Waterparadys

Julie 11, 2012 in Sonder kategorie

Ons was twee jaar gelede op ‘n wonderlike plek,genaamd Duba Plains,in die Okavango Delta.Dis ‘n fantastiese waterwêreld,en by tye voel dit of jy vinne en kiewe moet groei om hier aan te pas!In Junie en Julie elke jaar,is die moeras op sy volste,wanneer die reëns uit Angola,met verskeie riviere uitmond in hierdie pragtige paradys.

‘n Mens kan nie die belewenis beskryf nie en ‘n besoek hierheen,moet op elkeen se lewenslysie wees!

Uitsig uit ons tent..water,water,water!Troppe buffels waad gedurig hierdeur en dan klink dit soos ‘n supersoniese vliegtuig,soos wat die water raas!

Hierdie is die allerdaagse pad wat ons heeltyd gery het.Nie vir die bang mens nie!

Net as jy dink jy is op droë grond,wag DIT vir jou!

Toemaar,daar is die brug,maar om daar te kom..!!

Veilig die brug bereik,nou ‘n eindelose ent oor hierdie houtbrug oor ‘n diep area in die moeras.

Dis nie ‘n boot nie,maar die voertuig se armleuning aan my kant.Bring die roeispane!

Veilig oor die brug en weer op “vaste grond”!Water,water,water!

29 antwoorde op Waterparadys

  1. loudavisi het gesê op Julie 11, 2012

    Stunning!

    Julle het guts….glo my, ek sou al lankal begin swem het.

  2. Gelukkig het ons ‘n gids gehad,wat elke dag hier ry.Hy was baie rustig en ervare en het stadig gery asof dit ‘n gewone pad was.’n Mens mag nie self in hierdie area ry nie,want dis ‘n konsessie wat aan die beroemde natuurfotograwe,Derick en Beverley Joubert,behoort.

  3. loudavisi het gesê op Julie 11, 2012

    0, Ok dan!
    Goed as die leier so ‘n dinamiese mens is.

  4. Ek moet erken,ek was by tye doodverskrik!

  5. hysmal het gesê op Julie 11, 2012

    lekker avonturig!

  6. sirpsa het gesê op Julie 11, 2012

    Gee whiz!

  7. TS het gesê op Julie 12, 2012

    mens moet rys plant

  8. krokowaan het gesê op Julie 12, 2012

    te veel water vir ‘n wes-transvaler van geboorte en ‘n namib-woestyn fên …. sal maar die whisky skoon drink

  9. Sjoe, maar daar’s omtrent vir jou water !!!!

  10. O Nee! vir my gaan jy nie daar kry as daar nie ‘n vliegveld is nie.
    Moet egter byvoeg dat dit baie mooi is, sal net te senu tergend wees om daar te kom

  11. HeavyHenry het gesê op Julie 12, 2012

    Bleddie nat…

  12. pienkvolla het gesê op Julie 12, 2012

    Sjoe, net om iewers te kom (ry) was omtrent ‘n belewenis. Altans dit lyk so, volgens jou foto!

  13. Carol460 het gesê op Julie 12, 2012

    Genade, maar dis nat !!! Die muskiete is seker ook volop !

  14. riem_mamba het gesê op Julie 13, 2012

    Absoluut waar, mens kan dit nie beskryf nie selfs fotos kan nie weergee as om werklik op die plek te wees nie. Wat ‘n voorreg het ek gehad om paar jaar in Francistown te woon en Botswana werklik plat te ry!! Goeie herinneringe!

  15. krokowaan het gesê op Julie 14, 2012

    Grênd dat jou blog nou al onder die gonsblogs gelys word!!!!

  16. lora2me het gesê op Julie 14, 2012

    Ek sou heeltyd maar net my oë toegeknyp het en darem so nou en dan geloer het na die pragtige, pragtige natuurskoon. Die water is net te veel vir iemand wie se kiewetjies al kleintyd toegegroei het.

  17. ‘n Mens raak dit naderhand gewoond en geniet dit dan vreeslik.

  18. Ek het dit nie eers raakgesien nie..te tegnologies gestremd!

  19. So,jy weet waarvan ek praat..wonderlike land..ook die droë dele is net so pragtig!

  20. Ja,Malaria is altyd ‘n risiko!

  21. Ja,dis baie moeilik,maar ons het ‘n goeie gids gehad,dus dit was sy bekommernis.

  22. Jip!

  23. Jy kan net invlieg soontoe,want dis werklik amper onmoontlik om daar te kom,behalwe wanneer die moeras nie so vol is nie..dit gebeur in droë jare.

  24. Dis ‘n ongelooflike plek..moeras is die regte woord.Dankie vir inloer.

  25. Die rys sal gou versuip.Ha!ha!

  26. Dankie vir inloer.

  27. En hoe!Jy sal aanmekaar gedigte skryf as jy daar was!

  28. Madhatter het gesê op Julie 18, 2012

    Bly jou senuwees is sterk.

  29. Ek weet presies ja!!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.