Pantanal se Tawwe Tienies.

Augustus 19, 2014 in Uncategorized

http://perdebytjie.wordpress.com/2014/08/19/tawwe-tienies-van-die-pantanal/

Landskappe

Julie 1, 2014 in Uncategorized

http://perdebytjie.wordpress.com/2014/07/01/landskappe-2/

Wind,winderig,winderigste

Junie 22, 2014 in Uncategorized

http://perdebytjie.wordpress.com/2014/06/22/windwinderigwinderigste/

Koebaai,ek waai!

Mei 18, 2014 in Uncategorized

Jammer LitNet,na drie jaar se vreugdevole bloggery,het die uurglas nou uitgeloop!Ek het sak en pak verhuis,want so kon dit nie langer aangaan nie.Dis bitterlik hartseer,want hier is wonderlike vriendskappe gesmee en heerlik gedagtes uitgeruil.

So tussen die advertensies,nogal in vreemde tale en die feit dat kommentare deur ‘n swart gat opgeslurp word,is dit nou tyd om na ‘n vriendeliker plek te verhuis.Ek sal nog hier kom inloer om te sien of dinge verbeter het,maar tans lyk die gras groener anderkant die draad!

Aan almal wat agter bly,ek hoop die vasbyt gaan vrugte afwerp.

Tien dae se droogte

Mei 16, 2014 in Uncategorized

Ek was tien dae van die lug af…die rede…geen internet!Ja,daardie ou foonlyntjie wat skielik net vrek as gevolg van koperdraadinkopies.Dus,ek is nog hier en het nou baie leeswerk om op te vang en miskien nog ‘n skuif na WordPress op aanbeveling van @zephur.Hoop ek kry dit reg!

Ek sien hier is baie winkels wat intussen hier oopgemaak het en sommer in vreemde tale.Gelukkig lyk dit of Naomi die sakie aanspreek.Dankie daarvoor.Ek het nog nie getoets of die kommentaarfunksie werk nie,maar in die ruk wat ek nie hier kon kuier nie,hoop ek daardie probleem is nou opgelos?!

Wat……

April 23, 2014 in Uncategorized

Gaan tog nou weer aan??Skielik verdwyn my kommentaar op almal se blogs,net in die lug!Ek het soos gewoonlik almal se inskrywings gelees,kommentaar gelewer en POEF,weg is alles.

Ek het twee,driemaal by elke blog probeer,maar hier is ‘n sinistere wegraping van woorde,wat my heeltemal koudsit!

Wanneer o wanneer,gaan die vreemde gebeurtenisse op hierdie werf,endkry?

Plaastuingereedskap..

April 5, 2014 in Uncategorized

Ou geroeste greedskap het nog altyd my aandag getrek.Kleintyd was dit so lekker om op die damskrop(wat nog deur ‘n perd getrek is)en die geroeste ploegskare onder die soetdoringboom te speel.Die stoor,met sy witgekalkte klipmure was eweneens vol lieflike geheime..ou stukkende separators(dis nou waarmee room van melk geskei word),draadtange,sae,reuse vurke met lang tande vir opskep van hooi,pikke,byle…ai,ek kon ure daar rondhang en wonder waarvoor alles gebruik word.

Selfs vandag nog,gee my hart so ‘n nostalgiese ruk,by aanskoue van enige plaasgereedskap,oud of nuut,want dit gee my ‘n gevoel van lewe,werskaf om voortbestaan,oorlewing,die mens se vermoë om te skep,om vindingryk te wees,om planne te maak…

Elke stukkie gereedskap vertel ook ‘n storie:Wie het dit gebruik?Wat is daarmee bereik?Is die persoon al oorlede?Hoe het hy gelyk?…ag,en so kan mens maar jou gedagtes laat gaan..dis amper soos wanneer ‘n mens tussen ou grafte rondloop en jou probeer indink in vergange tye.

Verlate op ‘n vlakte in Namibië

_MG_3942

Verroes teen ‘n muur op ‘n Vrystaatse plaas.

 

‘n Bekertjie se reis.

Maart 30, 2014 in Uncategorized

Spesiaal vir @ladygodiva wat hou van reis en mooi goed.

Iewers in Engeland het iemand agter gekom dat daar ‘n eensame,bruingevlekte,afgeleefde ou Bunnykins-bekertjie ‘n stoksielalleen lewe in ‘n Suid-Afrikaanse vertoonkas slyt.Dadelik is daar planne gesmee om die kraak-oor-outjie se raklewe op te kikker.Na ‘n lang gesoek en baie oorweging,is ‘n splinternuwe jongeling opgespoor.Met vele liefde en versigtigheid,is hy styf toegedraai in ‘n allerfraaie pakkie.Binne in sy magie is daar sommer ook ‘n paar heerlike teesakkies en die lekkerste cappucinokoevertjies weggesteek,met twee sakkies soet kakaopoeiertjies vir ekstra smaak.

Nadat vele hande die pakkie hanteer het,beland hy uiteindelik op die lang vlug na ‘n verre land aan die Suidpunt van Afrika.Weens ‘n tradisionele posstaking,moes hy ‘n week lank in ‘n donker stoorkamer rondlê en wonder of hy ooit weer daglig gaan sien.Gelukkig was dit van korte duur en gretige hande het hom by die toonbank ontvang.

Oopdraai en skeur en nogmaals oopdraai en uiteindelik ‘n geknip met ‘n skêr,ontbloot die fraaiste jongeling, met sy vrolike hasies,nog in een stuk!Die outjie is dadelik ingewy met ‘n heerlike skuimende cappucino,wat sy magie warm laat klop het.Daarna is hy liefderik langs sy horingou nefie,op ‘n ereplekkie weggebêre.

Die tweetjies staan styf teen mekaar en dis asof die ou vergeelde bekertjie sommer weer nuwe lewe gekry het!

_MG_2091

Hasie Kalbassie het ‘n nuwe maatjie gekry.

_MG_2095

Meer as vyftig jaar verskil!

 

Swart en wit..

Maart 28, 2014 in Uncategorized

Ek is mal oor ou murasies en die feit dat die foto’s in swart en wit is,laat dit nog ouer en geheimsinniger lyk.

_Z4D7691a copy

Ou Ganabstasiegeboutjie tussen Luderitz en Aus.

IMG_3785

Kolmanskop naby Luderitz.

Piet,Pieta…

Maart 28, 2014 in Uncategorized

Na ‘n lang lyding is jy uiteindelik Woensdagmiddag sag heen.Ai Piet,dit was verskriklik en jou familie moes dit aanskou.

Ek onthou jou as hierdie gulhartige mens,wat elkeen op jou pad,spesiaal laat voel het.Met jou lekker Namibiese aksent en sêgoed,kon ons vir ure aan jou lippe hang.Wanneer jou vingers oor die kitaarsnare gestryk het en die liedjies met jou mooie stem die atmosfeer vul,kon niemand om jou hartseer of in ‘n slegte bui bly nie.Dis die effék wat jy op mense gehad het.

Ek sien jou nog met die braaitang voor die rooster met sissende vleisies of ‘n vissie op die kole…vol storietjies oor die dinge van die lewe,die allerdaagse dinge wat mens laat lag.Deur jou oë kon jy die eenvoudigste gebeurtenis omskep in ‘n snaaksigheid,wat lagtrane laat rol.

Jou spottery met jou Suidwes-eelt (lekker ronde maag) en hoe jy “ruim skep” by die kosbakke,sal altyd in ons harte deel wees van wie jy was.

Dankie dat jy vir ‘n kort tydjie deel van ons lewens kon wees….ons gaan jou mis ou Pieta!