Kaspaas

Die ministrie van Gesondheid wil drankreklame afskaf want dis duur om die verminktes gesond te kry.

Sosiale welsyn tel die koste van staatkinders,stukkend geslaande vroue, wrak mense..

Pragmatiste  sê bestuur  want keer kan jy nie.  Kry n buddy beweging aan die gang sodat die slagting op die paaie verminder. Drank borg sport en bevorder nasiebou. Dink aan al die belasting wat ge-in word. Moenie mense in watte toedraai nie. Daar sal altyd genoeg verstandiges wees.Die lewe is rof. Ontvlugting is noodsaaklik.

Beperk  die skade en neuk voort.

 

 

Kwaliteit.

Dis wat ek dink van Geraamtes in n kas.

Gys de Villiers troon uit, maar hy moet op stelte staan. (Verskeie ander karakters boei groot)

Die musiek terapeut wannabee is ongeloofwaardig/ onwaarskynlik maar dra nogtans by tot die quirkiness.

Sprankelende pas. (Wie skryf die draaiboek ?Elke woord tel.)

Selfs julle wat die hele reeks al gesien het, mag saam praat.

Laat rol die opinies. Shoot from the hip.

Die Pinelands NG gemeente is 70 jaar gelede gestig en hulle het dit bly gevier vanoggend.

Die hoogtepunt sou wees die sing van Jerusalem. Donderdagaandoefening trap ek klei met my solo stukkie en die koorleier slaap sleg. Sondagoggend se oefening loop vlot. Almal smaail verlig en klop oom Ben op die rug.

Parkinsons. Dis die bewe -kwaal. My linkerhand bewe soms as ek sonder bril links uitstrek om te lees.

Lekker dramaties sing ek “En weer verander die toneel, n helder glans verskyn…maar toe ek loer na die volgende ree”l

stamp die ou duiwel Parkinson’s in rat . Die blad bewe . Ek sien niks. Paniek. Gryp die eerste woord en wat uitkom is :

“Ek SANG die heil’ge stad daar.

Blitsig word ou dywel se stert geknoop en die koor rond dawerend af.

Kom ons hoop ou man Kallis se oog sien gou ook weer skerp, Dan bly Faf en sy ritssluiter buite die dywel se bereik

Een lekker warm winteroggend l-a-a-n-k gelede laai twee onnies die boksers van Pieterburg Groot skool en Laer skool agter op n vyf ton lorrie, om op Louis Trichard interskool te gaan veg. Ek’s tien jaar oud en ry lekker koel saam, kaalvoet ge- frokkie en ge-short.

Skrik my gat of toe ek hoor my teenstander is n kampioen, maar  oorleef die drie rondes. Ons gevreesde Neander (3 jaar in std.8) moer toe nie sy man plat nie. Laatnag is alles klaar en ons klim lorrie vir huistoe.

Nou eers ontdek die twee onnies Bruggie het nie n tassie gepak nie. Gaan die bloedjie die koue oorleef in sy natgeswete frokkie ?

Seker tog , want hier vertel ek mos.

besorg n man-wat-weet-hoe en sy handlangers op my dak.

Die kenner moet konsentreer en raakvat maar die dag is lank.

Daarom moet n handlanger interessant kan praat.

Ek hoor hoe  lang stories opdroog. Die voordekker  por  dan met”En toe “.

Dit neem my 55 jaar terug toe ek self in die vakansies stene gelê het maar selfs met n dubbel, reguit muur nooit veel meer as 600 stene per dag kon haal nie. Daar was destyds beroemde kromrug manne wat 5000 kon wegpak,  met vyf geleerde  handlangers wat dagha gesprei het en een wat elke twee sekondes n steen in die snelbouer se hand gestop het.

Die spoed bouers het nie tyd gehad vir praatjies nie.

Daar was egter  n mankolieke Itliaanse omie wat gespesialiseer het in siersteen pilare.

Veel stadiger,met net een handlanger,  wat moes klets om die oubaas se verveling te verdryf.

As Johannes opdroog , kry hy die opdrag .

“Praat, Johannes !”

,

Daar’s probleme by die skaakklub. Ons moes met die Rondebosch bib onderhandel . En die goeie nuus is:

1. Die (baie) Xhosa -dames wat die skerms beman en boeke stempel , is gaaf en knap.

2. Die blonde middeljarige senior (vrou) is  steeds daar . Sy is steeds gaaf, knap en aanvaar as leier. (Nie opsy geskuif  nie)

3.  Die knap vroue het  verval  uitgeskakel. Duur kunsboeke word nie meer by die vensters uitgegooi om die verklikker te omseil nie. (Die vensters bly oop vir vars lug, maar staalnet hou die boeke binne)

4. Die toilette is skoon EN toeganglik. (n Moerse kontrepsie is aan die sleutel vas wat verloor en uitsmokkel bemoeilik) .

5. n Verskeidenheid wakker/skerp mense onner 40 berei vir eksamens voor.

