Profile photo of PATTY

by PATTY

Stil-Raserig

July 13, 2016 in Uncategorized

My kop is stil raserig.

Dit herhinner my aan internet verkeer.  Miljoene goeters heen en weer maar niks wat regtig iets vir MY beteken nie.

En ek dink.

Soos die afgelope paar weke al.

Dink. Dink, Dink.

Ek fladder bo en onder merk ek die bondel mens.  Daai mens is Ek

Ek se – Wat le jy so? Staan net verdomp op.

?

Geen antwoord.  En die Bondel-Ek beweeg nie eens nie

En nou het mens al weer nie ‘n donnerse cracker as jy een nodig het nie – ek sweer, die Bondel-Ek het ‘n helse cracker nodig.

WIL jy nie of KAN jy nie?

Die Bondel sê:  EK WIL NIE

Ek sê – As woorde gespreek kan word is daar lewe. – En waar daar lewe is is daar hoop.

Begin by die begin.  Sorteer die nes in jou kop.  – Jy WEET hoe haat jy klomp los gekoekte drade.  ONTKOEK en sort.

Ek-die-Bondel roer.  Draai die rug op Fladderende-Ek – ‘n lomp omrol soos kriek wat met Doom gespuit is

Nee jong.  Hiers BAIE werk sien ek.

Ek gaan eers ‘n cracker soek.

Vandag skiet ek hierdie Bondel in sy moer in.

Ek sal help om die stukke op te tel en als weer aanmekaar te sit.

 

 

 

Profile photo of PATTY

by PATTY

Om te dink of Nie te dink nie. Dis die vraag.

April 18, 2016 in Uncategorized

So ja.

Hallo mense,

Lang stilswye – ek was in my huilhoek

Maar, ek is bly om aan te kondig dat ek intussen die Snolle en trane afgevee het na my traumatiese ondervinding (sien vorige pos)

Dank tog die Vader vir die vooruitgang van menslike moontlikhede om gemorse reg te maak. Te wonderlik hoe slim die mensdom geraak het

(net jammer hulle is so dom op sekere ander gebiede – maar hierdie pos is oor MY so kom ons laat dit daar)

In elk geval, waar was ek nou – ja, die huilhoek en die vooruitgang.

My huilhoek vergader weer stof en ek is weer aan’t stof maak op ander plekke.

My Brein het weer ‘n idee uitgebroei – nooit ‘n goeie ding nie.  My idees is gewoonlik vol missie – maar ten uitvoere kortwiek die heelal my gewoonlik.  Ek is egter baie positief oor my nuutste idee en wil dit doen!

Nou het ek gewonder.  Hoe hou ander mense al die balle in die lug ?  ‘n Juggler ( – wat is die afrikaanse woord daarvoor? – ‘n Goeters-in-die-lug-gooier? ) – wel, die is ek nou NIE.  (En ek dink in elk geval ek sal ‘n slegte naam gee aan die beroep as ek sou probeer)  – maar dis gelukkig net in die sin van die woord julle verstaan mos nou

Nou kyk ek is nou nie Super Ma of Super Dit of Dat nie, ek het net baie goeters om te doen deur die dag – uhm, en ek balanseer dit met so 40%   ‘dink werk’ tussenin.  –  ….. uh … Ag goed dan, seker 40% leeglê.   – Selfde ding.  : |  – die punt is, ek is besig!  Of ek nou leeglê en of ek nou  besig is met uh, goeters, – ek is Besig.  En tussen al die besigheid val my idees op die vloer.

Sover het ek vandag al gedink of ek nie minder moet dink nie?

Wat dink julle?

Ek gaan nou verder dink.

Ek skryf later weer.

😀

 

 

Profile photo of PATTY

by PATTY

Wat sit dikbek in ‘n hoekie?

March 16, 2016 in Uncategorized

PATTY.  Dis wat.

Uh, ja wel, Hallo Mense,

Ek het lanklaas geskrywe – ek het in my hoekie gesit.

Ek is deur ‘n baie traumatiese ondervinding!  – ‘n TRANSFORMASIE.

