Kaspaas

Dis weer n beter grondwet blog .

Die hoofdoel is

1. n Twee partyselsel waar geen party langer as tien jaar regeer nie

2. Waar  venyn en sirkus sover moontlik beperk word.

Die twee hoofpartye word ruim en slegs deur die Staat befonds. Dit beperk korrupsie en skakel Guptafikasie uit.

1. Trek n lootjie om te bepaal watter Groot Party begin regeer. Vir n tien jaar  termyn.

2.  Na vyf jaar word die partye se gewildheid getoets maar die venyn word heeltemal uit die proses gehaal met n unieke beginsel van Less is More. Hoe minder stemme die regerende party trek , hoe meer tel dit in sy guns. Die regerende party se beste raad is om niks te doen om stemme te trek nie . Niemand baat by massa saamtrekke nie. Die hele proses duur minder as n week met n gewildheidpeiling na n rustige debat op TV. Gaap is gesond.

3. Temper die regeringsmag oor die laaste vyf jaar.     Hoe ?    Deur automaties tien maal soveel setels op alle vlakke aan die opposisie toe te ken. Nege uit tien regeringverteenwoordigers verloor automaties hul joppe.

Hoe regeer die regering  steeds lmet slegs 10% van die setels  ? Deur die regering se stemkrag per setel tien keer te vermeerder . Oor die twee vyf jaar verloor die regering ook  drasties mag  met die met toeken van kontrakte .

Less is More verander alles , ten goede , meen ek.

Na tien jaar kom die opposisie  automaties aan bewind.

 

Hoe langer n party regeer, hoe blatanter word die politici en die sakelui korrup. Tenderpreneurs om elke draai. Fluitjieblasers droog op omdat almal reken die party gaan vir ewig regeer.

Hoeveel loopbane is op die spel sou die ANC polities sneuwel ? 400 Volksraadslede, 4000 Metroraadslede, 40,000 dorpsraadslede ? Tel Cosatu en sy duisende vakbondposte by. Moenie van die Womens’ League en die Youth League vergeet nie. En al die honderde betrokke by Luthuli House en die geforseerde skepping van poste vir Kaders in die privaatsektor nie. Dan is daar die loopbane in die Staatsdiens- polisie generaals, weermaggeneraals, duisende poste in die onderwys en duisende by hospitale.

Dit sal n reuse stap vir die ANC wees om terwille van korrupsiebetryding en gesonde , gereelde wisseling van regerende party, toe te stem op maatree’ls wat  die ANC slegs vir tien jaar laat regeer met dan 10 jaar as opposisie.

n Stap soortgelyk aan die oorgawe van mag deur die Nasionale Party 18 jaar gelede.

All power corrupts and absolute power corrupts absoluitely. Dis so waar soos n koei. . Maar dis te veel gevra van die honderde duisende om hul loopbane op die spel te plaas. Daarom is die beste waarvoor ons kan hoop dat die grondwet bepaal dat al die begunstigdes na vyf jaar van die opposisie afhanklik word.

Wissel die maghebbers of stik in n korrupte moeras.

n Regerende Politieke party se mag moet moet deur n grondwet toenemend verminder word sodat die opposisie nooit langer as 10 jaar moet wag vir n regeer beurt nie.

As n mens buite die boks dink en bepaal dat as die  Regerende party na vyf jaar weer n verkiesing wen dan word sy aantal poste tienvoudig afgeskaal, maar elke raadslid se stemkrag elfvoudig opgeskaal.  Gestel landwyd kon die Regerende Party 5000 kaders met poste beloon. Wen hy n tweede verkiesing, beskik hy volgens die grondwet oor slegs 500 poste. 4500 kaders staan droe’bek. Hulle moet nou by die opposisie flikflooi vir n joppie  . Hulle het geen verdere belang by die regerende party se toekomstige verkiesingsukses nie

Die regerende party voer sy beleid steeds deur  want sy min raadslede se stemme is elk 11 stemme werd. Die opposisie  oorheers alle rade met  getalle en alhoewel hulle nie regeer nie ontplooi hulle tien maal soveel talent en salarisse. .

Veral op plaaslike vlak sal n tienvoudige vermeerdering van opposisie verteenwoordigers n geweldig impak hê. Veel meer beskikbare opposisie politici by wie die bevolking kan kla oor dienslewering en dan hoor hulle die boodskap: Stem volgende keer vir ons. Dan sal ons die mag hê om julle te help.

Ons grondwet is glo wonderlik, maar tog sit ons in n gemors. In n doodloopstraat. Kan ons nie ons grondwet verbeter  nie ?

Ons moet glo dat almal n gemors wil vermy. Ja, selfs die huidige ouens met hul snoete in die trog is tog seker bekommerd oor  volhoubaarheid.

Beding weer.  Ons het te hoog gemik voorheen. Kom ons skaal af. Hoe lyk dit met:

1.  n Professionele, onafhanklike doeltreffende (kleiner?) staatsdiens, sonder korrupsie, sonder kaderaanstellings wat flink diens moet lewer of topbestuur se koppe waai.

2. Geen vakbonde nie. Die grondwet bepaal dat loongapings moet krimp, lone moet saam met inflasie groei Arrogante, boeliebase moet vasgevat  word. n Onafhanklike liggaam monitor hierdie ideale sonder vakbonde.Hulle is te magtig en vertroebel die politiek.

3. Geen geheime befondsing van van politieke partye nie. Die staat befonds slegs twee partye. Kleiner partye kan bestaan maar hulle fondse  moet piepklein wees.

4. Bevoordeel die groot opposisie party sterk met meer befondsing en meer mediasteun sodat geen party langer as 10 jaar aan bewind bly nie.

