Jy blaai in die argief vir gedigte.

Biografie

September 21, 2014 in gedigte

Biografie

Ek het ‘n boek
Van baie blaaie.
Het aanvangs te vinnig gelees,
Paragrawe oorgeslaan,
Sinne misverstaan.
Ontgogel deur misverstand.

Ek lees nou langsamer,
Blaai teësinnig om,
Ontleed elke paragraaf,
Proe versigtig aan elke woord.

Langtand op pad
Na die laaste bladsy.

©vuurklip
n.a.v. ‘n Lesing deur William Kentridge
Woensdag 17 September 2014

‘n Verrassing in die pos …

Mei 26, 2014 in gedigte

Hou verby as dit op WordPress gesien het.

vuurklip het al vergeet dat hy ‘n gedig by New Contrast voorgelê het!

Die Koevert

Die Voorblad

Die Indeks

Die Gedig

Fokus

April 10, 2014 in gedigte

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


camera

Kamera

Fokus

Ek is ‘n kamera
Met iris wyd oop
En die lens gefokus
Op see en berg.

Die beelde opgevang
In volle kleur
Vir ‘n wye skerm
In hoë definisie.

Maar die interne negatief
Is tot swart-wit uitgewas
En bly steeds uit fokus.

©vuurklip
10 April 2014.

Met Pase voorhande …

April 8, 2014 in gedigte

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


Agnus Dei Lam van God

Agnus Dei
Lam van God

Waarskuwing: As jy bang is om jou geloof te toets, hou liewer verby!

Agnus Dei

Grootdoenerig verskyn die Engel,
Vuur blits uit sy oë
En met vlerke dreigend gestrek
Annunsieer hy:
Wees gegroet Maria
Vol van Genade!
Jy sal jou bene sprei,
En jy sal Hom ontvang,
Die heilige wellustige Ram,
En jy sal Sy vrug dra,
Vir nege maande sal jy dit dra,
En dan verlos word van die Lam,
En Hy sal gebore word in bloed,
En sal só ter slagting gelei word,
En só word vir óns sondes geboet,
En só word óns sondes vergewe.

Maar kan die Ram
Ooit vir Sý sonde vergoed?

©vuurklip
30 Augustus 2009

Skeppers

Maart 14, 2014 in gedigte

Klik hier vir die Blog Monitor – kry ‘n kennisgewing as jou gunsteling bloggers inskrywings maak.


christ

Skeppers

God wil ons alle sondes vergewe,
En is besonder gul met vergiffenis.

Hy het begrip
Vir ons sondige natuur.

Het Hy dan nie self die Maagd
Ongevraagd bevrug?

En het Hy nie Sy Eniggeborene Seun
Aan die kruis laat sterf?

En het Ons hóm dan nie
Na Óns beeld geskape?

vuurklip
Sondag, 1 Nov 2009

Op Reis

Maart 11, 2014 in gedigte

Klik hier vir die Blog Monitor – kry ‘n kennisgewing as jou gunsteling bloggers inskrywings maak.


Trein

Op Reis

Ons is almal passassiers op die trein,
‘n Voortstuwende draak
Donderend die donker nag in,
Rook- en vuurspugend
Op ‘n vasgelegde spoor.

Jou kaartjie gekoop by geboorte,
Die bestemming voorlopig oop,
Tot latere kennis.

vuurklip
Dinsdag, 11 Maart 2014

 

Skilder van die liefde

Februarie 12, 2014 in gedigte

Klik hier vir die Blog Monitor – kry ‘n kennisgewing as jou gunsteling bloggers inskrywings maak.


palette

Skilder van die Liefde

Ek wil graag een van my gunsteling gedigte met julle deel. In hierdie gedig gebruik die digter die beeld van ‘n skilder, sy rooi verf is op en nou kleur hy alles ‘n idilliese groen.

Die woord “liefde” kom nêrens voor nie maar word subtiel gesuggereer deur frases en woorde soos “languit ligt te wachten”, “ontroerd”, “zachte naaktheid”. Hy sê in der waarheid nêrens dat die vrou in die gedig sy geliefde is nie – tog word dit in die slotreël bevestig: “… heb ik nog altijd je lippen”

As ek in my lewe net één so ‘n gedig kon skryf, sou ek gelukkig kon sterf!

Als ik geen rood meer heb

Als ik geen rood meer heb
maak ik de bomen groen, de struiken,
het hele landschap wat ik schilder.
Dus ook het onkruid en het gras,
waarin je languit ligt te wachten roerloos
maar toch diep ontroerd, wanneer je later
het doek mag zien waar ik je rooie jurk
vervangen heb door zachte naaktheid,
waarvoor ik net als voor je glimlach
vooralsnog niet de kleur vond die je past.
Als ik geen rood meer heb,
heb ik nog altijd je lippen.

Paul Snoek (1933-1981)

@tina

Ontbloot

Januarie 16, 2014 in gedigte

dorian

Klik hier vir die Blog Monitor – kry ‘n kennisgewing as jou gunsteling bloggers inskrywings maak.

Ontbloot

Ek kyk in die spieël
Na die ou vertroude gesig.
Vertroud soos in bekend,
Eerder as in betroubaar.

Ek knik guitig my linkeroog,
Sy regter knik terug,
Die gebaar van ou bekendes
Wat geheime sondes deel.

Ook is daar ‘n foto
Paspoortgrootte vir ‘n rybewys.
Helaas, die kamera lieg nie,
En anders as die spieël,
Verraai die foto
‘n Dorian Gray portret.

 © vuurklip 13 Januarie 2014

Hubris

Januarie 14, 2014 in gedigte

Klik hier vir die Blog Monitor – kry ‘n kennisgewing as jou gunsteling bloggers inskrywings maak.


canals

Hubris

Die kanale van Mars
Het voor ons teleskope gewyk.
Die Man in die Maan
Het bloot ‘n illusie geblyk.

Die ganse hemelgewelf
Met sterre oordek,
Oorlaai ons besinning
En bederf die kennis van self.

 © vuurklip 13 Januarie 2014

Droogte

Januarie 2, 2014 in gedigte

Klik hier vir die Blog Monitor – kry ‘n kennisgewing as jou gunsteling bloggers inskrywings maak.


droogte

Droogte

Droogte

Die digter staar deur die venster,
Hy sien ‘n blaar val,
Rymend met die vergange jaar.

Sy hand geanker
Deur ‘n loodsware pen
Op ‘n onwillige blad.

Hy slaan sy oë op na die berge:
Waar sal sy woorde vandaan kom?

©vuurklip 8 Des 2013