– Nee ernstig.  ‘n Transformasie soos op Hannon  (eh, – dit was nou net nie by Hannon nie)

EN.  Net vir die record, Teen My Wil

Ek woon nie sulke geleenthede by nie – ek was nog nooit in my lewe eens vir ‘n “facial”of so iets nie.  Ek DOEN dit net nie.

Nou ja, dit is toe aangebring as goed bedoelde gebaar, so ek gaan maar.  TEEN my beterwete.

Daar gekom prop hulle my in ‘n stoel.  Gryp maatband en begin my te meet.  Waars die middel, hoe lank is my arms, hoe lank is my bene – wat hang, wat is nog nie aangetas deur gravitasie nie, al sulke goed.  Ek hoor ek is relatief “normaal” alhoewel my kniee tekens van ouderdom toon, my maag effe te rond is en my skouers te smal.  – Met ander woorde, ek is NIE normaal nie, ek is uit verhouding uit.  Maar goed.  Ek kwalifiseer nog vir “relatief normaal”

So vat hulle my vas in die haarkapperstoel.  En dis nou toe net daar waar die moeilikheid begin.  Hulle wil my donker gotiese hare LIG maak – ek is te oud vir so donker kleur.  Ek piep ek wil nie eintlik nie, maar hulle kan dit maar BIETJIE ligter maak as dit dan moet.  Maar NIE sny nie!!  Nee goed – net BIETJIE meer modern?  Meskien kort bob?  Ek sê “Okay!!  Maar ek soek dit nie KORT nie!” Nee nee dis reg.  Ontspan jy net.

4 ure later hyg ek na asem van die bleik walms, en my betraande oë kan nie mooi sien wat sy als aanvang met die skêr nie.

Nodeloos om te sê – hulle HET my hare gesny.  MIKRO Kuif – net so mikro bo op my kop.

Ek hyg nie meer nie  –  ek hiperventileer.

Almal jubel oor hoe pragtig dit is.  – Ek het nie woorde nie.

Die grimeerkunstenaar wals in – weer eens word ek op stoel sitgemaak.

Nou sien ek nie myself nie.  In my binnekant snik ek oor my hare en Bid vir die beste met die grimering.

Ag mense.  Weereens oe an a almal oor hoe pragtig dit is.

Ek skrik my gat af toe hulle my daar omdraai ek sê vir julle.

Wenbroue soos 2 teerpaaie bokant my oë.  Weereens het ek nie woorde nie.

Daars helaas nie tyd nie, ons moet klaarmaak vir ‘n fotosessie.

Teen hierdie tyd is my maag al op ‘n knop – ek dink ek het so pas ‘n maagseer groter as ‘n waatlemoen ontwikkel.

Ek is soos die lam oppad slagpale toe.  Soos ‘n pou met ‘n perm so vreemd voel ek.

Ek hou egter my pose voor die kamera.

Trek DIE aan!  Staan so!  Draai SO.  Kyk op.  Kyk af.  Hemel ek is later so deurmekaar ek weet nie meer watter dag dit is nie.

Einde ten laaste is hulle klaar met my.  My lippe brand van al die lipglans en ek wil net huis toe gaan.

DUS, soos julle kan aflei is ENIGE VORM van transformasie prosesse NIE my sterk punt nie.

Dit was nou snaaks die een keer.

NOU.  NOOIT WEER NIE DANKIE.

 

 

 

Profile photo of PATTY

by PATTY

Korttermyn Planne

February 18, 2016 in Uncategorized

 

 

Middag Mense

Ek het ‘n paar korttermyn planne wat ek in werking wil stel.

My Nog-Nie-Dwalende-Seun het getrou sy skoolloopbaan voltooi en is nog knus onder my dak. Ek het toe besef ons kan ‘n paar randjies maak uit die bloedjie. (Nee – ek gaan hom NIE inskryf vir Noot vir Noot waar hy paar randjies kan wen nie – ek vermoed in elk geval sy kennis van musiek is nie heeltemal op standaard nie. Deurslaggewende faktor vir NIE-Deelname natuurlik die feit dat EK op die Tee-Vee sal moet waai vir die kamera as hy se wie hy wil groet – en ek verskyn NIE op Tee-Vee nie, ALMAL weet dit)

Nee. Ek het meer in die rigting van Losies gedink.  –   R10 000 per maand is seker bietjie baie in ag genome dat hy nog nie werk nie?

