Jy blaai in die argief vir 2013 Februarie.

by Bruggie

Superonderwysers

Februarie 10, 2013 in Uncategorized

Een uit tien van Mzanzi se kinders geniet kwaliteit onderwys, vir die ander nege is daar min hoop.

Kan maniere nie gevind word om goeie , doeltreffende onderwys te vermeningvuldig nie.

Vyf minute is die duur van die meeste kinders se inneemvermoee”. Sal dit ooit moontlik wees vir n ster onderwyser om n vyf minute lessie te gee en dan te vertrek na dievolgende klas? Vir die res van die periode oefen die leerders onder die toesig van volwassene wat hulle vertrou en lief het.

Ster onderwysers sien nie na nie, doen nie administratiewe werk nie.

Videogrepies van werklik begaafde onderwysers van alle rasse kan gemaak word en deur die swak onderwysers as kern van n periode gebruik word.

Nog beter. Groot  maatskappye rus mobiele vertoonlokale toe om hierdie videogrepies in superdooper, hoe” definisie beeld met goeie klank by township skole beskikbaar te stel. Leerders kry n kragtige whammy vir vyf minute en keer dan na hul klasonderwyser terug  om in te skerp. Die kosbare toerusting bly beskikbaar deur die mobiele lokale weg te sleep en veilig te berg.

Die privaatsektor monitor effektieweteit en verbeter onmiddellik as iets flop.

Wat sê die blogger onnies ?

 

by Bruggie

Twee Uiterstes van Demokrasie

Februarie 6, 2013 in Uncategorized

Miljoene mense wat een keer in vyf jaar  stem teenoor duisende wat betoog/marsjeer/ griefskrifte oorhandig/ dikwels plunder.

Ek hou nie van die naamloosheid van n mob nie. Die indiwidu se super ego temper sy gedrag. Hierdie beskawende invloed verdwyn in n mob. Daarom moet mobformasie vermy word. Dit verdierlik .

Persoonlik sou ek verkies dat oortuigde aktiviste bo oppervlakkige aandagsoekers uitstyg . Rig in afgele’e plekke  hutte op waar n aktivis alleen moet oorleef vir veertig dae (lekker bybels) . Elke tiende dag sms die aktivis n uitnodiging aan n koerant om n verslaggewer te stuur om n onderhoud te kom voer. Ten minste 100 km stof en sinkplaat pad moet aangedurf word. n Jaar later mag die geregistreerde aktivis weerop hierdie manier sy saak bevorder.

Plaas vyf aktivishutte binne 10 km van mekaar sodat Solidariteit se aktivis uit verveeldheid kan oorloop vir n one -on- one met n Sosialis . Verwag ook van alle aktiviste dat hulle wyd lees en dink terwyl hulle eensaam in die woestyn afgesonder is.

Na tien jaar hiervan, word die aktiviste op n ererol van geregistreerdes geplaas.Hulle is die deurwinterde harstogtelikes.

Intussen kan die grapjasse en le”e blikke tweet.

 

by Bruggie

Hondesielkunde

Februarie 3, 2013 in Uncategorized

My huurder se brakkie is n fees. Ek gooi vir hom n bal en laat hom versigtig neer in die swembad om af te koel. As sy miesies  gaan werk, bly hy veilig en gestimuleerd by my agter.

Die vlieg in die salf is: Hy’s n reun (12 maande) . Dus lig hy sy been om territorium af te baken. Ongelukkig ook in my huis. Teen meubels en gordyne. Ga !

Ek weet honde is tropdiere met rangorde .Ek weet ook van die raad wat hondekenners gee. Dit verwar n hond glo as jy hom slaan en sy neus in sy pis druk.

Die maklike oplossing is om hom toegang tot die huis te weier maar dit sou my laaste uitweg wees.

Wie van julle het raad ?

by Bruggie

Dwelms

Februarie 2, 2013 in Uncategorized

Ek woon in n stil voorstad. My huis is nie  teen inbraak gepantser nie. Geen diefwering, geen alarm stelsel. Wel n tralie heining wat  bedelaars van die voordeur weghou. n Vorige huurder se groot kwaai hond het n reputasie gehad.

Vannaand , terwyl Suid Afrika sokker kyk, sluip twee delmslawe hier rond .

My ligte is aan. Hulle sien n (ou) man voor sy TV.  Langsaan is die enkelma huurder en haar tiener seun en hul wakker hondjie rustig tuis. My sterk laatlam is uit.

