Jy blaai in die argief vir 2011 November.

by Pronk

Happy pills

November 30, 2011 in Sonder kategorie

En daar land ek toe mos nou oor die naweek in ‘n fisiologiese doodloopstraat en sien nie my weg uit die moeras uit nie.

Na die gordelroos episode het ek verskriklik angstig begin raak oor goed. Ek meen, ek het baie druk op my as enkel ma van 3 kinders en om 2 loopbane te juggle plus my uitstalling wat eersdaags open en waarvoor ek baie laat begin werk het. En toe nou ‘n besoek deur ‘n baie “angry” virus en die kommer dat ek dalk my oog gaan verloor.

Die eerste ding wat toe waai is my aptyt. Ek leef vir 2 weke op koue water en ‘n paar appelkose en so en natuurlik drop my gewig toe tot onder 50 kg en my familietjie raak toe skoon op hol.

Toe begin ek die allerverskriklikste angsaanvalle kry. Geen asem, my hart klop in my keel, hande yskoud en ek voel oor die algemeen sommer net of ek gaan dooi en later toe wens ek ek gaan dooi, want toe kan ek dit nie meer hou nie. dis ongelooflik hoe werklik dit voel!

Nadat ek toe eergisteraand volledig in duie stort met koue koors en braking en ‘n verblindende kopseer is dit toe dr toe met my.

My lyf is toe in ‘n adrenalien/kortisol feedbackloop en die patroon is nou so vasgele dat ek nie my eie “come down” meer kan bewerkstellig nie. So nou is ek op ‘n ligte kalmeermiddeltjie net om die siklus te breek, want ‘n oormaat kortisol is gevaarlik. Hulle noem dit die death hormone want mens kry hartaanvalle enn strokes van dit en dis waarheen ek oppad was …

My aptyt is nog nie terug nie, so nou is ek maar op Ensure en smoothies.

Fisiologie is darem fassinerend, julle …

by Pronk

Cullinan Uitstalling

November 25, 2011 in Sonder kategorie

Julle word almal hartgrondiglik uitgenooi na my uitstalling op die skilderagtige klein dorpie, Cullinan, net hier anderkant Pretoria. Bring almal saam en kom mob vir die ganske dag. Die gallery is omring deur heerlike koffiewinkeltjies en snuisteryplekkies.

As jule enige iets verder wil weet, spaces my, asb

by Pronk

Kersfees maak my naar

November 24, 2011 in Sonder kategorie

Dis vir my die mees ontstellende tyd van die jaar. Destyds met die ontstaan van die nuwe Suid Afrika was daar mos die rumour dat “hulle” kersfees gaan kanselleer, onthou julle? Ek onthou almal was in in TOES daaroor!!!

Maar mense vergeet dat dit nie altyd ‘n holiday was nie. Ek weet die ou Voortrekkers het maar voortgetrek op kersdag. net daai aand bymekaargekom en gelees en gebid en ‘n frugale ete saam genuttig (Alhoewel hulle net ‘n paar dae tevore ‘n hideous binding op hulle nageslag geplaas het met die mees on-Skriftelik-gefundeerde Gelofte wat ek in my dag des lewens aanskou het, want as Christen het ek geleer mens bargain nie met god nie, en wat was dit nou anders? (Ek is ‘n direkte nasaat van Andries Pretorius, so ek weet)

Wel, ek sou baie happy gewees het as “hulle” krismis gecancel het, maar nou ja, “hulle” sal mos nou nie rerig nie wat Krismis stimuleer die ekonomie en so …

Die Boeddhiste sentum op Ixopo het elke jaar oor kersfees ‘n retreat van 7 dae edelstilte. Ek kan nie aan ‘n beter manier dink om tyd met jou geliefdes te spandeer as om te onderneem om vir ‘n week nie ‘n woord te seg en net lief te WEES vir jou mense nie!

En Ramadan resoneer ook met my. ‘n Hele maand waartydens mens vas en jou toespits op minderbevoorregtes.

Wat se dit van ons gewyde feeste?

by Pronk

‘n Bok is ‘n bliksem

November 18, 2011 in Sonder kategorie

Nog my hele lewe deur fascinate boerbokke my. Elke keer as ek na een staan en kyk, dan is ek verwonder oor die fynbesnede neus en lippe en die striking oe. En die sierlike, arabeske krul van die horings … en die baardjie.

Hier’s een wat ek nou die dag gekiek het by die Diereplaas .

Hy is ‘n prime specimen.

Hy gaan later ‘n painting word …

by Pronk

Laksmi unplugged

November 14, 2011 in Sonder kategorie

So af en toe – hel, nee, eintlik heeltemal gereeld, kry ek die allerheerlikste opdragte waarin ek myself totaal kan uitleef.

So rukkie terug kontak ‘n vrou my. Nee, sy het my 2 godinne op die www.art.co.za site gesien. Durga en Kali. Toe wil sy weet waar is Laksmi. Toe laat ek haar weet, nee, ek het nog nie vir Laksmi gepaint nie. Om die waarheid te se, sy is vir my bietjie boring in vergelyking met die donker Kali en die bemoerde ou moedergodin Durga. Maar toe kry ek nou die opdrag om vir die vrou ‘n Laksmi te paint. En sy betaal my sommer upfront en klaar – wat my laat dink dat Laksmi nie verniet die goddess van abundance is nie!

En terwyl ek besig is met haar, toe ondervind ek ‘n hele paar challenges. Eerstens kry ek gordelroos!?! in my gesig. Baie, baie naby aan my oog. Aanvanlik dink ek ek het Ebola onderlede want dit voel my toe ek is besig om op te smelt van binne, maar toe die uitslag hier om my oog manifesteer, toe jaag ek dokter toe. Want dis bietjie freaky. Die virus target mos die omhulsel om die senuwees, en dis ‘n tipe van russian roulette waar hy gaan uitkom en as hy jou optic nerve aanval dan is dit tickets. En die ding kom toe hier reg langs my oog uit

Nou, vir die van julle wat snedige aanmerkings wil maak oor homeopatie, gaan maar voort, maar ek het die virus se gat geskop binne 4 dae.

Een van die interessante remedies vir Herpes Zoster in Cantharis, of spaanse vlieg wat in die ou dae as afrodisiac gebruik is. Dit het weliswaar baie vinnig die pyn geskuif. Die ander groot remedy is brandnetels.

So ek is darem weer pynvry en up and running, maar terwyl ek so bietjie afgetjop het oor my oog, het ek maar elke dag aan Laksmi geskilder en het sy gekeer dat ek nie insane raak nie 🙂

by Pronk

Viva la Vaginista!

November 3, 2011 in Sonder kategorie

Ons meisies raak rusteloos …

by Pronk

Extremely shagadelic 2 headed Voodoo Hoopoo

November 1, 2011 in Sonder kategorie

Vir my einde van die jaar uitstalling in Cullinan in Desember doen ek Afrika op acid. Wilder as die wildtuin is my big 5. Als het ‘n paar ekstra koppe en baie arms en bene … soos hierdie Hoepie.

Wat het van ons Hoepies geword? Daar is deesdae so min van hulle dat as ek een raakloop, dan is dit sommer ‘n okkasie!