Maar kyk nou Losies hoef nie noodwendig GELD te wees nie. Hy kan mos WERK by die huis terwyl hy wag om te begin WERK in die buitewereld dan nie?

Kom ons neem byvoorbeeld Honde-Bollies optel. Dis ‘n gagga werk en Niemand wil dit eintlik doen nie – en AS jy iemand gaan laat UITKOM om dit te doen, gaan jy jou gat afbetaal. – Dus, daar het ons klaar een werkie wat konsidirerende bedrag gaan aftrek van die R10 000.

‘n Ander opsie is Drywer. Al die sinnelose geryery heen en weer vir melk, brood, skool, ens ens. Hoekom moet die MA al die ryery doen? Die Nog-Nie-Dwalende-Seun kan dit doen. Jongmense hou van sinnelose ryery vir ‘n doel.

Dan het ons ook in elke huis die “au-pair” funksie. Elke ouer kind het jonger sibbe. Die ouer kind is vars klaar met skool en die brein nog (hopelik) redelik aktief wat skoolwerk betref. Ouer kind kan dus jonger kinders Help met Huiswerk, Opwindende Nimmereindigende Skooltake, Opstelle, Vraestelle – die moontlikhede is legio.

En dan is daar natuurlik ook Kosmaak vir die gesin – Dit sal hom BAIE help – vroue soek mans wat kan kook – En ek dink vir nog ‘n paar rand van die R10 000 af kan hy sommer die skottelgoed ook oorneem as taak. Vroue hou MEER van mans wat kan kook EN die skottelgoed was. Dis dus nie harteloos nie, ek doen hom eintlik ‘n guns.

Ek weet ek is seker te sag op die bloedjie maar dis darem al ‘n begin of hoe?

Ek moet nog take gaan soek wat hy kan verrig – bogenoemde is nie naastenby R10 000 werd nie.

Ek skryf later weer.

Profile photo of PATTY

by PATTY

Aai Jaai

February 12, 2016 in Uncategorized

Goeienaand mense.

Jimmel – my lewe voel alweer soos die uitlaatpyp van ‘n septiese tenk – julle weet, mens weet nie WAT daar gaan uitkom nie – maar jy weet ook dit gaan niks goeds wees nie.

Die hoof van ons huis is ………. uhm ek weet nie waar nie. Ek wag in spanning om die verduideliking te hoor dié keer.

Wil ek regtig weet? – nee, weet julle wat – ignoreer daardie vraag heeltemal – hoe minder ek weet, er,  hoe beter

Dis vir almal se beswil, maar eintlik meer vir my eie.

Midde my woede-opbouing het ek my resepteboek nadergeruk.

Ek weet wat dink julle.  Sy wou een of ander giftige brousel aanmekaarslaan en dit vir die hoof van die huis ingee.  (Alhoewel ek wens ek HET sulke resepte gehad, is dit NIE wat ek gedoen het nie.)

Ek het Kaas Muffins gemaak – veerlig en sag.  – Uhm.. oraait, meskien was hulle dalk bietjie hard. Maar ek kan verduidelik.

Die resep het gesê   Vinnige MAKLIKE, kaasmuffins.  Dit was toe vining.  Maar die maklike deel was nie so maklik nie.  Veral nie toe die resep my bedag maak op die feit dat die deeg “slap”moet wees nie.  – My deeg was styf.  Soos die deegband om my  middellyf.  – Ouderdom is ‘n liederlike ding.

Nietemin, ek  het die harde bolle in die muffinpanne ingeforseer en gebak.  Die kinders ken die dril – as ma iets bak, sal hulle dit eet en daarrvan HOU.

