by

Hoop

November 1, 2009 in Sonder kategorie

Met malende gedagtes verwoord op ‘n blaar

het ek na jou gekom

hoe dikwels my woorde lomp en swaar

soos ‘n watermeul om en om

‘n Skatkis vol goue herinneringe

staan toegewaai onder die stof

weggesteek in ‘n koue diep put

waar blink vervang is met dof

Met bloeiende naels gebreek tot in die lewe

beur ek op teen die gladde wand

die glim van hoop, dit rig my strewe

om bo in die sonlig te reik na jou hand

en om dan saam met jou

ons skatkis na boontoe te bring

waar die lentewind dit skoon sal waai

en die sonstrale ‘n toekomsverwagting sal sing

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.