Verdere verwikkelinge in die BLIXEM-sage

Mei 24, 2013 in Uncategorized

Nouja,manlief kom toe tuis met sy twee-dae-oud mens-pakkie en vinger-geborselde tande en vertel vir my hulle het speurder gespeel.Die plek waar die ongewenste inkopie gedoen is,was by ‘n splinternuwe Engen 1Stop oppad van Rustenburg af.Dis blykbaar naby Pretoria.

Op die garage se sekuriteitsfilm kan duidelik gesien word hoe manlief en kollega langs ‘n wit voertuig met vier insittendes parkeer.Hulle klim uit en dis duidelik dat kollega die motor sluit met sy afstandbeheerder.Hy en manlief stap kleedkamers toe met een van die insittendes van die wit motor,reg agter hulle,besig om op sy selfoon te gesels.Die wit motor ry en parkeer in ‘n wegkomposisie.Een vent klim uit,stap houtgerus na kollega se motor,haal die tas uit ,stap terug en siedaar die manne ry rustig weg met een van die dag se groot visse wat hulle gevang het!

Een se gesig is taamlik duidelik en hulle probeer die motor se registrasienommer sien.Nouja,ons hou nie asem op dat hierdie vuilgoed vasgetrek sal word nie.Intussen het skoonseun,wat ‘n rekenaarfundi is,al manlief se inligting geblok.Vir veiligheid moes ook alle pinnommers en kodewoorde by die bank verander word.Manlief is al heel oggend besig daarmee

Dis die nadeel van virtueel wees..alles is daarbuite vir almal om te sien!Dit maak mens eintlik bang!

Perdeby is nou ekstra die BLIXEM in!

14 antwoorde op Verdere verwikkelinge in die BLIXEM-sage

  1. Ek sê weereens, Wetters.

  2. ek-myself het gesê op Mei 24, 2013

    Maak mens moedeloos want jou hande is af gekap!!

  3. tina10 het gesê op Mei 24, 2013

    Ai tog ek sou ook baie moerig gewees het! My rekenaar is my kosbaarste besitting al is dit stok oud! Dink nou net aan al die werk wat ook weg is.
    Voorwaar sulke blixems

  4. vega het gesê op Mei 25, 2013

    Kan mens nie die foto groter maak en orals opplak nie. Sit die clip op Youtube en op elke koerant webwerf en waarsku mense. Miskien kom daar iewers inligting uit en word hulle gevang. Mens kan seker hoop?

  5. Twakkies het gesê op Mei 26, 2013

    Dis ontwrigtend, so iets.

  6. monicahaddad het gesê op Mei 26, 2013

    Gaan gooi ‘n paar bottels stukkend dan voel jy beter 😉

    (al weet ek presies hoe jy voel, ek sou ook )

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.