So ek het nou saam met die kinders die rots-kaasmuffins verorber, en nou gaan ek bad en dan gaan ek in die bed le en horror fliek huur op Box Office.

Dit behoort my voor te berei aan die Hoof se inval later.

Ek skry dan later weer

 

 

 

Profile photo of PATTY

by PATTY

Nou Wonder ek net

February 8, 2016 in Uncategorized

Goeiemore  Mense

Ek was vanoggend by die Dermatoloog – ek het ‘n aaklige sweer op my gesig.  – Ja, dit lyk vrek lelik en ek kry vrek skaam om so in die openbaar te verskyn.

Dus, as laaste alternatief is ek dokter toe  (- en die skoonmaak met die alkhohol deppers was ‘n traumatiese ondervinding net vir die rekord)

In elk geval, ek skrywe nie vandag oor swere en martelings aan die hande van ‘n dermatoloog nie – nee.  Ek skrywe oor wat VOOR dit gebeur het.

Terwyl ek toe nou so sit en wag met my ou bewerige broek – gryp ek die naaste boek op die ou tafeltjie om my aandag van my vrees af te trek.

Dié handel toe oor “Champions for Christ” – Prag boek, – mooi fotos en beskrywings van ons eie, en ander lande se sportlui met hulle geloof sterk geanker in Christus

En, soos dit met bekendes saamgaan ken ek nou meeste van die atlete.  EN soos ek blaai deur die boek vang my oog hier en daar ‘n persoon wat met die jare saam – wel – seker so effens afgewyk het van sy sterk geankerde geloof?

Toe sit dit my aan die wonder.  HET hulle afgewyk van die geloof, of was dit bloot die LEWE en sy euwels, omstandighede en dalk gebeurtenisse  wat gemaak het dat die anker bietjie losgekom het?

Ek veroordeel nie.  Ek het te veel foute myself.

Ek loop rond met so piertsie wraak in my hart – ek is allesbehalwe ‘n voorbeeld soos ‘n voorbeeld behoort te wees.  Maar ek WONDER.

Hoekom dan?  Faal jou geloof jou?  Het dit nie meer dieselfde waarde as voorheen nie?  Dink mens jou geloof is so onwrikbaar dat, al doen jy hier en daar iets  verkeerd, dit tog aanvaarbaar sal wees as jy om vergiffenis vra?

Ek het altyd geglo die Vader stuur dinge oor die wee omdat Hy weet ons kan dit Hanteer en Oorkom.  Ons is sterk so gemaak, in staat.

Meskien is dit toetse vir ons geloof?

Meskien is dit om ons juis bewus te maak dat ons enigiets kan oorkom met die krag wat ons van Hom en Sy genade kry.

Ek weet nie.  Maar ek wonder.  (Bygesê ekw onder  met die grootste respek – vergewe my dus as ek iemand aanstoot gee met my gewonder)

– Op ‘n ligter noot, ek sien myself vandag as ou Job.

Ek is nou oppad om ‘n ashoop en ‘n potskerf te loop soek om die sweer op my gesig mee te krap.

Ek skryf later weer.

 

 

 

 

 

 

 

 

Profile photo of PATTY

by PATTY

Nog ‘n Ontwaking

February 3, 2016 in Uncategorized

Goeiemore mense.

Ek is sover half-Patty-nog-half-Medusa  – Ek het al hare gekam, helaas, ek is niks sonder grimering nie

My ADSL modem ding is weer in een van sy lollerige buie, dan is hy af, dan is hy aan.  Op die net, dan weer af van die net.

NES ek dink:  “Ek ruk NOU die drade uit en gaan koop ander een darnit ”  –  Woeps – werk Ta skielik weer.  – Ek dink hy lees my wraakgedagtes : /

Dus!  – Hy werk.  – Ek skryf.

Terug by MY.

Ek is nog steeds kwaad. *gaap!!*  maar ek voel darem al meer gemotiveerd om iets daaraan te doen.

My eerste stap  – Ek het my senuweepille versterk – so ek is kwaad maar ek is kalm.  Is dit goeie teken?  NEE.  As ek kalm is is ek gevaarlik.

