The Alchemist

Februarie 12, 2011 in Sonder kategorie

Ek het vertel van Chopper, die rondloperbrakkie wat ongenooid kom nes skrop het in ons werf en sommer gou-gou ook in ons harte. Die outjie het nou groter geword en alle vrese dat hy ‘n pieperige vlermuishond is die nek ingeslaan. Oorheersend in sy herkoms is Foxterriërbloed. Hy kon ook Plankie geheet het, hy is sommer hier op die straathoek aanmekaar gespyker. Maar die brakkie het een verstommende eienskap, hy het alchemistiese vermoëns. Hy vreet die afvalstukkies houtskool by die braaier en tjorts dan houtskooldrolle teen die ratio 50gm tuisgemaakte houtskool van 5 gm afvalhoutskool.Nou loop ek maar so met die graaf agter hom aan en drie tjortse later is daar genoeg houtskool vir Saterdagaand se braai. Die siklus word dan herhaal, Chopper vreet die afvalstukkies en produseer dan weer houtskool van gehalte. G’n garage houtskool weer vir my nie, en so word my koolstoftred hier op Moeder Aarde ook ligter. 

 

Ek dag toe hierdie magiese vermoë moet verder ondersoek word met die oog op welvaart en verryking. Ek draai ‘n R100-noot in ‘n stukkie steak toe en Chopper vreet te lekker. Maar g’n R100 drolle nie, net so ‘n slapskyt, ek dink die kos was te ryk.

 

Nou ja, laat ek gaan. Daar is ‘n paar prima tjoppies wat wag om gebraai te word.

 

Tjorts!

29 antwoorde op The Alchemist

  1. TS het gesê op Februarie 12, 2011

    Niemand kan julle beskuldig dar julle nie hersirkuleer nie… hehehehe … een van die dae het julle ‘n uitvoerproduk?

  2. geniet jou tjoppie

  3. Lekker lag ek!!!

  4. Bwhahahahahaaaa!
    Net soos Lewies kan.
    Wragtag!

  5. Jirre daai brak kán recycle! Ons Wagertjie kots haar aandete op en vreet dit wéér. Geniet haar aandete tweekeer! Ek seg toe vir Ounooi dat ek dit self met roomys gaan probeer – nou slaap ek en Wagtertjie maar saam in die hondehok …

  6. Ek doen vanmiddag ‘n paar tjoppies, wat!
    🙂

  7. Mens moet hom net goed bestuur!

  8. Soos ek sê, die geheim lê in goeie bestuur!

  9. Dis hy Tina, ons leef groen!

  10. Die die onvermoë om geld te skyt was nogal ‘n teleurstelling!

  11. Well done!

  12. Hi Latino!

  13. HalLou Lou!

  14. mmmm, ja, dalk kan ou Chopper hierdie vermoë geneties voort plant. Is Wildehond ‘n wyfiehond?

  15. More Flenters! Lekker dag daar in Pertorija!

  16. Bobtail pizza!

  17. het jy genoeg houtskool?

  18. Perpetual motion, at last!

  19. Kan ons maar ons afval houtskole aanstuur? wat sou julle max maandelikse produksie wees?

  20. Juistemint! En ek het altyd gedink dis ‘n kak storie!

  21. Jy meen dan stuur ek die recycled produk weer vir jou?

  22. zephur het gesê op Februarie 14, 2011

    LOL

    Geniet die braai…oftewel die volgende een

  23. Hi Berwick!

  24. Dis nou die een probleem–daar is nie altyd houtskool op kort kennisgewing beskikbaar nie!

  25. neee man, draai ‘n R200 innit, dan kry jy dalk change in die stinkslaptes ….

  26. Dis my probleem met finansies, ek wil nie waag nie!

  27. Hallo Flenters!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.