6. Die personeel bestuur vier internet rekenaars waar n menigte hul beurt afwag

7. Die suur Afrikaanse omie  in sy swart pak klere ,  is weg. Hy het twee jaar gelede elke dag met oopmaaktyd.ingestorm en  ook die twee Engelse koerante onder sy Burger ingeskuif  om die Bergies van alle rasse te pê .    Ook gereeld n taktaaktjie aan my uitgedeel saam met die Burger wat van een witmens aan n ander besorg moes wees. Hoera, hy’s weg. (weg geraap en beloon vir sy stryd teen die ongewasdes ?)

Hierdie pragtige ou gebou was voorheen die Rondebosch stadsaal. Die wye houttrap van Burmese kiaat met sy glimmende kiaat ree”lings het waarskynlik wêreldwyd  kolonialers laat deel in  Britse beskawing en mag.

Kersie op die koek ? Agaat , Philida, Poppie ens.word groot uitgestal.    Duisende Afrikaanse liefdesverhale op tien meter rak.   Spesiaal vir Bruggie en n horde Bruin vroue. (Vyf honderd meter  rak vir Engelse boek/tydskrifte)

Hierdie bib vertel miskien van n bietjie Sonskyn vir Geknelde Land, ook vir Afrikaners,( veral met die wegraping van die traktaaktjie swartpakker.)

 

 

Ek is ge-puzzle. Was daar twee ?

Waardevol ?,…. beslis.   Talent ? ….by oormaat. Ontstuimig ?… miskien  ( Hoop sy is OK.)

Mag n sterk wind die gevalle Seder weer orent stoot.

My dogter wil met alle geweld die vleispotte van Nederland vir Utopie van lewe in die Kalahari verruil.Ja, die sterre is snags pragtig. Die jakkalse wat tjank oer mooi. Die leeus verbasend groot. Die gemsbok majesteus.Die duine geheimsinnig. Die vetplantjies verstommend. Misdaad min . (Plaasmoorde ?) En die mense praat mooi Afrikaans… MAAR !

Dis bedags vrek warm en snags tweezer koud. As die rooi stofwolke dae lank beweeg, as die diere van dors vrek as die agtergeblewenes gesuip rondlê, as die skooltjie sukkel met alkoholsindroom, as die koffie op raak en jy moet die vyf uur stofpad insit Kuruman toe. Ag nee fok dankie. (Selfs die Volksstaters hou 500 km oos)

Wat kan die Kalahari leefbaar maak ? Nou praat ons genoeg sonkrag opgewek vir lugverkoeling bedags en verhitting snags. Moerse skottel sodat mens per sateliet die beskawing via die internet kan invoer. n Private vliegtuigie om die stofpad uit te skakel. n Diep, sterk boorgat en n ondergrondse swembad, of raak ons nou te gulsig. Ja , met so n 20-40 miljoen , kan mens seker iewers so n oase skep. Maar dan is jou voorland Game Lodge en jy bedryf n hotel. Niks Kalahari bly vir die egte liefhebber oor nie.

Het ek die kat aan die stert beet ? Is die Kalaharilewe alreeds hemel op aarde ,ook vir die ornerie Joe. ? Met sy  skeefstaan sinkplaat vir skuiling en en n tjor wat slegs McYver aan die gang kan hou. Die soort bestaan wat my dogter-wat-skilder sal kan bekostig.

Kom ons hoor van die Kalahari-malles. (Ons praat woon, nie twee weke nie.)

 

 

n Facebooker vertel van die gedugte rottangswaaiers tot diep in die jare tagtig. (n Vrou vertel hoe n sadis verbeteringskoolmeisies geslaan het met “Sannie” nadat hulle n spesiale blommetjies broekie moes aantrek)                      n Hele generasie verskree deur die korporaals in die Army.

n Lelike  geweldstreep  in ons Afrikaner verlede. Donner alles reg. Hou jou bek, Pa praat.!

Elvis was die tiener uitlaatklep. Hormoonbelaaide tieners wat hul bekke moes hou. Hulle identifiseer met n die mompellirieke van Elvis. Met sy lyftaal. Met sy heupswaai. Hulle kreun saam “Don’t be cruel”. Skree uitbundig “Once threw a pardie in the county jail !”

Elvis, die bevryder !

 

het gister my bas gered in Pick n Pay.

Hierdie middeljarige vrou is die baas oor die tellers. Haar sleutel kanselleer foute.

Rondebosch se P&P is myle beter as Pinelands s’n. (En ook as die meeste ander landwyd. P& P gly glo die afgelope jare.)

Die Rondebosch P&P is n franchise en die eienaar moet beter diens lewer as die groter Checkers oorkant die straat. Sy staf iis flink en behulpsaam.

Toe my sake by die betaalpunt sloer, was die wakker ouma gou by om die toustaners na n minder besige teller te laat beweeg.. Soos hulle agter my verbyskuur, ruk iemand my rugkruisband  per ongeluk los. Die los, swaar Jean sak vinnig . Ek gryp vas en pluk op.

By die huis is dit nie n probleem nie. Ek trek vir jean uit en koppel die kruisband kaalgat.  Dit  was nie n opsie  in P&P nie.

Daar is dit toe ek en die vriendelike ouma. Herhaaldelik , want rugkruisbandkoppel is n kuns.

Dankie, ouma.