Ek is steeds besig om aan ‘n wraakplan te werk.  Ek kan myself nie help nie, ek het al alles probeer –  Bloedoortappings, Enemas – ek bly dieselfde voel.

Wat bydrae tot my woede is die feit dat ek NIE ‘n wraaksugtige mens was nie.  En ek se vir myself “Jy is NIE so soort mens nie – laat dit gaan en beweeg aan”  Helaas Pyn het my verander.  Ek WIL nog nie laat gaan nie.  Ek soek ‘n verduideliking.  Ek soek ‘n verskoning.  Nie ‘n “dit-kon-erger-gewees-het-nie”

Want dit was nie nodig nie. Ek het nie gevra vir dit nie.

En ek weet ek is nie die eerste of laaste een nie, maar ek is HIERDIE een en ek moet nou daarmee deel en dis moeilik.

Almal se tyd sal dit beter maak, ek voel al ‘n jaar so.  Hoeveel tyd dan??  Ek gaan na alles plastiese snykunde nodig he om die 10 jaar se veroudering in een jaar weer te herstel demmit.  En ek het nie geld vir plastiese snykunde nie – eks klaar Medusa – hoeveel tyd gaan ek nou moet bestee om in die openbaar te verskyn sonder dat kinders begin huil?

Ek is nie seker of ek gaan beter voel as ek weet die partye  is gestraf nie – vir nou laat die vooruitsig daaraan my ietwat beter voel.

Is ek verkeerd om so te voel?

Dalk.

Dalk nie.

Ek gaan nou huis skoonmaak en daaroor dink.

Ek skryf later weer.

 

 

 

 

Profile photo of PATTY

by PATTY

‘n Dom Patty

February 2, 2016 in Uncategorized

Ek IS toe so dom soos ek lyk, en ek is lyk my nog hopeloos  met die blog gedoente

Ek wil graag ander mense se skrywes ook onder oog kry – maar waar kry ek dit? (Moenie lag nie)

Ek was so vol mission toe ek nou begin skryf het – tot op hede het ek dit darem reggekry om al 2 poste die lig te laat sien – helaas is dit AL

Hier is so baie goed op die ‘dashboard’ ek voel verlore

Enige raad waar ek meer kan leer ?

Intussen sal ek hier rondstrompel en kyk of ek iets regkry

Ek skryf later weer.

 

 

 

 

.

Profile photo of PATTY

by PATTY

Ontwaking

January 22, 2016 in Uncategorized

Letterlik en Figuurlik?

Ekt vanoggend ontwaak in normale Medusa staat – Ons gaan nie daarop in nie. 

En – ek het ontwaak uit my giftige sluimer.  – Daarop sal ek wel voortborduur tot lesers se spyt.

Kyk ,dis nie te sê omdat ek erken het ek het klein woede probleempie, dat alles soos mis voor die son verdwyn het nie – ek is nog steeds blerrie kwaad.  Om als te kroon is die HOOFpyn wat besluit het ek kort nog ‘n skaduwee die laaste ruk, ook al weer met my saam.  (Ek haat hom – net vir die rekord) (EN ek haat hierdie demm auto correct ding op die rekenaar net so baie – hy is my groot enema ENEMY – sien – daar doen hy dit weer)

Soos duidelik opgemerk kan word is daar BAIE haat, woede en frustrasie hier te bespeur.  Die Slimmes reken dis ONGESOND om so te lewe.  En al is ek nie juis gesondheids fanatikus nie – wil ek nou darem nie onnodige plooie veroorsaak deur ‘n bek wat heeltyd op stywe streep, of oë wat agterdogtig op skrefies getrek is nie julle weet.  ( Mense is klaar bang om my te benader oor ek glo so “streng” lyk – en ek wil nog kleinkinders hê wat my NIE bewend Juffrou Rottenmeier noem en die koekies en lekkers stilletjies uit vrees vir vergiftiging in die asdrom gooi nie. )

DUS – Ek sal die ou Slimmes se raad volg en ‘Gesonder’ probeer word. Die giftige “junk in my trunk”  (probeer) wegwerk stuk vir stuk.

