by

24 Oktober 1992

Oktober 24, 2008 in Sonder kategorie

 

jou woorde kom na my toe aan
elegant, vaartbelyn, glinsterwit
beeldskone skepe
op ‘n oseaan van trane
 
jy bring vars, mietvrye voorrade uit eksotiese ver, ver plekke
en ‘n deeglik-aangetekende inventaris van:
 
* saggebreide beervelkaros
* turkse amber met oerinsekte daarin vasgevang
* fyn, fyn eenhoringskelet (self gejag)
* geurige olie van damaskusroos en bergamot
* ‘n vurige skimmelhings…..
 
en ‘n pragtige turkoois amulet
wat ek uiteindelik op my muwwe ou mummie se voorkop kan plaas
sodat ek die tombe vir eens en vir altyd agter my kan toemaak.

2 antwoorde op 24 Oktober 1992

  1. Angelor het gesê op Oktober 27, 2008

    So absoluut pragtig….

  2. abrham het gesê op April 4, 2009

    om te onthou
    om te vergeet

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.