Die kunstefeeste, Letterdash en Facebook

Januarie 11, 2011 in Sonder kategorie

Ek probeer al van gister af om te reageer op Kelly se skrywe oor die kunstefeeste en Afrikaans. Letterdash wil my nie toelaat nie. Donnerse Letterdash. Op Facebook het die vermoe verloor om foto’s te sien . (Nee, ek het nie blind geword nie, ek het seker die verkeerde knoppie gedruk) Donnerse facebook. En nou die “feeste” en Afrikaans.

 

Hier gaan ons.

 

My probleem met die debat is dat die sogenaamde “Kunstefeeste” bona fide teater in die land doodgewurg het. Mense wat voorheen tien of twaalf keer ‘n jaar teater toe gegaan het -hetsy Staatsteater of elders – besoek nou ‘n “fees”, sien 12 stukke in een week en gaan vir die res van die jaar nie weer teater toe nie. (Die regering se ontrekking van subsidies aan die streeksrade het natuurlik ook ‘n groot bydrae gelewer tot die chaotiese toestand.)

Die ander probleem is dat nuwe werk – hetsy Afrikaans, Engels of watter ander landstaal ookal – nie meer buite die “feeste” kan bestaan nie. Dit word meestens 10 keer opgevoer, by KKNK, Aardklop en Inniebos en daarna kraai g’n haan weer nie. Andersins word die stuk keer op keer, jaar na jaar, by die “feeste” opgevoer – ‘Betesda’ is een voorbeeld. (Daar is baie ander)

Die feesorganiseerders se moeilikste taak is om mense te trek en nog steeds te lyk asof hulle nie net op winsbejag uit is nie. Hulle moet darem gesien word om iets te doen vir ons “kultuur” Afrikaanse popmusiek het vir hulle die perfekte uitkoms gegee. Dit en vlooimarkte. “Dis mos ons taal en ons mense…” Waar’s die nuwe drama’s, opera’s, musiekblyspele? Die groot borge gooi enorme bedrae geld na die feeste toe, maar probeer ‘n bydrae kry tot nuwe werk… So sit ons nou ons dae om in die gesellige, geborgde tente en luister na een Afrikaanse “sanger” na die ander. DIS mos kultuur!

Ja, meeste lande wat teater pleeg het ‘n teater publiek wat slegs 4 of 5 % van die samelewing beslaan, met enkele uitsonderings na – Duitsland, Frankryk, Japan… Selfs in Engeland kan teater nie bestaan sonder subsidies nie en die eertydse gesubsidieerde repertoriumteater op die Engelse platteland bestaan nie meer nie want daar is eenvoudig nie meer geld nie. (In London spot kunstenaars dat dit net Jode en gays is wat teater ondersteun, en as hulle almal by jou produksie was is dit tyd om te sluit.) Maar daardie 4 of 5% is gewoonlik die mense met die meeste koopkrag. ‘n Goeie mark om te betrek as jy wil adverteer met ‘n borgskap of twee.

Die “feeste” doen nie veel vir ons Afrikanerkultuur nie. Die biertuine, dronk tieners, dronk mans met boeppense (ek is een van hulle), luide musiek uit die geborgde tente en lee sale by goeie produksies teken ons as ‘n spul boertige bullebakke wat nie die verskil tussen Shakespeare en Steve ken nie.

Nou’t ek klaar gal gebraak. Sien julle by KKNK>

13 antwoorde op Die kunstefeeste, Letterdash en Facebook

  1. borrels het gesĂȘ op Januarie 11, 2011

    Lyk my als sukkel … Woes werk ook nie meer soos dit moet nie 🙁

  2. katrina het gesĂȘ op Januarie 11, 2011

    Darem nie die kleintjie met die badwater uitgooi nie. Ek dink die feeste maak tog teater toeganklik vir mense wat nie in die stede bly nie. Kultuur word ook lewendig gehou al is dit dan net deur kontak. Jy sal dit verstaan as jy soos ek hier in die Last British Outpost bly. Ja, ek jeuk ook onder my arms van skaamte wanneer dit by die hoer en rumoer gedeeltes kom, maar op ‘n manier hou dit dinge aan die gang. Mens het maar gemengde gevoelens oor goed waarby die jeug ook aanklank vind – weet nie of standaarde verlaag en of goed bevorder word nie…

  3. plankloper het gesĂȘ op Januarie 11, 2011

    Ek besef die feeste het ‘n rol om te speel (Ek’s gereeld daar!) Maar ek vrees die behoefte om paartie te hou, is sterker as die hunkering na kuns. (En ek is allermins ‘n sensitiewe siel)

  4. katrina het gesĂȘ op Januarie 11, 2011

    Is so. Ek wonder hoe dit in ‘n ideale wereld sou funksioneer? Dalk vaal en vervelig?

  5. Neander het gesĂȘ op Januarie 11, 2011

    Ja, aldrie jou opskrifpunte het probleme.
    Wat die antwoord is, weet ek nie, maar ek dink kunstefeeste het gekom om te bly.
    Vryheid van keuse sal ook steeds geld.
    Sien jou by Aardklop, maar nie die dronktent nie.

  6. TS het gesĂȘ op Januarie 11, 2011

    Daar is tog nog mense wat net gaan vir die kuns deel Ons kan tuis ook jol

  7. plankloper het gesĂȘ op Januarie 11, 2011

    Ek het so pas gehoor ek werk weer by Aardklop die jaar. So ja, die tente gaan my mis! Sien jou daar!

  8. plankloper het gesĂȘ op Januarie 11, 2011

    Ek betwyfel dit nie. Ek is die kunssinniges ewig dankbaar, maar die jollers… Ai.

  9. loudavisi het gesĂȘ op Januarie 11, 2011

    Ek gaan nooit ooit weer KKNK toe nie.
    Het laaskeer uitgepass van die hitte.

  10. Sien jou by Aardklop 🙂

  11. plankloper het gesĂȘ op Januarie 12, 2011

    O ja!

  12. plankloper het gesĂȘ op Januarie 12, 2011

    Probleem is net… Dit kom terug!

  13. plankloper het gesĂȘ op Januarie 12, 2011

    He he..

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.