Jy blaai in die argief vir 2013 Junie.

by Bruggie

Wie gaan wen ?

Junie 8, 2013 in Uncategorized

Die sekulêre Weste is vry. In die Muslim wêreld is veral vroue onvry. Ons hoor van jong Muslim dogters wat deur hul pa’s vermoor word omdat hulle effens oor die tou getrap het en die familienaam onteer het. Die Koran vra vir bhurkas en skeiding van geslagte. Taboe om elke draai. Die Weste laat waai. Gun elke diertjie sy plesiertjie. Niemand mag toestemmende volwassenes iets verbied nie.( Sien vorige blog)

Ongelukkig leef  ons nou in die Global Village. Die Satan oorheersde Weste spoel met die internet die Muslimwêreld binne. Die Mullahs gooi wal .Sweep jong gelowiges op om namens Allah die heilge leefstyl te verdedig. Die internet plaas n paar fanatiese Mullahs in verbinding met volgelinge wat wanaangepas in die Weste hoor hulle moet Satan uitroei. Sny af die keel van n soldaat in London.

In Turkye regeer  gematigde Muslims goed. Die middelklas groei. Die groot, meer konserwatiewe Muslim werkersklas stemvee  dwing die regering om briek aan te draai met die sekularisasie. Groot onstuimigheid heers van Sirie” tot in Pakistan. Gooi in klomp konserwatiewe Jode in Israel in die pot plus skatryk olie Muslims plus n atoommoontheid of twee en dinge lyk lelik.

Nugter, sekulêre leiers  en wellewende bevryde middelklas Westerlinge haal die angel uit . Ek vermoed waar ekonomie” groei en armoede wyk , bedaar die stryd tussen Muslim en Christene in Afrika en tussen Protestante en Katolieke in Noord Ierland en soos die onderwysvlak styg, verloor die heilige boeke hul houvas.

Miskien is daar oor 100 jaar min fanate en baie sekulêre mense wat rustiger hul potjies krap.

by Bruggie

Jou broer se hoeder

Junie 8, 2013 in Uncategorized

Ek lees n onderhoud met die daarsteller van Bang with Friends (BWF). Die ou het n gaping gesien  –  skaam vriende/kennisse  wat lus is vir mekaar en anoniem en diskreet hul lus wil openbaar. BWF is n app wat dit moontlik maak.  Die gawe koppelaar word aan bande gelê . Die app is nou slegs op Apple beskikbaar.

Dit klink lekker/nuttig vir toestemmende volwassenes maar die Olifant in die kamer word nie bespreek nie.Hoekom was daar teenkanting. Hoekom is die app nou moeiliker toeganklik ?  Tog sekerlik die gevoel dat diskreeter, makliker  rondslapery gevestigde verhoudings bedreig.

Die internet is te rats vir die hoeders om BWF te smoor.

Ek kry die gevoel alles word so maklik dat selfs skelm seks sy opwinding gaan verloor. Seker maar ouman troos gedagtes.

by Bruggie

ekstremis ?

Junie 7, 2013 in Uncategorized

Jesus sê glo dis makliker vir n kameel om deur die oog van n naald te beweeg as vir n ryk man om in die hemel te kom.

Mag Christene hierdie duidelike uitspraak ignoreer ? Kom ons hoor van julle wat hier blog . G’n volstruis kop in die sand nie. Daars geen wikkelruimte nie.

Lekker om ongelowig met n  stok aan die perdebynes te tokkel. Wat gaan uitpeul ?