Hwange weereens

Oktober 10, 2012 in Sonder kategorie

Ek plaas ‘n paar foto’s van die kampe waar ons gebly het,om ‘n idee te kry hoe dit daar lyk.

Shumbakamp waar ons drie dae gekamp het.Let op hoe lendelam die draad is.Wanneer die hekke toe is,kan ‘n leeu regop onderdeur loop!

Grasafdakkie en piekniektafels waar dagbesoekers kan uitspan.Agter die reuse wurgvy,is die toilette.

Oom Olifant het juis in die nag oor die lae draad geklim en heerlik gesmul aan die vyeboom.

Dit was angswekkend,want ons was bang hy stoot sommer die boom om.Gelukkig het hy na ‘n angsvolle

uur of wat,sy lyf weer oor die draad gelig!

Ons tent met kombuisie en stort agter.Gelukkig was daar ‘n donkie waarin David,

die kampopsigter, vir ons vuur gemaak het.Die stort was heerlik warm.

Ons volgende kampplek was Kennedy 1.Hier is ons reg langs die oulike kombuisie geparkeer.

Die opsigter,Simon, en sy vrou,hou die plek tip-top met die minimum geriewe soos skoonmaakmiddels,

ens.tot hul beskikking.Horingou, deurgewaste,dun handdoeke uit ‘n vervloeë kolonialistiese era,hang silwerskoon

langs die buitelug wasbakke. 

Ngweshla Piekniekplek.Ons het nie hier oornag nie,maar twee keer hier aangery vir middagete.

Die mense wat die kamp gehuur het,was vreeslik beïndruk met die opsigter,Vincent.

Hy het sommer hul klere ook gegryp en gewas sonder dat hulle gevra het!Wat ‘n skatlike omie,

oud al,maar so hardwerkend en hulpvaardig..het ons skottelgoed ook gegryp en gewas!

Die ingang tot Ngweshla.Vincent is baie trots op sy versierings en hark en vee heeldag!

14 antwoorde op Hwange weereens

  1. Chopstix het gesê op Oktober 10, 2012

    Stunning – jy besoek darem lekker plekke!

  2. TS het gesê op Oktober 10, 2012

    Ek kamp nie en nog minder daar waar olifante oor drade klim is nie ‘n moontlikheid nie Ek slaap ook nie tussen dooie gebeendere nie!

    Jou foto’s is pragtig soos gewoonlik

  3. Dankie!Ek geniet die lewe verskriklik!

  4. Ag nee,Tina!Ek wou jou juis saamvra op ons volgende wilde ekskursie!

  5. Carol460 het gesê op Oktober 10, 2012

    Lyk so lekker rustig ! XXX

  6. Weer nice!

  7. Was baie stil,wonderlike plek om jouself te vind!

  8. Dankie!:-)

  9. is dit so moeilik om toe te gee?
    Kry kop asb..dit sal jou ‘n VEEL beter mens maak…

  10. Tsk,tsk,Fransie..lyk my jy sit op ‘n doring,skattebolletjie!

  11. Heerlikheid, bytjie!
    Ek dink julle is soortvan permanent met vakansie.

    Ek hou so baie van jou blog.

  12. Dankie Lou!Manlief is afgetree en ons gebruik elke oomblik om weg te gaan en nuwe plekke te verken.Ons deel beide die fotografie-stokperdjie.

  13. ek sal maar vir Tina geselskap hou!

    Dis pragtige wêreld en ek gee nie om vir die ongerief van kampeerdery nie, dis net min beskerming teen die natuur wat my maag permanent op ‘n knop sal jaag

  14. Mens moet nogal drade op jou tande hê vir die soort ding!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.