Profile photo of VozSola

by

As gewoon net gewoon min word.

Desember 23, 2011 in Sonder kategorie

Niks gewoon gebeur ooit in myse valley nie. Dit is eintlik heel ongewoon as iets gewoon gebeur…

Bv. Eendag werk my man in die tuin, hardloop die huis binne en gil oor ‘n %^%T*&%* rock in his eye! Wel, heel besorgsaam probeer ekke en kleinding die rock sien, maar sien niks. Hy raak histeries en ons jaag hospitaal toe…daar hardloop hy binne en gil oor die massive, huge *^&%$# rock in his eye…en ek en kleinding kruip van die lag (shame, ons moes dit seker nie gedoen het nie, want die mense wagtend in emergency om die dokter te sien het nie gedink dit is snaaks nie!) Twintig minute later verskyn hy met ‘n oorpluise uitgestrek voor hom, soos ‘n Oscar beeldjie en maak sy bedankings speech…”I told you there was a rock in my eye!” Nodeloos om te sê dat niemand die rock op die oorpluisie kon sien nie, het ons giggelend huistoe gery…

Vanmiddag was dit weer sulke tyd…*&()*_*(*() nail!!! Storm hy die huis binne…Come look… Mmm…ja, okay…mmm, ek sien… en sê hom om saam met my clinic toe te ry…Hy moan en groan, nie oor die eina in sy voet nie, maar die pad wat ek clinic toe ry, vermaan my oor die kar voor my, en om nie voor die ander in te draai nie, moan oor waar ek park…en loop heel normaal die clinic binne. Ek en kleinding drentel maar agterna. Daai spyker het toe wel diep in gedruk en hy het meer skade aangerig om dit heel skeef uit te trek…maar nou ja, skoon gemaak, en toe geplak…en ‘n lekker tetanus inspuiting later is ons huis toe.

Nou wonder ek…my vinger is styf en seer en die ander bewe…en hulle stuur my vir EEG’s en MRI en kom met die vreeslikste goeters en bang maak woorde voor die dag…en duh? My *(^&^& vinger is seer…maar hulle sien dit nie?

Ander mense word gebel en gevra…ekskuus tog, het u nie dalk vergeet om so en so se rekening te betaal nie? Nee, hulle bel ons op ‘n Vrydag middag om te sê hulle stuur ‘n trok 9uur Maandag oggend om huisraad op te laai, vir auction om genoegsame fondse te kry om daardie skuld te delg…sonder om eers te weet van watter rekening die persoon praat… (blykbaar my man se dokters rekening van vier jaar gelede wat nie ten volle betaal was nie)

Ander mense kry ‘n oproep of brief om te sê daar het sekere dinge verander met die registrasie van cc.’s sedert my man syne geregistreer het 14 jaar gelede…nee, hulle sluit net sy besigheids bankrekening oornag!

My man laat sit ‘n nuwe voorruit in sy kombi…drie weke later binne in ‘n carwash begin dit te lek…hy hou sy hande uit om die water op te vang en druk die knoppie vir die venster om dit uit te gooi…steeds binne indie high pressure carwash! Dit was skreeu snaaks!!! Om ‘n paar druppel te red is hy vergoed met emmersvol, alles was nat…hy ook…

So kan ek aan en aan gaan oor voorbeelde van dinge wat net nie gewoon is nie… maar grappies op ‘n stokkie…daar is min normaal aan my ook maar…ek kan nie dink soos ander mense nie. Ek kan nie voel soos ander mense nie. Ek kan nie skryf soos ander mense nie. Ek lewe nie soos ander mense nie. Ek kan nie bid soos ander mense nie. Ek glo nie soos ander mense nie. Ek kan nie liefde ervaar soos ander mense nie. Ek kan nie. My praat dinge en skryf dinge verskil soos dag en nag. Dit waaroor ek praat skryf ek nie oor nie, maar dit waaroor ek skryf sal nooit hoorbaar opklink met my eie stem nie.

Soms wens ek, ek kon praat waaroor ek skryf en skrywe waaroor ek praat. Maar dit het nog nooit gebeur nie. Ek is nie wat mense dink ek is nie. Sommiges is reg…en meeste geheel en al verkeerd, veral die mense wat my die langste ken, “ken” my regtig nie. One on one, is ek baie goed met my normaal wees masker…maar dit is wanneer woorde stom is, soos hier, wanneer die masker, make-up en die al die wiele afkom…en steeds maak dit seer om dan so in ‘n spieël vas te kyk, en vir myself te sê; “Girl, you are really, really stupid to do this” (This – is die lewe soos ek dit ervaar en nodeloos moet aanvaar, want daar is nie vir my ‘n goeie keuse gelaat nie, wees maar tevrede met die betere van die swakker keuses)

Soos met meeste dinge, bly die belangrikste maar tussen siel en mond en gees en hart met misprint vingers in stilte vir nog ‘n wyle moet bewaar.

Miskien is ek gewoon, en miskien net min gewoon…maar daar is so baie wat gesê moet word…maar veiligheid lê soms juis opgesluit in die woorde wat stom is…

7 antwoorde op As gewoon net gewoon min word.

  1. TS het gesê op Desember 24, 2011

    Ek is nou nie ‘n mensekenner nie maar volgens my is jy sowaar ver van ‘gewoon’ Miskien moet jy bietjie minde4r kwaai met jouself wees?

  2. Nee,jong jy is baie normaal.

  3. UNPOCO het gesê op Desember 24, 2011

    Jy is maar dieselfde as die meeste van ons. + – = Mens!

  4. Ek is dankbaar dat jy nie gewoon is nie!
    Soos jy is, is jy net eksie perfeksie…
    xxx

  5. Nice pos.

  6. Mer_rie en Hap_pie!

  7. Dit is ‘n illusie van veiligheid…

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.