5. Groei ten minste 3% vinniger as bevolkingsaanwas.Lê dit in die grondwet vas

6. Beperk  regstellende aksie tot die politiek. Swartes beset 100% van die prestige poste.Lê dit in die grondwet vas.( Wittes met politieke talent lewer n bydrae agter die skerms) Wittes  fassiliteer samewerking tussen die regering en die privaatsektor sodat groei kan plaasvind sonder rompslomp en korrupsie . Moedig n groeiende swart middelklas buite die politiek en staatsdiens aan. Swart politieke mag sonder ekonomiese opgang van swartes is gevaarlik.Bepaal dat minder as 20 % van die bevolking direk vir die staat mag werk. Beperk hiermee baantjies vir boeties en die mag van die politici. Swarte talent moet teen n flink tempo ontwikkel word buite die staatsdiens. .

Geld en propaganda is mag. Erken dit en ontwerp jou grondwet daarom heen.

Rou politiek gevaarlik. Verbied  massa saamtrekke en straatoptogte.

Kan so n grondwet ons red ?

 

Ek sien vanoggend n wêreldkaart wat land se rassesensitiewiteit aandui. Respondente was gevra of hulle gemaklik is met bure van n ander Ras.

Burgers van die VSA, Canada, Engeland, Skandinawie”, Brazil, Argentinie” en Australie” is die minste rasbewus, met minder as 5% wat skeef sou kyk.Indie” en Israel vaar die swakste.Meer as 40% sê liewer nie.

Suid Afrika vaar beter in die  5-10 % klas as Nigerie en Egipte (30-40 %)

Raai waar score Rusland , Sjina, en Frankryk.

Ek lees onlangs van n Amerikaner wat niks in gemeen het met vurige vuurwapen besitters nie. Hy pleit nogtans dat veel meer  wetsgehoorsame burgers opgelei moet word om vuurwapens verantwoordelik en dodelik te kan gebruik in noodsituasies.  Gewapende onderwysers , skoolhoofde, kantienpersoneel wat altyd n vuurwapen byderhand het en dodelik kan skiet, kan slagtings van kinders by skole verlaag deur die mal skieter dood te skiet. As veel meer wetsgehoorsame burgers altyd hul handwapens byderhand het, kan gewapende rowers  deur lede van die publiek dood geskiet word .

Amper iets soos Boy Scouts/ Girl Guides/Landsdiens. Die goeie mense oefen weekliks. Hulle dra miskien n uniform.Hulle is 24/7 binne sekondes paraat en altyd wapenbewus.Hulle beskerm die weerloses. Hoe meer wapens in die regte hande, hoe gesonder die gemeenskap , meen hy.

Australie” sê nee. Liewer geen wapens in private hande nie. Slegs die polisie skiet   in  uiterse gevalle . Goeie mense bied geen weerstand  teen gewapende rowers nie. Verseker liewer besittings.Verminder werkloosheid. Behandel dwelmafhanklikheid. Hou statistiek van die dooies , verminktes en getraumatiseerdes en bewys Australie” is n gesonder gemeenskap as die VSA..

Latino wys n video van n man wat in sy Jeep klim en sekondes later n gewapende kaper wat vlug van agter doodskiet. Slaap die Jeepman en  familie daarna gerus ? Die kaper se makkers of familie wil dalk wraak neem.

Elke man met n wapen is Wilde Weste/ Noord Ierland/ Sirie”. Gee my liewer Australie”.

Ek het groot respek vir Jusitice Mahlale se joernalistiek maar toe hy vandag die Universiteit van KwazuluNatal se besluit om Zulu verpligtend vir alle eerstjaars te maak toejuig.,was ek skepties.

Hoekom ? Eerstens die dwang. Wie kan Afrikaans/Soweto/1976 vergeet. Treurnicht hoogmoed.

Justice is n gawe ou. Hy leer doelbewus n paar frases in n vreemde taal aan om aansluiting te olie. Groet n ou in sy taal en hy’s jou vriend.Dit werk vir gawe ouens maar nie vir hooghartiges nie. Dan is dit neerbuigend.

Destyds was dit vir die Afrikaners bitter om agterstand te ervaar waar Engels oorheers het. Deesdae is almal minderhede wat hul eie taalvoorsprong binne eie groep geniet en Engels as n wêreldtaal gebruik om met ander minderhede wat ook miskien sukkel , te kommunikeer.

Kinders jonger as ses leer speel-speel vreemde tale by hul maatjies aan. Die meeste studente halfleer met moeite uit n boek.

Gedwonge Zulu/Sotho/Venda ens. op Universitieit ? Halfgebak dink ek.

Hiers ek terug op die lug, danksy julle.

Waarom glans sekeres voort en ander verdwyn ? Frik du Preez, Mannetjies Roux , Zola Budd, Gary Player weet almal nog van. Wat het geword van James Dalton, James Small, Kleintjie Grobler, Piet Visagie, Gerald Bosch , Piston van Wyk, Moaner van Heerden, Piet Greyling.

Daars twee soorte oorlewing in die natuur – min maar sterk en veilig in die bondel.

Leeus is min maar sterk. Miere, bye, sardyne, vinke, springkane oorleef as groep. Laat die predatore maar hap, daar bly genoeg oor.

Ek dink die mens neig na bondeloorlewing. Die bondel bepaal en vertroos. My groep bulondersteuners teen jou groep Stormerskreeuers. My kerk teenoor ander kerke. My taal teenoor ander tale. Kommunis teen Vrye Mark.   Werkers teenoor die Uitbuiters.

Met die internet ,  is dit groep teen groep.   Oorverdowend.