Poppie met Pakkie

Die week het iemand vir my gesê “ek is bly ek ken jou”.  Iemand wat nog nie my hand geskud het nie, maar iemand wat my leer ken het, wat my beter ken as mense wat my elke dag sien.

Iemand anders het gesê “die Here het jou naam baie keer gehoor dié week”. Ek werk nie vir Reach for a Dream nie, dit wat ek doen is ook nie te koop nie, alhoewel ek daarvoor betaal word.  Maar ek was in die gelukkige posisie om dié week 42 drome te help waar word.

Dis amper end van die jaar en tyd om voorraadopname te doen op daardie nuwejaarsvoornemens.  Hierdie week het ek besef dat ek moet kyk na daardie lysie en sien wat ek verwesenlik het, maar ook oplet na wat bereik is wat nie op daardie lysie was nie.  En dan moet ek dalk dink aan ander doelwitte vir volgende jaar. 

• Maak ‘n onbekende bekend
• Help om iemand anders se droom waar te maak