Die Kwaadgeit het verdere negatiewe invloede op my.  Wel, vir een, ek IS Negatief – sommer in die algemeen.  Oor Alles.

Dan: Ek rook te veel.  (Goddank gebruik ek nie alkohol nie – nog nie – maar ek het so effense probleempie met die hoeveelheid hot chocolate wat ek inneem)  Ek EET te veel. Ek slaap te min.  Ek Dink te veel.  Ek stel goeters uit.  Ek vertel myself dinge wat seker nie HALFPAD so erg is as wat ek dit laat klink nie. – Dan glo ek dit.  Ek is lus vir niks. Ek dan is ek weer TE lus vir sjokelade en sulke goed.  Ek misbruik seker so klein bietjie my arme kruie kalmeer pilletjies.  En so aan en so voorts.

Nou WAAR presies begin mens nou die junk sorteer en uitgooi?  Moet mens teruggaan na die begin van die probleem?

Ek dink dit kan werk!  Gaan terug na die oorsaak en slaan die persoon in ‘n pulp in!

– Okay, die Slimmes reken dis onwettig en kan teen my gebruik word as aanranding.  So dis uit.

Maar jimmel mense!

–  Ek soek revenge!  Is dit verkeerd om so te voel?

Ek weet dis seker nie die antwoord nie maar kan mens nie net “n PERSENTASIE  revenge pro – rata uitwerk nie?

Ek sien hierdie gaan moeiliker wees as wat ek gedink het.

Ek dink ek gaan eers bietjie hot chocolate vat en my kruie pilletjies misbruik – ek skryf later weer.

 

 

 

 

 

 

 

 

 

Profile photo of PATTY

by PATTY

Ja nee Kyk

January 21, 2016 in Uncategorized

Ek se toe vandag vir myself “Paterina – dis tyd dat jy jou prioriteite regkry.  Dié gif moet uit. – jou gat is al half gegrou – een van die dae val jy in jou eie graf”

Maar nou STRY ek. – Meskien WIL ek in my eie gat val. Ek is moeg van my eie motto “HOU NET JOU POSE” – en my kruiepilletjies wat my bloeddruk moet beheer, raak duur,. – Ek dink kruie val seker onder groente of iets. Kos ook nie meer ‘n appel en “ui” nie. (ja, ek weet dis eintlik ‘ei’ – maar ui pas mooier by die groente deel)

Om terug te kom by my gat – Eks kwaad.  Vir die hele demm wêreld.  My lewe is soos ‘n wasmasjien op die “spin cycle” – en ek dink ek het iewers my houvas verloor.  Vandaar die vrees dat ek in die gat gaan val.

Nou kyk, ek’s nie meer jonk nie, maar demmit, eks ook nog nie oud nie.  Ek’s nie naastenby ‘n skoonheidskoningin nie, maar ek het  soms nog die waagmoed om  soos ‘n pou met ‘n perm al gatswaaiend in die straat  af te stap – sonder om ‘n oog te knip oor al die opgetrekte wenkbroue  – (En – NEE ek dra nie te-klein klere of te min klere nie – ek hou van my gotiese voorkoms en er,ek oordoen dit seker somtyds so effens – mense dink seker eks verwant aan Batman, want ek dra ‘n pierts te VEEL swart en eienaardige juwele – ek kort nog net die masker effek  – maar dit daar gelaat)

Helaas na al die stryery met myself, moet ek erken ek moet die uitlaatklep oopmaak – hierdie woede in my voel al soos Etna – dit kook gevaarlik – en mens moet ook nou nie vir Beëlsebul onnodig idees gee nie.

Ek hoop my skrywery kan my greep op die uitlaatklep versterk – om hom oop te maak.

So hierdie dan die storie van Paterina, die gotiese vlermuis en haar gat.

Ek moes seker êrens begin – van hier af sal dit seker makliker gaan.

En nou gaan ek aan my grot se dak hang en slaap

Ek skryf later weer.