Oog

November 3, 2014 in Uncategorized

Oog

Oog

Oog

Deur die lens
Van hierdie klein sfeer
Stroom fotone
Vanaf die verste sterre
Die oogbal binne.

Bots teen sensitiewe binnewande
En skep so ‘n beeld
Binne die beperkte ruimte
Van die brein.

‘n Beeld van die
Onbeperkte,
Oneindige sfeer
Van die Heelal.

©vuurklip
3 November 2014

Biografie

September 21, 2014 in gedigte

Biografie

Ek het ‘n boek
Van baie blaaie.
Het aanvangs te vinnig gelees,
Paragrawe oorgeslaan,
Sinne misverstaan.
Ontgogel deur misverstand.

Ek lees nou langsamer,
Blaai teësinnig om,
Ontleed elke paragraaf,
Proe versigtig aan elke woord.

Langtand op pad
Na die laaste bladsy.

©vuurklip
n.a.v. ‘n Lesing deur William Kentridge
Woensdag 17 September 2014

Kwatryn: Waarheid

Junie 1, 2014 in Uncategorized

waarheid

Hou verby as jy dit op WordPress
gesien het …

Waarheid

Die Waarheid van vandag
Vervang die Waarheid van gister.
Die Waarheid van môre
Is meer as wat jy ooit kan verwag.

©vuurklip

Steeds opgekrok! Ek het jou mos gesê …

Junie 1, 2014 in Uncategorized

broken1

FUBAR

Aiéééé.

Die dônnerse LitnetBlogs is steeds gekrok. Ek kry geen keenis as daar kommentaar op my inskrywings verskyn nie.

Boonop is daar daagliks weer ‘n klomp nuwe spammers.

Ek kan ook nie meer ‘n border vir grafika spesifiseer nie.

Weet jy waarvoor staan FUBAR?

‘n Verrassing in die pos …

Mei 26, 2014 in gedigte

Hou verby as dit op WordPress gesien het.

vuurklip het al vergeet dat hy ‘n gedig by New Contrast voorgelê het!

Die Koevert

Die Voorblad

Die Indeks

Die Gedig

Litnet Blogs Gebreek

Mei 19, 2014 in Allerlei, katastrofes

broken

Litnet Blogs is gebou op die gratis WordPress sagteware. Die stelsel laat jou groot vryheid toe om die werf wat jy daarmee bou, te customise.

Die probleem is, dat hoe meer jy customise, hoe groter is die kans dat die werf sal breek as jy van WordPress se updates gebruik maak, iets wat ongelukig onvermydelik is as jy jou werf veilig wil hou.

As jou werf dan deur updates gebreek is, is dit ‘n byna onbegonne taak om om uit te vind waar die fout lê.

Dis duidelik dat die kindertuin-programmeerders die Litnet Blogs uitvoerig ge-customise het, dat onlangse updates die werf gebreek het, en dat hulle nou met die hande in die hare sit.

Moenie verwag dat die probleme gou uitgesorteer sal word nie.

Sugggg.

Frustrasie III

Mei 7, 2014 in Uncategorized

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


frustrasieLitnet Blogs is op die punt om af te spoel – jy weet waarin!

Alle kommentaar beland in spam, selfs jou eie. En vis jy dit daaruit, verdwyn dit in dieselfde gat (om nooit weer gesien te word nie) waarin Litnet Blogs besig is om in te verdwyn (om dalk ook nooit weer gesien te word nie).

Spammers, spammers, everywhere …

Mei 7, 2014 in Allerlei

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


spammerVuurklip se Blog Monitor rapporteer ook as nuwe bloggers by Litnet Blogs registreer.

Die goeie nuus is dat daar onlangs heelwat nuwe registrasies bygekom het, maar die slegte nuus is dat die meeste van hulle spammers is.

 

 

Byvoorbeeld:

Angela Murrell – http://blogs.litnet.co.za/members/angelmurrell

Cinda Bostick – http://blogs.litnet.co.za/members/cinda6801

Alfonzo Oxendine – http://blogs.litnet.co.za/members/alfonoxendine

Marylin Baltzell – http://blogs.litnet.co.za/members/marylbaltzell

Vicki Collick – http://blogs.litnet.co.za/members/vickicollick

Celina Goethe – http://blogs.litnet.co.za/members/celingoethe

Lizette Westacott – http://blogs.litnet.co.za/members/lwestacot

Sunny Dunckley – http://blogs.litnet.co.za/members/sunnydunckley

Lorri Loughman – http://blogs.litnet.co.za/members/tcelorri

Delores Geary – http://blogs.litnet.co.za/members/delorsxn

Ophelia Reade – http://blogs.litnet.co.za/members/ophelzhe

vuurklip op WordPress?

April 28, 2014 in Allerlei, katastrofes

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


trainwreck

Vuurklip dink daaraan om na die WordPress platform oor te trek. Lettersmash was ‘n fiasko maar Litnet Blogs is ‘n train smash. Daar verskyn steeds nuwe probleme terwyl oues nooit of byna nooit opgelos word nie.

WordPress wérk. Die widgets wérk. Kommentaar wérk, daar is nie die babelse verwarrende vermenging van Afrikaans en Engels nie.

Kom bekyk die eksperiment hier:
http://vuurklip.wordpress.com/

 

Fokus

April 10, 2014 in gedigte

Klik hier vir die NUWE Blog Monitor – kry ‘n kennisgewing as jou gunsteling bloggers inskrywings maak.


camera

Kamera

Fokus

Ek is ‘n kamera
Met iris wyd oop
En die lens gefokus
Op see en berg.

Die beelde opgevang
In volle kleur
Vir ‘n wye skerm
In hoë definisie.

Maar die interne negatief
Is tot swart-wit uitgewas
En bly steeds uit fokus.

©vuurklip
10 April 2014.