Jy blaai in die argief vir 2009 September.

East of Eden

September 29, 2009 in Sonder kategorie

East of Eden

east of eden is ver, ver weg
james dean het destyds daar gewoon
en ek
en pa en ma
en anna
en sander

die son is lankal onder
ook oor daardie eden
en oor pa en ma
en dalk ook oor die ander

maar ek is steeds hier
en james ook
ek het hom gesien
net gisteraand nog
op tv vier

                            vuurklip

Foto

Die see

September 21, 2009 in Sonder kategorie

Die see in Valsbaai is vanoggend stil soos ‘n spieël sodat elke beweging van die walvisse duidelik uitstaan.

Op die foto sien jy Simonstad in die verte – die walvisse is ongelukkig nie op die foto te siene nie …

Raaiselagtige waarskuwing: SABC

September 19, 2009 in Sonder kategorie

Gisteraand op SABC3 is die film Good night and good luck uitgesaai. Julle sal onthou dat dit die verhaal vertel van CBS se blootlê van die Amerikaanse senator Joseph McCarthey se vervolging van werklike en vermeende kommuniste. Die destydse Oos-Duitse STASI en die USSR se KGB sou trots gewees het op McCarthy se metodes om van hoorsê, innuendo en skinderstories gebruik te maak om mense te verguis. Veral die vermaaklikheidswêreld se sterre moes dit ontgeld.

CBS se joernaliste het nie onder groot druk van die bestuur en van politici geswig nie, en voortgegaan met hulle exposé – wat grootliks tot die einde van McCarthy se waansinnige vervolgings bygedra het.

Die eienaardigheid van die uitsending was dat daar aan die begin en telkens ná ‘n onderbreking vir advertensies, ‘n waarskuwing op die skerm vertoon is. Sien die foto hierbo. Die film is ook aanbeveel vir kykers ouer as 12.

In die film is daar geen geweld, geen seks, geen naaktheid, geen vloekery, geen godslaster, niks aanstootliks nie.

Die vraag is: Waarom dan die waarskuwing? Waarteen kan ons kykers moontlik aanstoot neem?

Is dit dalk omdat die SABC dink dat ‘n onafhanklike span joernaliste vir ons aanstootlik kan wees?

David Strathairn as Edward R. Murrow

 

Vandag se oes.

September 16, 2009 in Sonder kategorie

Die Burger bly ‘n onuitputlike bron van ongewone en/of nuwe versinsels van mense se name.

Hier is vandag se oes:

Aenne
Amelius
Beliana
Eldette
Noldeen
Roula

My hele versameling is hier:
http://vuurklip.net/nuwename.php

Skok en ontsteltenis

September 15, 2009 in Sonder kategorie

Dame Joan Sutherland is drie-en-tagtig jaar oud!

En ek is nie veel jonger nie …

Foto

Heb je wel gehoord?

September 15, 2009 in Sonder kategorie

As jy al ooit gehoor het van Paul Dirac, sal jy die volgende waardeer:
http://seedmagazine.com/content/article/studying_the_strangest_man/P1/

Dirac (links) in gesprek met Richard Feynman

Klapperkrap

September 14, 2009 in Sonder kategorie

Hierdie krap eet kokosneute!

http://www.flickr.com/photos/96483949@N00/200463808/in/photostream/

Nagmerriegedrogte – nie vir sensitiewe siele nie

September 12, 2009 in Sonder kategorie

Tongue eating isopod.

Meer hier

En hier

Boontjie kry ly loontjie

September 11, 2009 in Sonder kategorie

Waar is Mr Bean deesdae?
In hy 'n has been?

Foto

Skoon hande

September 11, 2009 in Sonder kategorie

Almal sê altyd jy moet jou hande was voor jy brood knie.

Maar ek vind dan mý hande juis mooi skoon is ná ek geknie het.