Kaspaas

Verlede Saterdagmiddag was daar amper n smêsh. Ses ou skakers en tien Grassy Park skakers daag op by die Claremont  klubhuis vir n inter-klub.  Toegang word geweier deur n groep kaartspelers. Die mammas hou basaar en  verkoop koek. Tieners en volwassenes speel nuwerwetse kaart en kleuters rol op die matvloer .

Gelukkig was dit n lieflike dag. n Paar tafels word uit gedra en daar speel die oues en die Grassy Parkers toe buite skaak. Huiglik en uniek.

Een van ons ou staatmakers was nie daar nie. Ou Max (98) is die afgelope maande aan sy bed gekluister met twee voltydse verpleeërs . Dieselle ou Max wat al vir tien jaar grap “I might be half deaf and half blind, but not half-witted.”

Twee weke gelede speel ek teen Max skaak by sy huis. Ek en die verpleeër help hom op n stoel.  Max wen die eerste spel en sowaar ook die tweede. Toe is sy go^ uit. en ek groet.

Woensdag is Max oorlede. Hy het glo graag vertel hoe hy sy ou pêl se loef afgesteek het.

Die grootte van Volksrade – wat is die geskikste en mees doeltreffende ?

In die Knesset sit n tiental partye wat ko-alisies moet vorm . In totaal so om en by 100 lede. Dieselfde in Holland ?  In die Congress in die VSA  sit by die vyfhonderd, verdeel in twee partye. Hier by ons 450 ? met die ANC n duisternis.

Hoeveel kos dit om 450 mense gereeld Kaap toe te vlieg en te huisves ? Kry die belastingbetaler waarde vir sy geld ?

Die funksies van n Volksraad (parlement) is om wette te maak , toesig te hou oor die uitvoerende gesag en om kiesers te verteenwwordig .

Ek stel voor n ultra klein Volksraad van 20 lede wat weekliks wissel.

Elke vyf jaar kies die volk en belangegroepe n poel van 10,000 politici/kundiges. Hierdie onbetaalde korps gaan aan met hul normale lewe maar ontvang  n agenda van nuwe wette en besonderhede van kabinetlede se verslae en planne.  As n lid van die Poel voel hy/sy het iets by te dra , dan  vra hulle om weer verkies te word. Kundiges stem vir die 20 beste kandidate en hulle dien vir daardie bepaalde saak as verteenwoordigers van die Volk.

Geen dooie hout en slapende stemvee met hierdie plan nie.

Is daar Afrikaners soos Archie ?

Wat dink julle ?

Ek verhuur n deel van my huis omskep in n woonstelletjie.  My enkel ma huurder  is uit en twee Nigerie”r mans is in.

Woeste huur kontrak is opgestel omdat Nigerie”rs so berug is.

Hulle is nog net n week hier maar hulle is al klaar anders as enige vorige huurders.

Donker oggend slaan hulle voet treinstasie toe en keer donker saans terug van hulle kraampie in Gugulethu.

Hulle verkoop genoeg parfuum om n stewige huur te kan bekostig. Hopelik.

Alreeds n groot verbetering op  n Afrikaanse paartjie wat net drie weke gebly het.  Dwelms het altwee in re-hab laat beland..

Ek raai die Nigerie”rs is twee hoogs Christen moffies . Daar tref hierdie ou ongelowige dit toe gelukkig uit n onverwagse oord wat droom huurders betref.

Tot dus ver.

Thatcher, die vrou wat stereotipes met grasie stukkend geskop het..

Hoed af vir die beteuterde Dennis ,  vaal n paar tree opsy .

FW de Klerk besoek Thatcher glo amptelik met Marijke dekoratief aan sy sy.  Thatcher gee haar n kyk en vra

“Don’t you have shopping to do ?”

Abrasive but very effective.

Vandat ek  n ruk gelede oorweldig was deur spam en  alles probeer wegjaag het deur dit te spam, word ek nie meer gevra om kommentare toe te laat nie. Ek kan niemand se kommentare lees nie.

1. Was julle ook oorweldig deur  engelse vleitaal wat dan iets op julle blogspasie wou adverteer ?

2. Was kommentare op julle blogs ook onlangs weg ?

3. Of doen ek skielik iets verkeerd wat die kommentare betref. ?

1 + 1 = 3 of 4….of selfs 99.         As mens jonk (en verlief is !)

1 + 1 = 2                                       Die verstandige middeljare

1 + 1 = 1 of miskien 1.5              Na baie jare van saam wees.

1 + 0  = 1 maar neig na 0.5        Die wiskunde van weduwees en wewenaars

1 + 1 =  2  of selfs 4                     Die wiskunde van selfstandige alleenlopers  wat so een keer n week

gesellige saam met n sielsgenoot verkeer. So vyf minute tot n kwartier.

Een plus een is voorwaar nie altyd twee nie.

Alle kulture respekteer hulle  wyse ou mense. Afgetrede leiers soos Jimmy Carter , Bill Clinton, Kofi Annan staan bekend as The Elders en word ingeroep om moeilike situasies te beredder.Kom ons gryses, wat hier blog, verbeel ons ons is wys en besluit hoe ons met  beter grondwette die politieke  gemors in Afrika kan verhoed.

Die Britse Demokratiese stelsel is oor die eeue daar ontwikkel en pas die Britte . Die haves stem Tory en die have-nots stem Labour. Elke tien jaar of so besef die meerderheid dat die bewindhebbers die pendulum te ver in n bepaalde rigting druk en dat die land daaronder lei. Die floating vote swaai dan na die opposisie en hulle kry weer vir tien jaar n kans om die pendulum terug te laat swaai.

Die Britte se styl van politiek werk net in Britanje. Elders is dit te maklik  om kiesers op te sweep en in n kraal te hou.Die floating vote verdwyn met sterk polarisasie . Daarom het dat die Nattes elke verkiesing na ’48 gewen. Daarom kan niemand van Mugabe ontslae raak n ie.Daarom gaan die ANC regeer until Jesus comes. Die ANC  ondersteuners besef hul party maak droog maar die sprong na die gehate DA is  te groot.

Hoe vermy mens hierdie polirarisasie, hierdie caste in stone politiek ? Met minder massa politiek en met  verkiesings waar slegs kandidate van een party op n slag verkiesbaar is. Vermy ook ideologiese uiterstes. Vir tien  jaar regeer n sentrum/links party, gevolg deur tien jaar van n sentrum/regs party. Hoe gedaan ? Met n slim grondwet..

Viva so n grondwet.