Tjek my nuwe avatar!

Maart 14, 2014 in Uncategorized

avatar

 

 

 

 

 

 

 

 

Na vele gesukkel en onderlangse geswets kry ek dit reg om ‘n nuwe avatar te plaas nadat my vorige een ontfutsel is. Ek was darem ook al uitgekuier met daai dolosbeentjie, dor en droog en oninspirerend. Hierdie windverwaaide see-meeu verteenwoordig my Hermanus heimat, en sal hopelik meer inspirerend wees as die toorbeentjie.

Terwyl ek nou hier is vergun my om ‘n grappiekie te vertel wat van Nico Nel se kant kom. Die van julle wat dit ken, verskoon maar.

Dit gaan oor hierdie ou wat op ‘n stasie daar erens in die Karoo gewerk het, toe daar nog sulke  stasietjies was.  Op Hoofkantoor kom iemand agter dat die ou nou op gond van jare diens kwalifiseer vir bevordering, maar hy moet darem ook ge-evalueer word om te bepaal of hy bevorderingswaardig is. Gevolglik word twee hooggeplaaste amptenare vanaf Beaufort-Wes gestuur om die evaluering te doen. Nou vra hulle die ou uit oor sy werk maar elke vaag word met doodse stilswye begroet tewyl die ou intens na die muur staar.

“Watse vrag vervoer die goederetreine wat hier deur die stasie beweeg?” Niks, g’n reaksie.

“Wat is die naam van die passassierstrein wat van Johannesburg dwarsdeur die Karoo Kaapstad toe ry?” Tjoepstil.

“Wat beteken dit as die rooi sinjaal gelig word?” Geen antwoord.

Radeloos vra een van die onderhoudvoerders “Höeveel is vyf maal ses?”

Die ou frons en kou sy lippe maar geen antwoord,

Die twee amptenare het nou genoeg gesien en staan op om te loop. So in die verbyaan se die een ” Terloops, vyf maal ses is dertig”.

Die ou vlieg orent “So baie!!” se hy.

 

13 antwoorde op Tjek my nuwe avatar!

  1. tina10 het gesê op Maart 14, 2014

    aha jy vorder.

    Ek is soos daai ou… gelukkig het ek afgetree en niemand kom dit agter.

  2. Ek hou van jou avatar..dis een goeie ding van die werfprobleme…almal het nou nuwes…party heel interessant.

  3. vuurklip het gesê op Maart 14, 2014

    Who ruffled his feathers? Wassit jy?

  4. Ek tjek – dis mooi.

  5. Skud jy jou vere reg Lewis?

  6. tantekoba het gesê op Maart 15, 2014

    wind so erg?

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.