Een van die latte klouter by my laatlam se donker eerste verdieping kamer in . Hy skakel n lig aan en trek daarmee my aandag. Ek roep van onder . Ek hoor n geskarrel. Ek glip by die agterdeur uit om eers by die enkel ma en dan by my kothuis se huurders hulp te vra.

Terselfdertyd het die ander lat bo-oor  die enkelma , wat lê en lees het voor n oop venster, ingeduik. Yvette en haar kind vlug. Die lat gryp twee cell fone  en duik weer deur die venster. Hy en sy maat skarrel oor die 1.6m reling met skerp punte.

Die polisie was binne vyf minute hier. Hulle maak n saak oop sodat versekeringuitbetaling moontlik is. Die enkelma wil nie die trauma uitrek deur te wag vir vingerafdrukmanne nie.

Niemand is veilig wanneer verslaafdes steel vir dwelms nie.

(Of n vlie-ende kokkerot dit nie wragtig waag om op my been te gaan sit terwyl ek hier tik nie. Dit was besonder lekker om hom te vermorsel.)

Gaan ek nou diefwering opsit met elektriese grensdrade ,sensors en alarms ?  Twee grypdiefaanvalle in dertig jaar. Nee wat.

 

by Bruggie

From the hip….

Februarie 2, 2013 in Uncategorized

Abrham se blog oor Fanon lig n dilemma uit. Fanon predik Black is Beautiful, maar sy dilemma is dat die egte Swart kultuur in primitiewe stamgebruike setel. Die swart elite beweeg met alle mag daarvan weg .Fanon besef primitief is nie die antwoord is nie. Inteendeel, dit ontmagtig die Wretched.

Wat ek sou noem n valse elite (Malema) neem opportunisties die kultuur van die voormalige onderdrukkers aan wanneer die nuwe nasie gebou moet word.

(Die Goue Eiers waarna Malema streef word slegs deur n moderne Staat gelewer.)

Ek dink Fanon is onnodig swartgallig. n Nuwe elite kan gerus Engels of Frans as n moderne werktuig gebruik om ook hul massas te bemagtig. Lingua Francas naas hul stamtale. Hierdie nuwe elite moet net nie die slegte aspekte van die vorige base soos gulsigheid oorneem nie. (Moedertaal skoolonderrig word deur 99% van Swart ouers verwerp. Hulle wil hul kinders n beter kans gee in die weier taallandskap.)

Wat sou Fanon  van Motsepe en Ramaphosa (sonder sy buffel) as leiers sê ?

Fanon se donker analise word bevestig  in  Kenya waar  leiers hul stamgenote bloedig mobiliseer sodat die valse elite toegang tot die Staat se vleispotte kan kry.

Ek dink n verligte swart elite kan die Wretched se lewe verbeter. Kan ongelykhede

verklein . Ongelukkig bevoordeel One Man One Vote die Malema soort vals elite.

by Bruggie

Tycoons

Februarie 2, 2013 in Uncategorized

Sol Kersner, Donald Trump,Louis Luyt, Raymond Ackermann, Anton Rupert, Donny Gordon, die Krok broers, JT Ferreire, Christo Wiese, Harry Oppenheimer,Koos Bekker, Zuma se ryk Indie”r borge. (Shaik,Reddy) Mark Shuttelworth, Bill Gates,Ramaphosa, Patrice Motsepe.

Daars die goeies wat beskaafd omgaan met hul kakhuise vol geld( om Sol Kersner se kleuryke taal te gebruik).

En dan is daar die afstootlikes.

by Bruggie

Prag en Krag

Februarie 2, 2013 in Uncategorized

Mag die Jirre jouse binneste roer, en mag suffel goedheit jou slat ,

lat jy eintlik loop en skaamkry oor allie genade.

by Bruggie

Geiser

Februarie 1, 2013 in Uncategorized

is n woord wat Dana Snyman vandag in sy hekelstuk gebruik.

Is daar so n woord in Afrikaans ?

In my huis praat ons van die geezer, soos in Engels uitgespreek.

Knaldemper en vonkprop word baie gebruik. Silencer en spark plug  ook.

Spanner is algemeen, moersleutel nie. Clutch of koppellaar ?

Kom Bloggers, gee julle voorbeelde en opinies oor suiwer taal.