokies en Verhale

November 5, 2013 in Uncategorized

Die mens vertel sprokies en verhale om sin te maak van die lewe en om menslike swakhede uit te beeld.

Aspoestertjie is mooier en voorbeeldiger as die ryk susters , maar sy word nie na die bal genooi nie.

Die Russe vertel van n slee-rit in die middel van die winter, in die nag , deur die nimmereindigende Russiese  woude. Getroue perde moet die familie veilig tuis bring Dan kom die oer Russiese nagmerrie – n trop honger wolwe haal die slee in. Perde word geslaan maar hulle word moe”er. Al genade is om die slee ligter te maak. Iemand moet afgegooi word sodat die wolwe kan vreet.

Red jou bas deur iemand vir die wolwe te gooi.

Snaaks hoe vroue altyd die wrede heks is wat kinders vang om vet te maak vir die pot.

Dikwels gaan die stories oor familie. (Die enkel ma en die outjie wat n wonderboontjie koop) Soms oor die sotheid van die heerser en die gedienstige volk , totdat die seuntjie uitroep Die Keiser is Kaal !

Ons sit graag aan n storie verteller se knie.